كثر الجفا .. نار .. وحطبها تغليييك
خف الحطب .. لا تزيد نار الشماته



إن ما احزنك جرح ٍ برجواه يدعيك
ما عاد تفرق .. عيشته من مماته



قلبي وعمري كلها بين اياديك
العمر فدوه .. لكن القلب هاته !!



وإن ما بغيت ترد قلبي ما اوصيك
احسن عزاه .. الى دريت بوفاته

آجر صوتي واسحبه سحب منكوس
من خاطر فيه الهواجيس تنتاب



وانا بحبه ناحل القد ( مهووس)
حبه يعذبني يا لبى التعذاب



اغليه ما (امريكا) بها كره للروس
واشتاق له ما خوف الغرب ( الارهاب)



ولو المحبه شي واقع وملموس
ما شفت عاشق يشتكي هم واتعاب

تعبت اوصفك واستعصى خيال الشاعر الموهوب
من رماح العيون اللي بها كبر وبها هيبه



احط الحرف تلو الحرف واصيغه كذا باسلوب
لجل ما حد يقول اني اقلد حد باساليبه



ابفتح قلب واعلن حرب واحط لخطاي دروب
واصيد بطير شعرن ماحدن يشبه مخاليبه



اداعب مبتدى الفكره واشبعها بطيشي كوب
اغذيها من صدور الخيال ومن تراكيبه



لان الوصف في بحر العيون وغاية المطلوب
تزلزل له جبال الشوق وتنفذ مطاليبه

العود لامنه لعب من يجارية=مثل العماني لنفلت من خطامة
اسبق من الصاروخ والقيض حادية=مافوقة الا الميركة والمسامة
الله على درب الهداية يقديه=من يوم ماحط الفشق في حزامة
والشعر أنا عمة وسيدة وحامية=اقولها وبليس العن مقامة
خبلن تهقوى ماتفيدة هقاوية=من عقب ماهو حر عود نعامة