المشاركة الأصلية كتبت بواسطة شيخـــة الغــيــد (المشاركة 436467) الله الله صح لسانك يالعوود من اصبح افلح / عاصفي الحزب صحصح شفته بعز اللياقه وده يشرب قهوة الفجر ويدندن بالقصيدة الكرم في حزبنا مشهود وماله اي علاقة لاتجنّى يالهواوي واللي قلتــــه لاتعيــــــده وينهم اعضاء حزبك هات علمك ابرواقه عاصفيون المسمى مير بتّم على الحديـــدة لاموايد شفتها منكم ولا شفت الرفاقة حزب متعثروحظه ماش ومساويه عديدة

بارقٍ لي لاح هيظني بضوحه وانشعاقه=ياعساه ان كان به بردا تجي ماهي شديده
اقصر الدافور ماعونك منه بيِّن احراقه=لايموت من الضحك مسعود من طبخة سعيده
عودك ان دقيت ساقه اضحكوا منك الرفاقه=وانت عاقل لاتحاكي راي الافكار البليده
وبعد ماهددتني خذ لك من الريحان باقه=واذكر الله واستعذ به من شياطينٍ مريده
كل هذا ما بغيت اقول وابصم لك لحاقه=انت بيطار القوافي والشعر هجسك عميده