لبيه جيتك دون توجيه وإرشاد
...................ياغالين سقت الشعر في عيونك مديت كفي بين جمهور واحشاد ....................واسوق روحي فدوه اليوم دونك |
يـمـنعني أسأل عنك داء الكبرياء
حتى و لـو فـي داخـلي أوله عليك أنـا كـذا أعـشـق ولـكـن بـالخفـاء لا قلت (لا) أفهم ترى المعنى أبيك |
انا كذا طبعي : ( احب الاحترام )
خل الوجيہ .. و خل عنك الاقنعہ .. حتى اللي ما بيني ، ولا بينہ كلام لو يضحك بوجهي احب اضحك معہ |
يبقى الغلا لوفرقتنا المشاريه
والشرهة الي بالخواطر تروحي كل يعاتب بعض الاحيان غاليه والحب يبقى فوق كل الجروحي |
صباح الخير ياخير الصباح ونوره الفتان
صباح انفاسك اللي تطلق عنان الغناء للطير صباح الوردتين النادية والتوت والرمان صباح خدودك اللي تغري النسمة على التعطير صباح رموشك الكسلى صباح الناظر النعسان صباح ماحتضن وجهك اجل ماهو صباح الخير ! |
نآديتك بصوتي وماودك تسمعني ~
ماغير صوت الصدى يردد ندآي .. ادري ب تنسآني بس تعال ودعني ~ قبل موت الأمل من حرة بكآي .. بقلمي ~ |
الليل طال وضاق صدر المواعيد
يالي مواعدني بليل التعاليل خليتني محتار يابن الأجاويد بين الرجا واليأس ومساهر الليل والحين وجه الليل كله تجاعيد شاب وتغير مابقى لآخره حيل لملم ظلامه والبقايا تناهيد واقفى وخلاني مع الهم والويل عذب |
احيان تلقى لك مع الناس ، إنسان يغنيك عن كل العرب ، والرفاقه |
ودي اغيب انا بحاجة لـ الغياب
أبيك واحيانا احس إني ما أبيك شعوري مشتت ولا عندي جواب مشتاق لك محتاج لك خايف عليك |
|
عشقته شرف ماهو على شان شي
وحبيته بقلبي ماهو مواعيد وموآجهه. |
مدري وش اللي صار بيني وبينك
أحس عندي للمحبه بدايه |
دامك بخير انا على طول في خير
حتى ولو عانيــت مـن شوق بعدك غلاك عندي يختلف عن غلا الغير ولا همني واحــد من الناس بعدك |
تدري ليا من ذكرتك وش يجي فيني
أعيش حالة غريبة ماتصـــورها أضحك وأسولف مابين نفسي وبيني وأفتح رسايلك وأقراها وأكــررها |
اكسر الصمت واترك للمعاتب مجال
حاجز الصمت علّه م اعرف اسبابها ليه زوّدت حال بـ/ميم واصبح محال اثاري الروح ( علتها ) من احبابها |
يـا كبـر حـظ النـوم لازار عيـنـك
يكفيه من عينك معانقـة الاهـداب مالوم لـو دنّـق وقبّـل جبينـك لأنه مثـل قلبـي علـى ضمتـك ذاب مانيب قايل من ضنا الشوق وينك لأنك بنيت بداخل الصـدر محـراب |
يآ ليتنى أجرح مثل بآقي آلنآس
وآكسر خوآطر من كسرنى، وآقسى لكني من كثر مآ أملك إحساس أجبر خـطـآآر من كسرني ×وآنسى × |
لا تـأمن آلطيب ولآ تأمن آلشـين
خلّك فطين وخل نفسك حريصه |
جربت في الدنيا تجاريب شايب وعرفت خلاني وميزت الأصحاب وعرفت طبع الناس مخطي وصايب ماني بخبلٍ تخدعه ضحكة الناب |
جيت قلبي غريب وَرحت عنه حبيب
آلبدايہ مشاعر وَ آلنهايہ طموح' قمت آردد على قلبي كَلَآم ، غريب آبتديتہ محبہ وَ آنتهيتہ جروح ♡̷̷̷̷̷̷̷ |
القلوب اسرار والدنيا عبر
والعمر لو طال تاليه الرحيل والخواطر كسرها ماله جبر لو يعيد الوقت ماضيه الجميل |
عشــان ماتحــزن وتذكرك السنين
لا تِسهــر عيونـــك مــع ليلك .. أبد عيش بحياتك وانتبه من حاجتين لا ترخص إحساسك ولا تامن لأحد |
كيف ماتبقى خفوقي تهتويك ..وأنت أجمل من على دربي عبر
|
مكتفي بك وادري انك بي مكتفي ..
واكتفي بعيونك لعيوني وطن ... انت لي الحب المخلص الوفي .. وأنالك اسم مايتغير مع الزمن ... |
لقيت بسواد عيونك موطني .ياملاذ هالقلب ياريحة هلي
|
الله أكبر كيف يجرحن العيون كيف مايبرى صويب العين أبد أحسب أن الرمش لا سلهم حنون أثر رمش العين ماياويلأحد |
منكسر بي شيء لـكنّي بخير ، عشرتي هانت ؟ أجل حزني يهون . |
العشره الطيبه من طيبها ما تهون اليا ابتدت في شرف واليا انتهت في شرف أجمل هديه تقدمها لخلّك / تكون دعوتْك بِإن الله إيسرّه / وهو ما عرف |
|
تغيب عنّي..وافقدك واتباطاك
والقلب ينشد يامنى الروح وينك؟ ، من زود حبّك ينتظر ويتحرّاك حسبي على من حال بيني وبينك |
ياكثر عشقي لك وياكثر ماغليك
ياللي غديت كل شي بحياتي اكتبك في بوح القصايد واغنيك وافضلك مابين كل امنياتي |
.
جروحك اللي مهمله قدلها عام ~ زادت على القلب الذي مسكنك به.. تبغيني ارجع لك موافق اذا قام ~ يرجع لك الماء لا انتثر عقب سكبه.. مماااا راق لي ~ |
عليك الصبر يا قلب دام الصبر ماجور
ما فالوصل حل إذا ظروف الزمن عيّت ..! |
إعفني مـن شرهة الشوق يا مال الغناة
في غرامك مـابقى لي لا طمـوح ولا ثـقه .! |
ليت الابيات تعبر عن كل مافينا
كآن كتبنا كل اللي في خواطرنا ! |
ليه الصباح بالذات يرسم و صوفك
و ليه الوله يدعيک يازين بالـذات تعال يسعدلي صباحك و طيوفك ياللي طيوفک كل ابوها سعادات. |
لك في سكُون الليل طاري وحزّه
لانامت عيون المخاليق مانمت |
أبعد عن اللي لازعل أنكر الطيب
اللي تقلب عشرتـه مـع ... مزاجه إن راق رقــاها طــوال المـراقيب وإن ضاق ضيقها على ادناة حاجه. |
الـضـيـقـه الــلــي تقـلـبـنـي واقـلـبـهـا يالله عسـاهـا طــواري لـيــل وتـعــدي لــي يــوم ثـالـث تجاذبـنـي واجـاذبـهـا الـيــن شـــدت بيـديـهـا عـلــى يــــدي مـــا كـنــي الا قـريــب مـــن قرايـبـهـا وماكنـهـا الا سليـلـه مــن نـمـى جــدي |
اثر الزمن دوار ..وايامنا طيش
ومصادم الايام يحتاج صمله الطير ياكل نملة الارض ويعيش وأن مات ترجع تاكل الطير نمله |
الساعة الآن 12:51 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir