|
انا ادري انك تقول الشوق ياحيفه وشلون يبطي ويتركني بشرهاتي لكن وليفك مهو ناسي مواليفه وشلون أبنساك وانت أعذب حكاياتي ياصاحبي .. صاحبك لوهي على كيفه أبلغ معك .. يا رجا دنياي .. غاياتي يا واحدن .. كل مازوّل لي .. بطيفه أطالب أيامي .. هاتي منوتي هاتي غلاك يصعب على مغليك توصيفه ياما تهازلت عندك أجزل ابياتي يا اغلى بشر اعشقه واعشق سواليفه معاك ماتمشي 'تركض ركض' ساعاتي اشم للكادي واليشموم توليفه كل مايهب الهواء من يمّتك تاتي |
هاتي من الشعر .. ما يحتاجه شعوري من بيننا الشاعريه جوها غايم وطبعك معي في مشاريه الغلا ثوري غيرك ما يرضي غرور الشاعر الهايم دورك على أرض الغرام مكمّل لدوري وياجعل نبض الوصل من بيننا دايم |
"من دونك" انتبهي تخليني لحالي "معاك" خوذيني لحالي وخليني بدال ما اقول .. ما فكرتي بحالي خليني اقول .. كل تفكيرها فيني وفي كل الاحوال احبك ياهوى بالي حبيبتي قد ما تقوين حبينيي وعطيني باسم الغلا مايطرب الغالي ويثبت حقيقه غلاي ان كان تغليني |
ادخل على الصف واطلع نيتي شارح كل ما يغرد وليف الروح تغريده تبدا يما تقضي الحصه وانا سارح وشريط الاحلام كل مايقضي اعيده عيا لساني يطاوع قلبي ويصارح وعمري بدونه ورب البيت ماريده ولَاَني ولْيه بمخلاب الهوى الجارح وحول بي تحويلة القرناس بالصيده |
شكواك تسرق لذيذ النوم .. من عيني وتِطِفي بموحش ليالي غيابك شموعي . يا ليت ما فيك؟؟ .. كلـه ينتقل فيني!! وادفن مواجع شقا دنياك .. بظلوعي |
يا نبض قلبي يا رفيقة سنيني ليت القدر قدّر هوانا وجابك وانا على كل حال يانور عيني عزاي من كل الحكايه كتابك |
ربيبة الفكر شفّي أصعب أذواقي دستور حاكم مشاعرها وقانونه هي سيدة شعري المكتوب باوراقي واللي نشرته على الساحه وتقرونه ما زال ينبض غلاها وسط خفاقي وعواطفي مع صداه العذب مرهونه ابعدت والنيه ابعد واشري فراقي بس المحبه قسم بالله ملعونه ماجيتها راجع الا بدافع اشواقي مجنون هايم بوحده مثلي مجنونه في حبها عارفه مبداي واخلاقي وكل شي مابينها وبيني على لونه |
يازين منطوق بعض الناس يازينه بالذات لاصار شرهانٍ على غيابي هو نور عيني حسب مابيني وبينه وحاكم ولاية غلاي .. وسيّد احبابي |
| الساعة الآن 10:28 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir