يامرحبا مارف طيرٍ بجنحان=وما حيعلوا لدخول وقت الصلاتي
وماسال من ماء صادق النو وديان=وما قيل قاف من الغزل بالبناتي
يالشاعره انا هنا من مسيان=واضحي احاجج فيك عند القضاتي
اقول ذي تبدع من الشعر قيفان=تكتب ذهب وتصنف معلقاتي
بس وقعت بالسجن ظلمٍ وبهتان=بتهمة بيوتٍ شرَّدٍ كايفاتي
حزب المدمر نانسميه خيبان=وحزب السعد اسمه حزيب الشتاتي
وللعاصفه بكره على القوم ميدان=حتى يصير الصلب منهم فتاتي
اما بدلها كرفس الطير حوران=والا فديناها من الشاعرتي

يامرحبا ما غنت الورق بلحون= وملاح برق بعرض مزن ونثر ماه
بالهون لا تشعا المواليف بالهون=يالشاعر اللي حاف قافه وغناه
قبلك شواعير الغزل وش يقولون=اللي قدا واللي يدرهم بعمياه
قالو نموت من الهوى مايموتون=وكلٍ يجود صبح قنصوع ليلاه
والله يلوم اللي لمثلك يلومون=امقوله/ واعيدها لك مثناه

قافي يصوغه فكر يامر هجس ويترجم لسان=ومن قبل يعلنها يهذبها وتكتبها يدي
هاجس وماضي ذكريات ترد دولاب الزمان=وتثور طفقات الطواري لين اقول إلها اهجدي
لشي ادرجّْها الهوينا واتقدم باطمنان=ولشي اسابقها على لاماه واعدي له عدي
سداح قال انه حبس عقله على حد الجنان=وانا بعد ماجزت حده ياعسى الله يهدي

المشاركة الأصلية كتبت بواسطة شاعرة نجد (المشاركة 427185) تسليه.. وين الهواوي وين عازف وحوران=والعاصمي والمستشار وخواتي وين الجميع ان ماذكرت اسم نسيان=فالمعذره حق السجينه سواتي ابغاا تسالي دامني خلف قضبان=من بوحكم والا اختيار الهواتي ليت الحمام اللي على الغصن طربان=يطير قبل اروي الخفاا للرواتي واعْزف على حس المشاعر بقيفان=تنعش حياتي قبل فوت الفواتي

لبو ندا ياناس مدعوج الاعيان=حكيه لقينا فيه سكر نباتي

الشاعره تبي طواريق والحان= نادو لنا الشعار والشاعراتي

خل السجن .. أنهار تجري وبستان=ومن الشمال انسام بشويش تاتي

مع ريح ورد وريح كادي وريحان=لاتستذير امن المكان المهاتي

يالريم لاتستوحش الديره امان=وحماً مسيّج من جميع الجهاتي

ماحولك الاّ روضٍ اخضر وغدران=عرفت منها اشلون طعم الحياتي

المشاركة الأصلية كتبت بواسطة غزلان (المشاركة 427251) حياك ياشاعرة نجد مع دلة رسلان ~ لبيه ولك باقة الورد والجوري ياغنآتي .. تقهوي من دلة ن ممزوجه بهيل وزعفران ~ ترى معزتك يالغلا مثل وحده من خوآتي .. ~ بقلمي ~ ودي وتقديري لك ي شاعرتنا المبدعه ~

اتحيين وتسلمين
وصح لسانك على هـ الروائع

ودي وتقديري,’’