المشاركة الأصلية كتبت بواسطة ناصر الهواوي (المشاركة 432683) زان السجن يوم ادخلت به هماليل=بلا رضا لاوين الايدين ليا العاصفه خفراتها والرياجيل=ياجاهلٍ فيهم تراهم كذيا اوصل لنا الشاوي وعطنا من الحيل=قدام باب السجن نسهر هنيا بجزل الشليخ اشعم وهات المعاميل=وخل النجر يجي لصوته حديا واجذ الجمر لدلالك وبهر بهيل=ومن العويدي ذر به لي شويا وعش الهنوف اللي تصوغ التماثيل=يدك عمود وما تخسره عليا

يا مرحبا وعداد صوت الولاويل=اللي صداها صار يصدر دويا
بحزبي ليا منه تكفف دجي الليل=جتك الطروق وجاك هجس الحميا
انت تجيد القول وتبيد الحيل=بطاروق شعر يجعل الميت حيا
اشوف نجم وده يجاور سهيل=وادري حدوده ما تعدا العليا
ولا ودي اكشف للحضور التفاصيل=يا ويش جابك يالثرى للثريا
والفاتنه قامت تجر المواويل=وعيا هجوسي من صدى الصوت عيا
انا عذابي منك يا ام الخلاليل=ما لك وصيف ولا لزينك حليا

المشاركة الأصلية كتبت بواسطة شموخ~ (المشاركة 432712) ^ الله الله يا عيني عليك صح لسانك سجين ابدعت لا هنت