مركب .. وهم ازرق وموج من الوريد الـى الوريـد
رحلة .. لكشف الذات مـا بيـن الجهـات الاربعـة اول .. شعاع الشمس صحوة وآخره .. جثة شهيـد والبحر .. يبكي شايـل الجثـة علـى راس اصبعـه على .. امل قطع المسافـة .. لكـن المرسـى بعيـد والريح تعزف داخـل اعماقـي .. أنيـن الأشرعـه |
اقتباس:
ابيات اكثر من رائعة.. صح لسان شاعرها..وناقلها تسلم عزف..ولا هنت تحياتي ريوف |
يايمه ارجعي كافي ابجلس معك لـو لحظـات
واقبل ايدك ورجلك وافرش لك رمش عينـي يايمه ما تحملهم يقولوا فات مـا قـد مـات تعالي غيري هالقول واطيعـك باقـي سنينـي واترك عادة التدخين وانفذ ما تبـي بسكـات واصلي الفجر في المسجد قبل منتي تصحينـي يايمه ارجعي تكفين وطفـي شمعـة الآهـات ابيك انتي ولا غيرك علـى موتـك تعزينـي وضميني وداويني مثل مـا كانـت الهقـوات ما ابي احدن يواسيني ابيـك انتـي تواسينـي دخيلك بس لا تبكي اذا شفتي بي الدمعـات انـا مقـوى ابكيـك اذا انتـي تبكيـنـي |
وضميني وداويني مثل مـا كانـت الهقـوات ما ابي احدن يواسيني ابيـك انتـي تواسينـي دخيلك بس لا تبكي اذا شفتي بي الدمعـات انـا مقـوى ابكيـك ... اذا انتـي تبكيـنـي ابيات رآئعة..عن الام والاشتياق لها.. الله يحفظ امهاتنا وامهاتكم ويرزقهن برنا آمين |
وين امي اللي كل ما ابطيت بغياب تلوج ما تغمّض بنومه ثواني يمه فراقك حط بالكبد مخلاب توفّت آمالي و كل الأماني في غرفتك ياشفت بالغرفه اطياب اضيق من ذكرى وداعك واعاني نديم القوافي محمد العواد |
اقنع بحالك والظروف المحيطه
دام السعاده فالرضا بالمقادير بسيط واحب الحياه البسيطه خلك على ذا القاعده وابشر بخير |
في غربتي عانيت من بُعد الاحباب مع غيرهم قانع بغير القناعه كنّي غريب الدار بديار الاجناب جالي وهو مطلوب عند الجماعه نديم القوافي |
ياخذهم الوقت و مَا ياخذهم الطاري
يبقى لهم ف الأماكن ضحكة و سيرة ! |
المشكله ماهي غياب الحبايب المشكله ياشفت لاحبابك اشباه نديم القوافي |
اجمل الأشياء نلقاها بالصدف
والفرح دايم وراء الصبر الجميل |
الصاحب اللي غاب وابطى غيابه ماخلا بقلبي لغيره مساحه نديم القوافي |
مشاعر الأحباب ماهي رخيصة تبيعها ياشفت لك حب دافي لو كانت إعيونك عليهم حريصة تبقى على عهد المحبين وافي المشكلة ياخوي ماهي عويصة احساسهم لو ماا يقولون كافي ؛ ريوف وطن الإحساس |
الصاحب اللي بالمحبه شراني يحرم علي لو بعت روحي ماابيعه نديم القوافي |
وشلون أدور لي على قلب خالي
لاأقفى كريم العمر واقبل شحيحه أجساد منهكها حنين الليالي وقلوب يا متوالفه يا جريحه |
اليـوم قلـبـي يـــوم صــار بيـدينك صار التواصـل بيننا شبه معدوم وانا مـن اول حـرف بـيـنـي وبينك ماطيق بُعــدك يا حياتي ولا يـوم نديم القوافي |
ان كان عشق العطر في قلبك يزيد
صافح عبيره والغلا لا تكمه وش فايدة عطر تشمه من بعيد رشه على راحة يدينك وشمه عذب |
لا سكر الله باب يفتح لنا أبواب
واليا ظلمونا خلق سخّر لنا خلق حكمه من الرحمن وأحكامه أسباب حتى نعرف الناس ونميّز الخلق |
عندي مشاعر مالها اي تفسير وان كانها فعلا مشاعر محبّه ؟! مافيه (غيرك) تلّ قلبي من الغير.. وخلاني اعشق شوفته دون سبّه نديم القوافي |
هجس ٍ رمع ماله عن القلب فراع
دايم بغاراته يشن المفازيع مركز بنوده بين محني الأضلاع ليا ناموا العربان سوى مشاريع |
اخاوي الغربة وممشاي ترحـال
وانا رفيق الليل فـي كـل حـزة واناغريب الدار ما نيـب نـزال ارسم وجودي في شموخ ومعـزة بوحي |
يالله ترزق كل ضايق ومحتاج
ياخير من يسأل ويا أجود من أعطا تشفى مريض ما لقى طـب وعـلاج وتغفر لمن طاوع هوى النفس وأخطا |
. .
. لك وحشةٍ ميعادها تالي الليل،، لا نامت عيون البشر زاورتني.! ~ مما راق ~ |
. راس يبادلك الوفا حبّ خشمه
حطه على يمناك وارفع مقامه ;و راس يقلل قيمتك لا تحشمّه . لو زان في وجهك لقاه وكلامه . |
مبدا الوفا هو ساس قصر المحبّه لولاه مبطي كان شفت انهياره |
زادت علامات التعب بديار وجه الصامديـن
وطال الكلام وبعض خلق الله طال سكوتهـا. تبحر سفينه فوق كف البحر والموج اللعيـن الريح تدفعها وموجـات البحـور تشوتهـا. لكن على الله ياصل الركاب فيهـا سالميـن من بحرها من موجها ورياحها مع حوتهـا |
يالهفتي طلي على الزين بسكات
لاتزعجـينة بس بشــويش طلـي واليا انتبه مسيه بأحلى مسائات مع رايق البوسه على خد خلي بوحي |
أبتسم في وجه الايام والكون الوسيع
القدر ماأنت بـمغيره لو تحبي حبي لا تحمّل نفسك أكثر من ما تستطيع من ترك لله أمره عطااه اللي يبي |
يعيش راسك ياعــطر ليـلة العيد
وش تنتظر ماعــــاد للشوق ذمه ماعــاد باقي للمــواعيد تجــــديد لمــــلم رذاذك مـــن ثيــــابي ولمـــه بوحي |
حـاول تميــز في طبوعك وتختار
احلى الطبوع اللي لها قدر وثمن ثلاث تجعل لك مع النـاس مقدار اسلوبك وطيبك مع الخلق الحسن |
يابهجة الخاطر وياغايت الروح
حالي براها الشوق ومكابد الهم همٍ يضايق خاطري وين ماروح واليا شكيت الهم قالو توهم. |
إما نكون اثنين من دون ثالث ولا بلاش من الهوى والمحبّه نديم القوافي |
مكن اسوي بعض الأحيان مادري
يعني اجــاري من يعيشـون حــولي ماودي اكشف للمــلاقيف ســــري حتـــــى ولا ودي افــــرح عــذولي بس انت لوتدري وش الي بصدري ان كان تعذرني اذا ضــاق جــولي تقتلني الأعــذارواعطيـك عــذري حــواجز الأعــذار تمنــع وصـــولي بوحي |
الولد بكره مع الايام والد
والعمر يجري ومافيه استراحه إدمح الزله ترا مافيه خالد كلنا بنموت وتعيش السماحه |
هـلا بك والخفوق الي تعلق بالهوى نـاداك بعد ذعذع هبوب الحب والأشواق تسري به تعال وعانق اطياف الغرام الي لها مسراك وعطني من حلا وصلك مادام الحب تدري به من بوحي |
على دموع السما تضحك زهور الربيع
والناس لولا الأمل ضاقت بها أوطانها ٰ الطير لولا التفاؤل ، بالبصير السميع ما رفرفت بالسـمــا ، تمـرح بجنحانها |
على دموع السما تضحك زهور الربيع
والناس لولا الأمل ضاقت بها أوطانها ٰ الطير لولا التفاؤل ، بالبصير السميع ما رفرفت بالسـمــا ، تمـرح بجنحانها |
ماني لأحد يالي بتشريني انا ماني لأحد انا الذي حريتي ترفض سجونك والقيود لا تحسبني في الهوى اركض ورا الي يبتعد ماني من الي خافقه سلعه ويطلب من يزود لكن انا ياجاهلي مملوك للفرد الصمد الخالق الي في يده حكم البشر بيض وسود بوحي |
خلك ضحوك لو ملآ الدمع عينك
كآبر وسآير دنيتك لو تردت |
اصبر على الشدّات وقت الشدايد واجرك على اللي للمخاليق معبود نديم القوافي |
ولا يوجعك كون الجفيا بلا تبرير
الا جات من شخصٍ تداريه وتحبه |
الساعة الآن 11:05 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir