حزب المدمر وحزب العاصفه ياسلام=عقب المصابح مشاعرهم رومانسيه

بقلوبهم فرّخن مرودعات الوشام=استيسرن القلوب الخضر ف اشويه

امّا يجوزون عن صيد الضبا والحمام=والاّ عليهم نروح انبلغ الهيه

والاّ انتعلّق سوارينا ونملأ الحزام=ولا نخلي من الحزبين ذريه

من فوق وجه البسيطه جعلهم للرحام=استغفر الله ذبحناهم على نيه

اجاوب الورقا على نايف العود=وسأل عليك بلهفة الشوق وينك
مثل السماء في داخلي مالك حدود=تملك تعابيري بنظرات عينك
ووله عليك ولا طلبتك بمردود=اموت واحيا بس اعانق سنينك
وغيب لاكنك مع القلب موجود=بين الضلوع العوج تسكن خدينك
لا تسمع الواشي ولا هرج مقرود=اللي على الفرقا سعوا مقتفينك
والكلمة اللي جات من غير مقصود=خلاص منها بالوفاء خابرينك
واخر كلامي كل ماهبت النود=اسأل عليك بلهفة الشوق وينك

يامرحبا ياشقر الجنحان وش ذا الكلام=هجمتك مستقصده او بس وديه
العلم جاك بصحا والا بضغث الحلام=ان كانها الاوله تحتاج رديه
على البنادق من طلوع السويبع زحام=قتصٍ هوايه وبعض قنوص جديه
خبرك عتيق انتهى وقت الحضر والسلام=العجل قد حاذو حدود السعوديه
قدامهم لاتعرض للفشق والسهام=لايصير لك مع قنوص الصيد نديه
حزب الربيع افطرو في ظهر يوم الصيام=وحزبك غفا ياعسى الاحلام ورديه
والعاصفه عاصفه من نشوته ما يضام=علاقتك خلها بالحزب وديه

انا غلطان مابه مثل غنوجه ولا مخلوق=صدوق ولاتسب ولا تعيب ودمثة اخلاقي
علاقاتي بها تشبه علاقات البصل بالموق=ليا قطع ولامس ما تطاير منه الاحداقي
ليا شفت اسمها والا قريت اللي تجيب اروق=مثل ما راق من صكه قوي الحيل بطراقي
شعرها لو بدل ماهو على الجبهه ورا مفهوق=يحلف اللي يشاهد وجهها انه شيعي عراقي
وانا من كثر زيني ياغنج من خلقتي معشوق=صحيح انه تلاشا معظمه لكن به باقي

قاف الغزل ما احلاه لاجا من العود=من يسمعه قل له عسى الله يعينك
ترجع مع الذكرى سنيات واتعود=وتمسح بيدك ليا تعرق جبينك
وتنفس الصعدا ليا هبت النود=ووجنتك تجزع من هماليل عينك
وان نمت يلفي لك من طيوفها رود=وتقوم في راسك عمس من حنينك
وجدي على لاما اهيف الخصر ياسعود=قل للجفا ياسعود تبت يدينك

المشاركة الأصلية كتبت بواسطة ناصر الهواوي (المشاركة 423972) لاتزعلين ياغنج لين تعلميني هههههههههههههههههههههههههه انا غلطان مابه مثل غنوجه ولا مخلوق=صدوق ولاتسب ولا تعيب ودمثة اخلاقي علاقاتي بها تشبه علاقات البصل بالموق=ليا قطع ولامس ما تطاير منه الاحداقي ليا شفت اسمها والا قريت اللي تجيب اروق=مثل ما راق من صكه قوي الحيل بطراقي شعرها لو بدل ماهو على الجبهه ورا مفهوق=يحلف اللي يشاهد وجهها انه شيعي عراقي وانا من كثر زيني ياغنج من خلقتي معشوق=صحيح انه تلاشا معظمه لكن به باقي