أودّع الــشــمــس لاغـــابـــت واقـابــلــهــا=فـ .الصبح لين اشرقت والعين مانامت
لـيـلـي وانـــا اكـتــب مـواويـلـي واكـمـلـهـا=بينـي وبينـي واغنيهـا عـلـى الصـامـت
وعلـى نسيـم الصبـاح الـعـذب احملـهـا=واصيـح لـ .طيـور شوقـي كـل ماحامـت

جبنا لك العرن ذا للنار فيه اشتعال=والنجر يوحي عويله قاصي وداني
يقول من به عمس فنجال زاهب تعال=دلال رسلان والمحماس نجراني
واسمع من الشاعره قيفان عذبه اجزال=ولها ادع في طيب عيش وصحة لساني
والمعذره منشغل فكر ومشاعر وبال=ليا جابني هم جا الثاني ووداني

تكفين انا والله اني دوب الملمها=لاتنبشين الجروح قيامتي قامت
الروح له من قبل مده مسلمها=والعين في غير ذاك الزول ماهامت
ياوين ابا القى الرسول اللي يعلمها=لو بس تفكني من ضحكة الشامت

المشاركة الأصلية كتبت بواسطة ناصر الهواوي (المشاركة 433333) كتبت يالعواد لك قبل مده=وقنصت وانا اشيل خطي بمخباي ومادام علم الخبل لازم يرده=عليك ابا اعيده وابي خالص الراي حبل الوصل ماعاد به من يمده=ما ادري جفا والا زيادة تغلاي جيته وعند الباب يومي بيده=ارحب هلا والا يقول انقلع بااي ووقعت عقب العلم هذا بشده=ورجعت من دار الغريم اسحب إخطاي طبع الجفا ماهوب مفهوم عنده=وفي منطقه لي بينت بصمة اعداي يودني وانا ازود شوي اوده=وهذا هو اللي زاد بالحيل بلواي من الجبيل ايلين طبيت جده=ومن بيش لين اوصلت عرعر مطاياي ماشفت بالخفرات بالزين نده=يامحمد اوصافه تصنف بهاي هاي

ناصر الهواوي



الرد على قصيدة شاعرنا الهواوي
مع اعتذاري الشديد لابو عبيد على التأخير
حيث كنت في سفر وأجواء بعيده كل البعد
عن الشعر وكتابته

حي الذي واصل من الضيق حدّه=ابشر برايي يالهواوي ومسعاي
ربك كريم وتنفرج كل شدّه=احزانك احزاني وبلواك بلواي
وشكوى رفيقٍ بيّح الولف سدّه=تحدني والشاهد الله على اقصاي
ارقب على مرقاب عزك وعدّه=خلك من اللي راح واستقبل الجاي
يا شفت من بعض المحبين صدّه=اعزف لحن مبدا الكرامه على الناي
حبل الوصل للي يواصلْك مدّه=وقل للمقفّي مالك الا مقفّاي
ياكم حبٍ يجبرك تستردّه=زلة عشيرٍ زلته تفرح اعداي
والصاحب اللي مايصون المودّه=ما احظ مني كانه اختار فرقاي
قلته ومثلي فنّ حرفك يشدّه=ياللي لجوهر معنى الابيات رمّاي