يالخفير ادخل على الله وافتح الزنزانه=قبل لاتسمع كلامٍ من لساني ثاني
انت عينك ماتشوف الجوهره والدانه=الله يسامحك ويسامحك ياسجاني
ابك انا اللي له ليالي فاقدٍ خلانه=وانت يمكن ماتعرف بقيمة الخلاني
والله ان الكون من دونه بليا خانه=من رضى يرضى علي ويزعل الزعلاني

وين الفطور ودلة الهيل وين الفطور ودلة الهيل=امسيت جيعانٍ وظاامي امسيت جيعانٍ وظامي
وانا صراحه يارياجيل انا صراحه يارياجيل=ماني سروق ولا حرامي ماني سروق ولا حرامي

البارحه من جزع عييت لا اباتي=المفرده عاصيه وازريت اطوعها
وانا من اول خبير بصخر الابياتي=احوسها حوس في فكري وانوعها
وبان السبب لي عقب كثرة مراواتي=من هجرة الحيد يطري لي امطوعها
لصَّق لساني كبر ما اوحيت بلهاتي=وعينك لعل المفارق ما يلوعها

النجر دندن والمعاميل النجر دندنوالمعاميل=يحمس لهن بنٍ اتهامي يحمس لهن بنٍ اتهامي
يحوفها قرم الرياجيل يحوفها قرم الرياجيل=وان قلت من هو قلت سامي وان قلت من هو قلت سامي
انته من اللي تسرج الخيل انته من اللي تسرج الخيل=مسجون في سجنٍ نضامي مسجون في سجنٍ نضامي