من غيبة الشمس في فكري همومٍ تعيث=تهون غير الذي ذكر الغلا باعثه
ما احسب لها بس هاللي منه طبعه غثيث=وفي هالشهر زارني للمره الثالثه
اضبي لكن غرورٍ فيه خلاه ليث=مسكين يظن ميزاته قبل لابثه
مجيه العام يشبه وبل غيمٍ هثيث=ومخالبه هالسنه في مهجتي عابثه
يالطير كان انت لخوك الهواوي مغيث= افزع ترا ما احدٍ في ورطته غايثه

لامتى وانتم نيام بعالم الاحلامي=وحزبك رايح مراح ابوي مدري جدي
اثر حرب العاصفه مغير حرب اعلامي=باللسان وسيف قايدهم حديد مصدي
لاوقفت من الزعل محدٍ يقف قدامي=وحزبكم لو انخله ماني بلاقي قدي
غطرفي يابنت لو انك بدون لثامي=لو ماتلقين من دونك يقف ويعدي
ناوي استيسرك ماثار الفشق بحزامي=وقبل لاحتى جبيني من تعبك يندي
للمدمر وقعو يالعاصفه بابهامي=قبل اعشي للوحوش من الجثث واغدي

ماهوب عادتك الغرور اش فيك يالغنامي=طيشك ماء بحر الغزال وصار مالك سدي
حنا ليا طشنا لجمنا من نجيه الجامي=بروس الخصوم ومن سواهم ما نحب نلدي
حتى نغسل عقولهم عن الصدى في كامي=والراس يصبح من مطاطاته ولاله بدي
العاصفه زلزال والا قولوا اتسونامي=ما مرته من حصن والا جسر بحر انهدي