راحت الايام و الخاطر جزوع=والظروف تسوقنا ونسوقها رحلة الدنيا ذهاب بلا رجوع=تحت الأرض اكثر من اللي فوقها و الحظيظ اللي من الدنيا قنوع= عاقباً كل الفتن و طروقها والله إني باللرحم ماني قطوع=والعهود الوافية مابوقها المحبة سحر والفرقا تلوع=كم عشيقة فارقت معشوقها الحياة تطوّع اللي ما يطوع=مثل تطويع الرعاة لـ نوقها والرحى تطحن محاصيل الزروع=والعيون تخيل نوض بروقها الحياة تخلّي النايم يثوع=والأماني من قطف زملوقها الحياة أفراح واحزان ودموع=والأمل نور الحياة و ذوقها تختلف روس الرجال من التبوع=والرجال تبين من منطوقها بالسلوم وبالمذاهب والطبوع=دبرة الخلّاق في مخلوقها وعادة الحاسدمن الطيّب بشوع=يحسده في لقمته لايذوقها كثرت عفون العرب من كل نوع=سمِّها ببطونها و شدوقها مايبونك في سما العزة طلوع=والقوافل مافيه شي يعوقها الله أعلم وش ورى عوج الضلوع=السراير في بطن صندوقها الردى له سوق تنصاه التبوع=و المراجل له أهل في سوقها النخيل اللي لها تمر و فروع=طيّبة في طلعها و عروقها والأثل لو له عروق و له جذوع=مابه إلا الدود يرعى عذوقها الحياة دروس و الفجعة تروع=بكرة الأيام تطوي طوقها السنة مثل الشهر و لّا السبوع=والاوادم مالحّقت ملحوقها أمس يوم السبت و اليوم الربوع=ماسرع من غيابها إلّا شروقها أطلب الله في صلاتي وبالخشوع=كان ضاقت بي جميع طروقها الذنوب كبار و الوالي شفوع=لو وصل ذنب البشر لحلوقها |
صح لسانك ياعازف
مبدع وجزل تم تنسيق الابيات |
صح لسانك يالهواوي ملايين
الطير حوران غزلان شاعره نجد صح السنتكم يامبدعين |
صح لسانك ي عازف ~
وصح لسان ي الطير حوران والهواوي وشاعرتنا المبدعه شاعرة نجد ~ دوم وانتم في القمه ي العاصفه ~ ودي وتقديري للجميع ~ |
مجارات للاخت والشاعرة المتألقة شاعرة نجد وحقيقة
اعجبتني الابيات والرد جاء في الحال لجمال الأبيات مع شكري للجميع على تفاعلهم يامرحبا اعداد همال الأمزان =وعداد من طاف ودعى بالصلاتي اخوكم العاصميوعداد من غنى على الغصن طربان=بلبل يعيد بصوته الذكرياتي والشعر يطربني إلاجاك نشوان = حلو المعاني تنتشي وسط ذاتي وانتي لها يابنت منبع وسلوان =قافك على قلب المشقى دواتي بنت الاكبار اطربتني بقيفان = واللي جذبة القاف سوى اسواتي لاهمني عازف ولا كان من كان= ولا العاصفة واللي وراها يحاتي انا مع القيفان اسرح وطربان = اقولها وانا اعلاج العصاتي واللي نواه الطيب يسلم بليهان= اسعى معه بالطيب لوهي حياتي |
صباح الخير للجميع وصحت السنتكم مبدعين وشدني قاف المسجونه وشعراءنا الكرام يا مغنيه للقاف للسجن سجان=وانتي سجنتي خيلنا المسرجاتي لو طبن البيدا غشا الارض دخان=شبهتهن يوم ادبكن مفرداتي الورد ما يذبل لو اسقاه الانسان=وياليت ما جابت لنا الامنياتي وانا ولو ماني على الفلك ربان=اغرف من الاعماق عذبٍ فراتي الين ما يشعاني النور لا بان=ما هو بنور الارض نور الفتاتي اللي تثور وسط الاعماق بركان=وتخلي اللي ما يحاتي يحاتي ويا حزبنا ما كن فالارض سكان=راحوا عقب ضربات حزبي شتاتي مهره ومسجونه وناصر وغزلان=وعازف على الاوزان صد الغزاتي ومدمر الاحزاب مع طير حوران=راحوا ضحية سمعتي قبل لا أتي مقلدك مقلدك هههههههههههههه |
الله الله عليك ياعازف وصح الله لسانك ملايين
العاصمي الزعيم صح الله لسانك بلايين مجاراه كايفه شاعرة نجد صح الله لسانك بلايين رائعه بكل ماتعنيه الكلمه الطير حورآن صح الله لسانك يالجزل سجين الرواسي صح الله لسانك بلايين جزل ومبدع ماشاء الله عليك |
صحت السنتكم جميعاااا مبدعين وجزلين ي الرواسي ~
سجين الرواسي قلد قلد حياك وتفداك بقلمي ~ وشرطتها ههههههههه~ ودي وتقديري لك وللجميع ~ تسليه للسجينه ~ في غيآبك والا حضورك ماعآد تفرق معي ~ إن جيت والا حضرت في عيوني لك حضور .. يبوح صمتي وأنا في غيآبك مبتلي~ أسدل ستار الموآدع وقلبي دقاته تبور .. ياعآزف الشعر نآديت بغيآبك وأحتري ~ لحظة وصآلك وأشوفك مع طلة النور .. بقلمي ~ |
الساعة الآن 05:35 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir