ارحب ارحب سيد زيني=وينك وينك لك سنتيني
تغيب ايام وليالي=وتجي وتسجل بيتيني
عمي تكفى شارك معنا=خفير او ضيف او سجيني
زيني زيني خلك واضح=بالله قل لي انتا ميني
لكن وجودك يسعدنا=لا اتغيب اكثر من يوميني

لاباس ياللي خاطره منحاسي=وش صار بالله يازبون الهيه
تشكي سهوم الخدَّر النعاسي=اللي بهن عين البطل مبليه
كان البنا على قوي الساسي=لقمه ولبنه بينك انت وهيه
ابشر بعزك والمعادي خاسي=نومٍ هني واحلامكم ورديه
وشفا السجين ان كانها يباسي=مد الخلاص وقهوه البريه
لكن ترا الرجال خوش سياسي=يقدر يحل الازه السوريه

شباب نار ولا جذبنا سنا نار=ولا ذعذعت في ريح نارك هبايب
ولا اشم حمستها ولا ريحة ابهار=ولازعفران بوسط فنجال ذايب
ولصوت نجرك ماوقع طاير وطار=ولا اشجت مواويلك قلوب الحبايب
مشاركاتك صارت اصفار باصفار=ارجوك غد المعتقل من اطايب

تطلع وتدخل ياسجين الرواسي= ويضيع وقتك بين جيه وروحه
سجين ما بالجمجمه من عماسي=ينبش بقلبي ما اندمل من جروحه
وفكرٍ حشا ينسى لكن امتناسي=وجفنٍ لطاري ما مضى زاد فوحه
وعينن لها مده تعاف النعاسي=وهجسٍ يجاوب كل نايح بنوحه

المشاركة الأصلية كتبت بواسطة ناصر الهواوي (المشاركة 435362) تطلع وتدخل ياسجين الرواسي= ويضيع وقتك بين جيه وروحه سجين ما بالجمجمه من عماسي=ينبش بقلبي ما اندمل من جروحه وفكرٍ حشا ينسى لكن امتناسي=وجفنٍ لطاري ما مضى زاد فوحه وعينن لها مده تعاف النعاسي=وهجسٍ يجاوب كل نايح بنوحه