أنا بصراحه من عرفتك؟؟ إلى الآن!!
ونبضات قلبي يوم اشوفك سريعه

قلبي يبيك ولا يبي غيرك انسان
وجوارحي غصبٍ عليها تطيعه

يا امسى على شوفة ملامحْك ولهان
كلّف عيوني فوق ما تستطيعه !!

فتّان في مجمل وصايفْك فتان
ما لك شبيه الا جمال الطبيعه

خل الفرح يِسْقِط ولايات الاحزان
وخل الوصل ياخذ مكان القطيعه

في مقطعة هجير الاشواق ضميان
عليك يا نِجِلْ العيون الوسيعه

ما تحتوي من عاف لرضاك الاوطان
وأنت الوفاء بجينات دمّك طبيعه

في واقعي ليليـلاً ارجيك سهران
يا غالي ٍصدمة فراقه شنيعه !!

صديت عنْك بصمت واقفيت شرهان
ولا طعت في سنّة محبّتْك شيعه

واليوم ابيك تضمني وسط الاحضان
من يشري قربك وانت وافي..تبيعه ؟؟

#محمدالعواد

الله يديمك شاعرة نجد
الشرف لي الله يسعدك

ليليلاً اسهر على الجوال وحداني
منّك؟ من الشوق؟ الزبده من اسبابك!

من يوم باشرت بـ استعمار وجداني
والموت اشوفه واذوقه ذوق بغيابك

وكل ما تشفقتك استدنيت دخاني
وما تطفي ان مالطف بي ربي وجابك

#محمدالعواد

المشكلة ماهي بطول المشاوير
انا عشانك للظروف اتحدّى

المشكلة بيني وبينك مقادير
ولا فيه أردى من البخت يا تردّى

#محمدالعواد

حي هالمروووور
صح بدددنك