امين جزاك الله خير حبيبتي ..
عدلتها (:

لو لا الغلا ما جيت يا شوق ناصيك
شوق الفقير اللي ربح له عماير

الشوق

بقلمي

/


يغصبني الشوق يم رضاك وأطيعه
مع إنك اللي تواصلني وتقطعني

أذيع حبي ولو ماودي أذيعه
الود ود الهواء والقلب يدفعني



الجـــفآء
/

ياصاحبي ليه الجفا عني ابطيـت
وش جاك مني ماترد المراسيـل

غالي لو انك يالغلا مـا تغليـت
وشلون لي ترضى العنا والبهاذيل

..
غلاك

غلاك بداخل عروقي ولا يوصل غلاك إنسان
يمر الوقت ويثبت لك .. غلاك إن الله أحياني
بضحي بعمري لعيونك .. تنام إنتا وأنا سهران
وأنادي جروحك ل قلبي وتجي واحد ورى الثاني


ياخوي

/

ياخوي لك عندي معزة وتقدير
ولك الغلا في وسط صدري اشيلة
لجلك حروف الشعر جني طوابير
ونقيت من بحر القصيد الجزيلة
لو ان طيبك فاق كل التعابير
لكن على ماقيل رد الجميلة
ربيتني من عادني طفل صغير
واصبحت رجل ورايم للطويلة
قديتنالدروبنا والمشاوير
يامرشدي يم الصواب ودليلة
زرعت فيني الطيب من بذرة الخير
وارويتني من جمتك بالفضيلة
شامخ بفعلك كنك طويق والنير
مثلك يفاخر دام هذا حصيلة
خذني يمينك بالرخا والمعاسير
خذني شطير من السيوف الصقيلة
انقاله الله ماتذوق المخاسير
وانا سندك اللي تبي ترتكيلة
هذي حروفي جتك باحلى تصاوير
ابيك تقبلها ولوهي قليلة


[[ الخفوق ]]