يقولون يم تشاد ركبو ظهور العوص=وجاهم تشادياً واخذهم على باصه

يبون المها والريم راحو لها مخصوص=شبابٍ تجمعهم على رحلة اقناصه

محمد من النجلاء على راحته مرخوص=واخذ حسيته واستلحق الديمن وهاصه

سلامات ياناصر ودعواي لك بخصوص=عسى الله يرّجع سم الافعى لمقراصه

توّجد وضلع الشوق فوق المتن مرصوص=وإذا ماعصبت الراس ماذقت مخلاصه

مادامٍ كوعك معك واظفورك المقصوص=لابو موترٍ ماوصلك منعوج شاصه

ياربع المدمر ما لفاكم علوم قنوص=عسى مالحقهم لأم درمان قناصه
نوب اجزم وفي بالي حكايه ونوب احوص=واحط الظروف بما حونه على الماصه
ياطير السعد يافزتي فزة المقروص=بعد ما تلامس موجب الفكر مع ماصه
على اللي لسان الكبد من غيبته مفروص=بشاكوش شوقي يضرب الوجد مفراصه
امقيمٍ بعدها في ضلال النخل ما افوص=ما اطعم له طعم من برحي ونبت وخلاصه
تقول الحجاب الحاجز بمخلبك ممهوص=وقلبي تقول اتدكه العصر رصاصه

حبيس الرواسي ودي اصمت وابيك تقول=نباً يخرج المشتاق للزين عن صمته
قافٍ يجعل اعقل من هنيا مثل بهلول=بدرب الزلق مرعوب سموه في وقته
كلامٍ على ناره ثلوج الغرام اتذوب=معاليق قلبك منبعه ما تعلمته
وانا اقدر لكنه منك لي غاية المطلوب=وصحة لسانك قبل ما اسمعك ولمته

سلام للاعضاء وابليس ملعون=اعداد ما حرف على الطرس صغناه

لاحت بروق الحزن في عين مسجون=وامطر سنا برقه وسالت شغاياه

لين اكتمل عقد الفرايد بقانون=في عين من تزهى قصيدي حلاياه

يا عين من قلبي بعيناه مفتون=بحر غزير وحظ من كان ميناه

البيض ويش البيض جنبه يصيرون=سبحان من صاغ الملامح وسواه