المشاركة الأصلية كتبت بواسطة الجووهره (المشاركة 612880) أبدعتوووو صحت الالسن ودآم الابدآع ويعطيك العآفيه رحووله على التنسيق الجميل ياجميله

يا سلام الله سلامٌ يساق مع البخور=وين فرسان الملاعب ليا ثار الفتيل
وين شعار الرواسي ورى الركن ءمهجور=كيف ما في الماد فرسان خيل وعج ليل

مرحبا بالشاعر اللي مجرب ومخبور=بالتحيه ريح جوري ومسك وريح هيل
جيت في وادي سنه ماتجي فيه الطيور=ما اهقى يلقى به الطرقي مراح ومقيل
يوم وردت الضوامي على الله الصدور=قلت ادرجها ولا فيه شيٍ مستحيل
وش براسك ياولد روق من بعض الاومور=انت راعي دار وانا اعتبر عابر سبيل

البقا ومعك المهندس بعد مد الجسور =كل مادٌ وله فرسان يا راع النخيل
خابره في ماضي الوقت زاخر و معمور =مير من عقب الكرونا وتباعد فيه ميل
هد يا مال الغنيمة قبل ضغطي يفور =جيت في راسي سعاطير وبليا صميل
كل رمّاي له سلوب و الشارات نور =ومالي من الدار هذي كثير ولا قليل

العشاء جاهز وباذن الله الصبح الفطور=بصفي الثنتين وتصفق بصفك رحيل
ما تطاميت اجرفه لا تلف ولا تدور=والله اني خابرك ياولد عمي حليل

ناد للغياب والله يبارك ف الحضور=ولو معك صفين ف الماد ما نسمع صهيل
كل ماهديت غارة يجي سيلك حدور =خل خبرك عن صفاتك و عن معنى جزيل

تونا فبداية الشوط وش علمك ضجور=وقالوا العراف خطوه بدايه سير ميل
ما اهلك الفريس بالمعركه مثل الغرور=والعجب بالنفس يامسندي شره وبيل

تو سيرك يعتدل خذ هذا كرت العبور=خبط عشوا ماله بسلمنا غير الصقيل
و الثقة ف النفس واجب على الرجل الجسور=يا معلم لا تضيّع بعلمك صفو جيل

ماش جمة بيرنا ضحل ما ودي يغور=ومنتظرنا في جباها ترا صبره قليل
الفضولي وده يعرف ما فيها مغمور=لو تصبر جا عيونه من الغفوه رسيل

شفت عثراتٌ قديمة و شفت القفر بور=والنبع هداج و الساري بليا دليل
اضرب اطرح جمّع حساب يا الرجل الوقور=والعوض فيما مضى له حساب وله مكيل