|
فيني خفايا جروح ،،ماتقبل البوح
وفيني دموع من العتب ماسترتني وفيني عناوين الوفا دون مصلوح اجزل بمدات الوصل ، ،وانكرتني ~~~~~~~~~ ياوجد روحي عليه ويابري حالي من شفت زوله وانا في داخلي عله غالي ويبقى على مر الزمن غالي فداه روحي ونوبات ،،،الهوى ،كله https://abs.twimg.com/emoji/v2/72x72/1f339.png |
اقتباس:
يسعد مساكم ياهل السجن ... وصح لسانك يالهواوي..الله يسعدك هههههههه متحامل علي بس جايتك وحده وحده حبيت اجاري ابياتك اللي فوق عجبتني.. واقول.. تـقـشع ظــلام الـلـيل والـصبح وضـاحي وصــدري مــلاه الـهـم مــن قــل تـدبيره الا يـالليالي الـلي مـضت.. وين لفراحي! ووين الحنين اللي رحل! صعب تدويره! عـلـى فــراق خـلي قـلبي الـيوم نـوّاحي تـصـدّع جــدار الـوصـل يـاكيف تـجبيره أغـمـض عـيـوني واتـرك الـفكر سـواحي واعـانق حـروف الـشعر واقصد اغاديره أحـاول آسـلي الـنفس وآضـمد إجراحي حـبيبي عـسى الله لـي يعجل بتسخيره ؛ ريوف القوافي هههههههه وجايتك بالباقي يالعود اذا قدرت ...مسافرة الليله الساعة 2 صباحا بالقطار من الشرقية للرياض عسى النت عند اهلنا اللي بالرياض قوي... |
مساء الخير على سجن الإبداع
صح لسان الجميع ...إبداع وجمال هزاع العاصمي ... النجلاء ... ريوف ... الهواوي دوماً متألق ومبدع ومتسيّد الحرف |
اقتباس:
صح لسانك يالهواوي ملاييين.... هههههههه ماخليت شي ما حطيته فيني... وهذا جوابي.... يـاناصر الـدنيا عـيّت لا تـحن وتروف صارت حياتي بلحظه حبر فوق ورقه لـكن حـالي تيسّر بذن رب(ن) رؤوف بـابـه مـشـرّع لـكـل مـن بـغى يـطرقه أبـطيت لـكن غـلاكم يم قلبي يطوف انـتوا الـغرام الموكّد وانتم اهل الثقه ؛ ريوف القوافي |
اقتباس:
هلا وغلا ..بشاعرتنا الراقية هماليل واسعد الله جميع اوقاتك .... |
الهواوي
صح لسانك يالجزل مبدع وحضور راقي كعادتك العاصمي صح لسانك ملايين مبدع كعادتك روئ صح ذوقك يالغلا تسليه رائعه ريوف صح لسانك ملايين مجاراه رائعه يالغلا نجوله صح ذووقك يالغلا على التسالي الجميله |
ياليتني جوالـك اللـي فـي يـدك وتشلنـي
عشان صوتك مايفارقني مـع كـل إتصـال لكن أخاف أنـه إذا جـاك إتصـال تملنـي ثمّ تسكرني وأنا مالي على الصبـر إحتمـال أما فشغلني علـى طـول الزمـان وخلنـي والا أني أبقى فنظرك مثل الجسد هو والظلال |
ما فيه شخص في حياتـي بكيتـه
الا الذي قد مـات مانيـب راجيـه لكـن هـو حـي ومـع ذا رثيتـه من قلبي اللي أحسـن الله تعازيـه حملـت قلبـي بالهمـوم ورجيتـه كني ما عرف الا غيابـه وأحاتيـه أقـول بنسـى وأثرنـي مانسيتـه الحب الأول صعب نسيان راعيـه |
| الساعة الآن 04:05 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir