يالهجس لامريت سجن الرواسي=على رفيقك لا تشح بكذا بيت
من صنف جلاي الكدر والنعاسي=من يسمعه يقول ما مثله اوحيت
لو تدرك همومٍ تجلجل براسي=تثور بعض احيان مثل الدناميت
كان ادهرت وجيت كلك حماسي=ولنخوتي لك كان في سرع لبيت
عقب الوناسه مر طعم المآسي=كنك تجرع كاس صبره وحلتيت
مجنون يحسبني مع الوقت ناسي=يزهم برقمٍ غير ويقول حييت
قلت ارحب ارحب يابعد كل ناسي=وش ذكرك بي يوم كني تناسيت
وين المغيبه عل مافيك باسي=وفي ماقفي دخت وجلست وتراكيت
ليه العلاقه صار فيها انتكاسي=وتراك في صدك بغيت وتماديت
تقسا على قلب بلاماك عاسي=ويموت غرسٍ في مطر وصلك احييت
وترثع بحسبتنا وتجرح احساسي=وخلك تلقيه الخلا والسباريت
مازالك بالقلب حس و حساسي=وبفمي طعم فنجالك اللي تقهويت

اللي مجرب يابن فراج مالامك=اداعب الناس لاهاذي ولا ذيه
لعبت باوراقنا واسرفت باقلامك=من حطك محامي لعين النداويه
بنتاخي ولي زميلة حرف قدامك=خلك احبيب معي لاتكبر الهيه

الله اكبر يالمدمر والسعد وش هالطلاقه=ماهي الاخلاق دمثه والحضوض اضحت قريده
محمد الفراج من جوعه يبا لو شخب ناقه=يوم ربعه كل واحد شح لايذبح هريده
الدريول ما يقلد من يعلم للسياقه=وعاصفتنا ياحزيبات الندم كلش تجيده
حزبنا حزب الكرامه والمروه واللباقه=من موايدنا مساجين الاعادي مستفيده