تعال ياللي خاطري منك زعلان=أبيك ترضيني ولو بابتسامه
صحيح اخذت بخاطري وانت غلطان=وش عيشة المخلوق دون احترامه
صحيح احبك موت وأعشقك باجنان= للحب شي ولحترامي مقامه
ياليت كل إنسان يهواله إنسان=ما يجرحه حتى وهو في منامه
ماهو يزيده هم وجروح وأحزان =و يعيشه بين العتب والملامه
ودي أجيك من الوله حيل عطشان= وتروي خفوقي يالغلا من غرامه
ودي أجيلك وارتمتي بين الأحضان= ويذوب قلبي من دفاك وهيامه
ودي أحسك من عنا الشوق ولهان= ويضيع قلبي من حلاك بكلامه
ياللي خدودك مالها وصف وألوان= ياللي تذوب في خطاك الحمامه
ياللي لعينك ينتحر صف غزلان =ياللي لحلاك الليل يرمي لثامه
ياللي جمالك تنفتن فيه نسوان= يا ذروة إحساس الخفوق ومرامه
صحيح احبك موت واعشقك باجنان =للحب شي ولحترامي مقامه .

سجين القوافي لوشكى ماعلية اخلاف = مادام الغلاء عن جملة الناس شاريني
وجوده يسلني وروحي عليه اتخاف = وغيره بلا حقران حشا مايسليني
حفظته بوسط الروح الوحده ولاينشاف=وحفظي لغيره بالصدر مايداويني
وانا ماشكيت السجن ولالي بزود الحاف=عطوني قلم بكتب ترى الشعر حاديني
ونظم القوافي وإن بغيته يجيني خفاف= على حسه المعهود مع الليل ياتيني
حداني ابوعبيد على رقية المشراف = وانا خبابره بالطيب ايا الربع ناويني

هلا مرحبا ترحيب ينعد بالالاف=ومادام الدعاوي حكي بل بالملاييني
سجين القوافي بعد ما دش به وش شاف=يتعب بالسجن من لد ليسار ويميني
انا ماحديتك بس قلبك قبل ميلاف=غارق في غدير الحب حتى الشراييني
ادزك قدم وتلد في ناظرك لخلاف=وتزيد السوالف كن ودك تلهيني
وانا ياوسيع العرف فيِّ اشفقه واخاف=ما ودي تبط الشوكه اللي يخاويني
العاقل يجي به من دروب الهوى خفخاف=منه خافقه يرتج ويسهر العيني
حزبك بالرخا وبوقت غصاب ما ينشاف=صور كررت لشعب ومغلول الايديني
على لحم بطنك ما تهيا ولا مرهاف=ولاكوب شاهي جيب لك في صحن صيني

في بيت حاولت احرك هاجسك ياريوف=واثره من الثقل ما يهتز لمعلقه
ما ادري عيا صايبه والا قساوة ظروف=والا بسمعك حدث لاقدر الله صقه
والاوجودك هنا صوري وصفة حروف=بوريقةٍ سجلوه بقائمه مرفقه