شبكة رواسي نجد الأدبية - سجل حضورك ببيت شعر على ذوقك

عيـبـي اني فــي زمـانـي رجــل دايــم صـريــح
والـصــراحــه خـصــلــه طــيــبــه مــامــلــها

امــدح الــي فــي الفـعـل يستحـقـون المـديـح
والـرخــوم اشـــوم عــــن سـبـهــا وازلــهــا

قالـوا اهـل العقـل لـو ترفـع الطـايـح يطـيـح
ولانـتــه مـغـيـر عـقــول الــرخــوم ودلــهــا

فـي الكـلام الزيـن والوافـي لسـانـي فصـيـح
وكـلـمـه مـاتـرفــع الــرجــل انــــا مـازلـهــا

مـن همـوم النـاس قلـبـي وعقـلـي مستـريـح
تـــارك الــرديــان تـحـيــا تــمــوت بـغـلـهـا

فـالـكــرم يـمـنــاي مـامـدهــا مــــد شـحـيــح
والضعـيـف ايـديـه فـــي الـواجـبـات يغـلـهـا

منزلي منصـى المطاليـق والمجلـس الفسيـح
وان حضـرت بمجـلـس المعـضـلات احلـهـا

حـافـظ ســدي بصـنـدوق صــدري مايبـيـح
واسـتـر عـيـوب المخـالـيـق وادمـــح زلـهــا

وعيبـي انـي مـاذكـر الـنـاس بالعـلـم القبـيـح
الـثـيـاب ان شـفــت فـيـهـا شـقــوق اشـلـهــا

ماعليـنـا فــي الحـكـي مايـقـر الا الصحـيـح
لــو تـحـط الـنـاس فـيـنـا المـصـايـب كـلـهـا

قـافـلـتـنــا مــاشــيــه مـاتـلـتــفــت لـلـنـبــيــح
مــن فـضـل ربــي دروب الـرجــال تـدلـهـا

وكـم رجـال اصدورهـا دايـم بالحـكـم تفـيـح
وكم رجال الصمت عن ما تقول احسن لها—

وانصـح الـي فـي زمانـه مـن الدنيـا جريـح
يـتـرك هـمــوم الـزمــن دقـهــا مـــع جـلـهـا

يافصيـح اليـا قسـى الوقـت لاتقـعـد تصـيـح
الـحـمـول الــهــا ظــهــور الـجـمــال تـقـلـهـا

اطـلــب الله حـاجـتـك للـخـلايـق لا تـطـيــح
ارفـــع الكـفـيـن إلـــه والـفـرايــض صـلـهــا