|
ياحبيبي لي على صدّك عتاب غيـر طيبـك ما يـبـرهن طيبـتك وعنـد من عـذّبت قلبـه بالغياب نقطة الضعف الوحيده غيبـتك محمد العواد |
ما ضاف قلبي غير ضيف الحزن ضيف ذكرى المـصايـب عـنـد اهـلهـا مـصـايب اللي نشـد عن سيـف ما يدري ان سيف اصـدق عبـاره بـيــن عـــوج النــصــايب جانا الشتا وعلمـي بمضنونـي الصـيف لـه عــام مــع مــن غـابـوا الـعـام غــايب اغــلـى ثـــلاثٍ مـا بـهـم واحــدٍ شِــيِـف طـفـــلٍ دفـنــتــه مـــع عجـوزٍ وشـــايب والادمــي دنيـاه لــو هـي علـى الكيـف مـا مـات لــه غالي من اغـلـى القرايب محمدالعواد |
النداوي يطلع الطلع البعيد ياحذف قبل العشا روباجته يدْك هذي لا تمدّه للعبيد وتترك اللي كل عبد بحاجته ناج ربك واطلب الله ماتريد ما يخيّب نفس عبدٍ ناجته وان عطاك بما عطاك احذر تزيد عن جميع انسان بانت حاجته غير ربّك كل خلق الله تبيد بالمنيّه درس للي ما جته والفطين من التجارب يستفيد كل دربٍ رجله اول داجته كم حزينٍ كان بالدنيا سعيد وفي ثواني قسمة الله فاجته والشدايد تظهر الرجْل الشديد يا تساوى الديك مع دجاجته محمدالعواد |
ياللي تنحّى عن نصيـبـي نصيبك خــلاص لاتــرجــيــن مـنّـي محبّـه روحــي فمــان الله وانسـي حبيبك يعيـش ويـلـقـى قسمتـه عنـد ربّــه صرتي لغيري غصب ماهو بطيبك ادري ان مـالك ذنـب فيـهــا وسبّـه محمد العواد |
لا تقاطعنـي.....وانا مدمن عليـك !! كـيــف تـجـزيـن المحبّـه بالغيـاب ؟؟! محمد العواد |
صباحك ورد...
صح بوحك ابدعت استمر.. دمتم بخير:). |
الشامخه أهلاً وسهلاً بالأصالة والشموخ أهلا بشموخ الذآآآئقة حياك ربي يالغلا ياصباح النور " يا نور الصباح " طلّـتـك تروي ضماآآي لشــوفتــك محمد العواد |
القرب ماهو شرط في قرب الانساب القرب من يا احتجت قربه لقيته لاتلحق المقفي مشاريه وعتاب يجفاك بعض الخلق لو ماجفيته وصدٍ يجي من دون تقصير واسباب ماهو بصدّ اللي بغاك وبغيته محمد العواد |
| الساعة الآن 05:58 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir