صح لسانكم جميع بدون تحديد
ويعطيكم العاافيهه ي الزوار والمتواجدين هناا

تسليه

علم العفا وعفاك .. يا وافي الكيـل*
بساطه أبشّرك .. في خيـر وعفـا

نكفي بعضنا ,, وانتكافا على الشيل*
واللي تعب من الحطّ والشيل يكفـا

من ذاق حرّ القايلـه يعشـق الليـل*
ومن شبّ ضّوه ليلة البرد .. يدفـا

لاعاد ليلٍ ٍ نمت به في حرى سهيل*
وخايلت نوضٍٍ يخطف العين خطفـا

امسيت من جيل ٍ ولاهوب ذا جيـل*
واصبحت … والاّ ديرتي شبه منفا

كنّا على فـال الشحـم والمعاميـل*
ونفوسنا انقى من نقى العدّ .. واصفا

وانا ولو راحت بقولـة : تساهيـل*
صلف وصروف الوقت تحتاج صلفا

ياترج جدّاني .. زحول الرجاجيـل*
يحرم فلا لي عنك ياتـرج .. مقفـا

إمّا لطمنا العيل .. والاّ الطم العيـل*
مادام شبّ النار منـدوب الأطفـاء

خل ابرهه الأشرم على ذمّة الفيـل*
وانظر لشيٍ …. مايوصفّه وصفـا

ياذيـل والله ماتجـي راس ياذيـل*
علمٍ ماهو يغبـى ولاهـوب يخفـا

واللـي حمـا بيتـه بطيـرٍ ابابيـل*
ماجيتـك ادوّر لمـن راح واقـفـا

ولا جيتك اطلب منك بن ٍ ولا هيـل*
جيتك وجرح الظلم .. غاديه يشفـا

جيتك بكلمة .. كنّها صعقـة الويـل*
إن قلت تكفـا … لا تهـاون بتكفـا

تكفى .. تراها كلمـةٍ تقطـم الحيـل*
لا بالله الا تنسـف الحيـل نسـفـا

تكفى .. ماهـي لمعقبيـن الفناجيـل*
تكفى لصلف وعـادة القـرم صلفـا

تكفى .. ترى تكفا لها هـدرة السيـل*
في صدر حرًّ .. ينتف الطيب نتفـا

تكفى .. ترى تكفا لها تسرج الخيـل*
إن كان لك باالخيل سرج ٍ و عسفـا

تكفى .. تبيّـن كـلّ لاشٍ وحلحيـل*
تسمع لهـا بالصـدر هبـدٍ ورجفـا

تكفى .. وتكفـا ماتسـاق لمهابيـل*
تكفى .. تخلي القـرم لاشٍ وهطفـا

تكفى .. تجنّبني هل القـال والقيـل*
مانيب من ينكف علـى كـل ملفـا

تكفى .. تراني من قـروم ٍ مشاكيـل*
حمّاية الساقـه .. بسيـفٍ وشلفـا

تكفى تــــــــرا تكفى تهز الرجاجيل*
ولولا ظروف الوقت مــا قلت تكفى

تكفى يـــــا مزيد ما يبا العلم تفصيل*
المشكلـــه كبرت على عماش تكفى

مــــا قلت تكفى غير من فترة الحيل*
وانتـــــه ولد من يفعل الطيـب تكفى

انخاك من كثــــر العنـــــا والبهاذيل*
الفقر حطمني .. وانــا ازريت تكفا.

قائلها هو الشاعر محمد الدحيمي الشهري والملقب بــ ( أخو تكفى )

^^
هلا شاعرتنا وصح لسانك على هذه اللوحة الفنية المتشحة بخيوط الغروب

صدود

إختيار موفق وقصيدة جزلة

صح لسان شاعرها وطابت ذائقتك ،،

الدنيش
شاعره نجد
صدود
صح السنتكم واذواقكم

صحت الألسن جميعاا`
》تسالي ..
______
يمــــــيل غصــــنٍ لا تــباطاكـ يذبل
ولن جيت تسقي وصلة الودّ عوده

عليـــكـ قلبـــي كلّ ما جـــيت يقبل
اقبال همَّال المطــر مــــع رعـــوده

القلب من لامـاكـ بالحُـــبَّ مُـجـبـل
والنقش من بين الحــنايا عهـــوده
___
أجزل التحايااآ ``