وش صار لك ما عاد تسمع مناديك=حاك الذي يطلب محاكـاك حاكـه
ياظبي وش خلاك تتـرك مرابيـك=وصدرٍ لديك بكـل مابـه شراكـه
خليت تم وسم فـرش لمواطيـك=وقلبي صفالك لو بقلبـك ركاكـه
وش انعتك من عقب هيت مغليـك=عديل روحك بيع في عـود راكـه

وش فيك تقسى يا اريش العين وشفيك=من عقب صخفك صايرٍ بـك سماكـه
وتفلت حبال اللـي منـول مهاويـك=عقب الجبـل حولـت بـه للدكاكـه
ثم حط رجله في الحبـال الشرابيـك=واظهرت عمرك سالـمٍ مـن شباكـه
الله يعوضه يـوم شانـت مساعيـك=في من تحاك لهـا الحرايـر حياكـه

وين انت ياقرة نظر من يحاكيك=يدعيك قلبٍ معك صك امتلاكه
ملكك ولو تنساه ماهوب ناسيك=في جوف صدر اللي يزيد ارتباكه
بعدك عنه ومواصلك في مساريك=يمكن يسبب ياملاكه هلاكه
خلك على ظنه وعالي مباديك=ترى جمال الروح غير الشياكه

مشعل المر شدي

تعال ياريم الفلا الشوق يدعيك=جا فالقلوب الخضر منك احتراكه

كلك حلا وثقلك زياده محليك=اسرتنا باللي صعيب انفكاكه

نذوق في قربك وذقنا بتغليك=عذاب للعاشق ..وسلة فواكه

لبيه وودك وحبك ماتكفيك=كونك ربيع القلب منتي سماكه

ياهيه انا واللي رفع هالسما ابيك=حبك فطمني عن ذوات الشياكه
بنات فكر الخال ما امست تناجيك=لجلي يقول اللي يطيب إلك هاكه
والشيخ ابو بندر تعب في ترجيك=وردك عليه بقول ياكه وياكه
والطير ما قصر يدور مشاهيك=وبدا بقافه عقب ياسه وعاكه
ـ

اخذ فراشك واعتبرها فواله= وعقالها ياتي برد القصيده
واختر بدالك من يسرك مقاله=هامور شعر ولا يغلق رصيده
ما اقول انا العود خله لحاله=وعيني عنه ياعين ماهي بعيده
نعمٍ بذاك الرجل لاجا مجاله=حكيم راي وكل فنٍ يجيده
اربع بويتات اعتبرها كفاله=ماطبت الارشيف جاتك جديده

قدمت يا ناصر نموذج كفاله=أفرجت لمحمد وحررت قيده
واللي مثل شرواك يا حي فاله=تاقف مواقيف الرجال السديده
شاعر واديب وغير شعر الجزاله=مالك مع الشعّار ولا قصيده
من لابةٍ للضيف تِرخص حلاله=يوم الحياه القاسيه والشديده
يوم الولد تفخر بفعله خواله=يا هاش من دون العشاير وليده
طيبك طبيعه يا محاضي دلاله=عادتْك ماهي يالهواوي جديده
واليوم مثلك يا وريث الاصاله=مغنيه في بنك المراجل رصيده

مادام مشغول العواد=نويت لي شاعرٍ ثاني
اكيد عنده علوم جداد=شاعر رومنسي ووجداني
هات الكلبشات يالجلاد=وهاتولي الطير حوراني

يا محمد (محمد العواد)=مشتاق للبر وولهاني
انا ونقوه من الاجواد=في شوفة الذود طرباني
مسند قضايا الخليج اسناد=لـ بن خليفه و ابن ثاني
باي باي يا سلطة الجلاد=عليك بالطير حوراني