شبكة رواسي نجد الأدبية - تعال والمعدال يابو فيصل

‏

وداعة الله والحقوق مدوره هات الحقوق=هذاه معدالي وبا المعدال وطه ياسمي
انا بدوي وتبع خيال الصيف وخيل البروق=واخذ من الريجيل منطقها وثمنها أبفمي

★☆★محمد الروقي★☆★

‏

يا مرحبابك يا محمد والحقوق الها حلوق=رز العلم في ساحة الميدان وارز علمي
انت بدوي وانا اعرف ان البدو مثلك ما تبوق=ماسل سيف الحرب في وجهك ولا شيل سهمي

★☆★محمد الفراج ★☆★

‏

لا تكفخ الجنحان توك ما انطلق ربط السبوق=ونته ولد حر ومواكر حر .حر{ن} صيرمي
ويشلك فالي غيرو دربه ونا رجل صدوق=اقولها لك وخذ توقيعي وخطي بقلمي

★☆★محمد الروقي★☆★

‏

ما عندنا يامحمد الروقي لبو حدين سوق=يضيق من بعض الكلام اللي تغنيه نسمي
نبا نعلقها على متن السحايب فوق فوق=والناس فيها مفتحه فتح عيونك يا دمي

★☆★محمد الفراج ★☆★

‏

عجلتها ونا احسبنك قبلها منت أبزروق=عقلتها ونا هذا قدمك بدمي وشحمي
الناس كل ومايرا عاقل وفالعالم طفوق=اذهن عن الروغه ونا عيني على ممشا قدمي

★☆★محمد الروقي★☆★

‏

الفكر سابح فالفضى والدم فاير فالعروق=وانا على وضح النقاء وانته علامك معتمي
الي غفت عينه يجيله حزةٍ فيها يفوق=والي لمسه الميسم الحراق عقبه يحتمي

★☆★محمد الفراج ★☆★

‏

منته بعالم فيزياء خلك معي تكقا صدوق=امس العصر مريتها وخذت منها مقسمي
حطيتني في موضع ماهوب في برقا وروق=اما الحقوق اتبين ولا جبتلك شيخ سلمي

★☆★محمد الروقي★☆★

‏

حاولت امشيها وعيت لا تمشيها الطروق=امتاومه يالي تباء تاكل من اطراف لحمي
لا تلتفت لمعاون السواق والسايق يسوق=وانا حضوري يا محمد ما يساوى بعدمي

★☆★محمد الفراج ★☆★