|
[center]
يا غايبٍ غاب عنّي صوته وزوله ما زال ينبض على رجواك خفاقي لك في خفى الروح ضِعْف المملكه دوله وحدك تعليت عرش الحب بـ اعماقي يا طول ليلي عقب فرقاك يا طوله صدّك ظلامي وبهجة وصلك إشراقي عندي كلامٍ يخصّك ودّي اقوله أبعترف بالحقيقه واكشف اوراقي عواطفي منْك يوم ابعدت مذهوله ما هزك الشوق ما حنّيت لعناقي معقول صديت لالا ماهي معقوله فعلاً تأقلمت بفراقي على فراقي أحلام لقياك مخذوله بمأموله وما تسر الاصحاب في هالحاله اخلاقي في ظل سدرتنا ذيك احتاج قيلوله تسرق عناي وشقى دنياي وارهاقي معاك بالموقع اللي ماحدن حوله أطفي لهيب الوله في نشوة اشواقي أنا لو آمال قربك شبه مقتوله !! هاقي بوصالك أمانه أنت وش هاقي أحكام الاقدار من مولاي مقبوله !! بس ان فقدتك عقب هالعمر وش باقي ��نديم القوافي�� #محمدالعواد |
اغتلت الآمال؟؟ وأبغى فراقك الديّه !! يا منفّذّ أبشع جريمة غدر بـ آمالي ما اطيق قربك ولا شوفتْك موليّه أرجوك ياليت لو تتركني بحالي ��نديم القوافي�� #محمدالعواد |
مشكلتك تغيب وانا طول غيباتك ؟؟ أموت وأحيا على دقة تلفونك !! ولا الخيانه ؟؟ بعيده .. عن طهر ذاتك بعد السعاده .. على دنياي من دونك قلبي .. بـ صك الغلا .. من ممتلكاتك وانت ادرى وابخص بشر في قلب مجنونك نديم القوافي #محمدالعواد والله ماندري من اللي يغيب هههه |
/
هلا بك شاعرنا يالله حيّه فقدنا توآجدك الراقي وحرفك العذب وعساها آخر الغيبات يارب / |
ماشاء الله ابداع وجمال
راق لي المكوث هنا مررت من هنا |
اقتباس:
ماتفقدون غالي يارب |
اقتباس:
|
بلغت في بحر الشعر عمق الابداع
باتقان فارق وامتياز وبراعه وتلّيت قلبٍ جاك من حدب الاضلاع يشكي تمادي حضرتك بالقطاعه قلبٍ مشَرَّع في غيابك لـ الاوجاع على مدار اربع وعشرين ساعه رجاي مادام الوفا تو ما ضاع ولازلت انا وياك نفس القناعه نرجع سوا ونعيد ترتيب الاوضاع ونزرع بساتين الأماني زراعه #محمدالعواد |
| الساعة الآن 02:30 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir