|
/
ابدااع و إمتااع صحت الالسن ودامت أنفاسكم عاطرة لاهنتم جميعـــــــــا |
[color="white"]
اقتباس:
الوصوف محال منها وصوفٍ قد دنت=والحلايا تسبي العقل والخاطر سَبي الجمال اليعربي عاش وعيونه هنت =ولا بعد شوفك جمالٍ يقارن بعربي انتي الميزان للزين لو غيرك عنت =ولو تموت بغيضها الفين مره بتهبي ياحمد ياوجد روحي عليها لاقنت =من خفوقي شيء قد صار عندي اجنبي |
اهلا ياشيخة الغيد وكل الشكر على تواجدك العطر ، البارحه ياعبيد ماني على الكيف =حالي صعيب وكل وضعي صعيبي ماغير اسج شوي واقول ياحيف =ياحيف يادنيا وياقر جيبي ماهو على فرقى وشوق وتحاسيف =ولا هو على صدٍ وجفو الحبيبي لكن على مانتف الروح تنتيف =البلوه اللي بالزمان العجيبي المجال لمن اراد التتمه دون تحديد |
اهلا ياشيخه مرورك شرف
لله درك يالخال حمد اشهد انك بحر لاهنت على التتمه التي هي بيت القصيد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ شطحه ماتبي تتمه ههههههههههههههههههههه يابعد من لي تسمَّع واعتبرني مخطي=وما حصلي نفترض اني معك سويته صر معي خصم وحكم تاخذ حججك وتعطي=واعتبر نفسك مغرر فيه انا دهويته وعِدْ بذاكرتك لعصرٍ فات ماهو مبطي=يوم كنت تناغمه في قول عله ليته ومن رايته مخطيٍ منا يشد بمقطي=ومن ثبت له حق من حقه يزار اب/بيته |
اقتباس:
والشهاده طيبه من رجالٍ طيب اعتز بها لو اني دونها لكن ما اقول الا بيض الله وجهك وصح لسانك على الشطحه وابشر ماني متلقف عليها ههههههههههههههه |
ياحدب الجريد اليوم ما اوحي لورقك صوت=الا ذا الطوير اللي تسلي تغاريده استوطن بعد جاكن لقى في نماكن قوت=يقول الكلا والما وذا كل ما اريده اطرب له وانا اللي عقبهم خاطري مبهوت=اجاوب صدى صوت العصيفير واعيده ليا ارعف مداد الباركر في بياض النوت=وعليه الهجوس املا من الهم تغريده بحلق الرجا روحه تغرغر ولا يموت=وتخنقه يدين الياس بالحيل واتزيده كان الصدر ميل وصار من طول هجره فوت=رحاباته الغاه بكاذب مواعيده |
اهلا ياحمد واقسم بالله ماقصدي انك ترد والا لا بس انا احيانا احس اني اجيب قافيه ماهي حلوه او شحيحه واخشى ان افهم خطا والا انت تمون يالغالي
|
اقتباس:
ياهلا فيك ي بعد راسي انت مبدع وبحر ماشاء الله عليك وشرف لنا تواجدك ي بعدي وشرف لنا المشاركه معك في تتمة بعض القصائد اما عن القافيه الشحيحه فهي تعكس تمرسك ومدى كثافة مفرداتك ماشاء الله وان شاء الله محد يفهمك غلط وانا والله مافهمت الا ان المقصد بالابيات ليست مشاركه بالموضوع لا اقل ولا اكثر ابو عبيد الله لايهينك ويبيض وجهك |
افا ياحمد والله ماكان ذا قصدي=وارى انك على بناخيك في كل حال اتمون انا آخذ من اللي حاشرٍ خاطري وادي=توارد همومه فيه من كل شكل ولون برجم الرواسي كلما ضقت ابا اعدي=وابا اصيح لك لااحتجت لك وانت ماتهون |
اقتباس:
الله يرحم من عقبك يابو عبيد ذكرتني ب ابيات عبد الكريم الجباري اللي يقول فيها الكلمه اللي حدها حد الشطير لا قال شخصٍ تحسب حسابه افا ياكبرها كبراه في عين الكبير وياصغرها للي بمرجلته هفا . . . . . . باقولك كلمه وانا اعرفك كبير ماهي تجيني منك يالغالي افا ، وانا موضح لك اللي فهمته ي بعدي قبل تنزل الابيات واعتذر منك اذا كان فهمي لا يزال خطأ على العموم تبقى مدرسه ي بعد راسي تقبل مني كل التحيه والتقدير |
بالله ياعبد الملك وش يبكيك=وفر دموعك بالبكا عنك جدك قطعة شوكلاته لك اتجاب ترضيك=والا فريت ان كان جاوزت حدك ولو انت تفهم ماخفى كان ابا انبيك=مصايبٍ ياورع ماهيب قدك لو تدرك الموضوع شابت علابيك=وصفقت من ماشفت يدك بيدك |
لك الحق لو رفرفت ياطير بالجنحان=لكن لاتلوم اللي منك صابته غيره ليا ادرجت حومك في سما داعج الاعيان= انا معك ادير الجيب في داخل الديره تحجب النظر عن شوفته شهق الجدران=واستنكَر ولامن شوفتك حولهم ذيره |
ياشمع كان النسيم اطفاك في هبه=لك في خفوقي ذرا ما ينطفي نورك ارى بشعلتك جذوة نار من حبه=ماينتهي حرها لو ينتهي دورك |
بغيت ازورك وخفت اتصير هذي مثل مافات=ارجع بلا فود وايصير الفلس دايم حصيلي بعد الطرب والامل اعود في لوعه وونات=واخاف في خاطري تكبر ومنك انفض شليلي ماهيب مره تحملت الفشيله منك مرات=زود التغلي وكثر الغطرسه توه دليلي وليا عذلت المعنى قال لي هيهات هيهلت=اجوز عن كل طرقا الا(........)مايجيلي |
اهلا يارحيل والنجلاء مروركن شرف
ــــــــــــــــــــــــــــــــــــــــــــــــــ ــــــــــــ ليا زهمتش يالغلا لاطنش=يكفيني انش لاتكلمت موجود بش خاب ظني خيب الله ظنش=واقول ماوالله اكلمش واعود |
اقتباس:
صح لسانك واعتلا شانك |
ههههههههههههههههههههههههه
اجل توك دريت؟؟؟؟ القلب يا قرناس مبطي يقرقع=ولك حق لو شبهته بقرقعانه لكن توقع لا تسبه توقع=واقول ذا من قرقع القلب عانه غروٍ جماله فوق مالا توقع=لو عرضت غنيت ياليل دانه |
جل شانه ياعسى الامر ذا ماهو غضب=كل بيت اطق بابه يشدون اهله والله اني محتشم ماعرفت لذا سبب=والنوازل هالليالي كبار ومذهله يا غلاتي لو سمحتي كفايتنا عتب=لاتحدين القوافل لدربٍ تجهله الحكيمه والحكيم الذي يفتل شنب=ياخذ اقصر درب لاج يسافر واسهله |
الله الله عليكم شعرائنا المبدعين
بيض الله وجيهكم حضور مميز وابداع وجزاله غير مستغربه من شعراء الرواسي تقديري لكم النجلاء |
انا والذي ملزمك بالصمت يالفراج=كنت ارث البشوت الفارهه لجل لابسها وبعد العودي اللي شمسته في قصبها إلعاج=وهالسبحه اللي في يمينه يملسها وصدور القرار اللي مخبيه بالادراج=جابي همتةٍ وازريت لا اردع تحمسها لكن خابرك تسرج سباق المهار اسراج=وتشري لها من فاخر الجوخ تلبسها وهقيت يحصل من عقب دبك الخيول أفرَاج=خمني فيك ما ادري حدسةٍ فيك حادسها قلت انفي الرخامه بالتجري بابن فراج=يمكن بين هالاثنين تاجد تونسها وطفت همتي من بعدها والمسار انعاج=وصفت في طواريق الغزل يوم احوسها |
اقتباس:
لامن طرى له من يزود المعانه |
اهلا ياحمد وحييت وصح بدنك
ارحب ياقرناس وصح بدنك ولسانك ــــــــــــــــــــــــــــــــــــــــــــــــــ ـــــــــــــــــــــــ يالله مسا الخير وين الربع مالحدٍ هنا جس=واللي معه كلمةٍ يمر عجلان ورماها من اول اسمع قبل ما ادخل لهم بالمنتدا حس=وهالحين شهر القصيده ماتهيا من قراها |
تدري اكمل يالمشتهي
ــــــــــــــــــــــــــــــــــــــــــــــــــ عن ضيقة الصدر تكفي كسرة الخاطر=وش جاك مني عليِّ اليوم تجمعها ما تدري انك بهن في خلك امخاطر=احرقت نفسٍ عليك الوجد لاطعها احيا بشوفك مثل ما يحيي الماطر=نامي فياض حما المرزم امصدعها شفني لجابتك بعد ارسلتها ناطر=اكتب وبالزرف زرفها وودعها |
اكمل انا ههههههههههههههههه
يالعود قبل اشهرين وجوكم عاطر=ورسم ابتساماتك بخطك امسطعها ان كان ودك تبين بصورة الشاطر=وتحب تستعرض وحنا نتابعها حنا نطنشك وانت لردنا ناطر=يومين وارجع لسالفتك وسنعها |
الموضوع جميل لاهنتي هماليل
حنّا عذاب اللّي على الشر ملزوم و حدودنا ف المرجله مالها سقف ! و جدّاننا من روس طمّاعة القوم حطّوا لهم للذيب و اللي معه وقف |
اللي حاب يكمل أتشرف
.. |
اقتباس:
يالله لا تعسرنا ههههههههه صح لسانك يا ريم مبدعه ولابداع قليل في حقكـ تكمله على الطاير وعلى سلوم اجدودنا دربنا اليوم دون الدخيل ودون طلابته نقف والطيبه من قسمنا دايم الدوم اما تجينا طيب ولا تجي لقف |
اقتباس:
ماقصرت يالفراج بس الابيات اللي كتبتها غير ذي وسويت لصق على اخر شي من الحافظه ذي بالغلط بس ماعليه الابيات تستاهل على انها ذائقه ان شاء الله برجع انزلهاا وأتشرف في تكملة النص منك ربي يسعدك |
ملامح البعد بانت بعد طول الغياب
الغالي اللي تحبه لا تبعد عنه العمر فاني و لا كل الليالي شباب اليوم ما فيه شي بامكاننا نضمنه كمل .... |
اقتباس:
واعتذر على التدخل ولاكن ابو فيصل قانص اليوم ووصاني ارد عنه بالنيابه العشق خمرٍ تذوبه الشفايا العذاب داخل شرايين من في سكرته مدمنه الشوق مايذبحه ياكود كثر العتاب والشك والله لتدفع لاغزاك ثمنه |
اقتباس:
صح بدنك وصح لسانك ولاهنت ي محمد كلكم واحد لاعدمتكم وشكرا على الأضافه الجميله تقديري " |
ملامح البعد بانت بعد طول الغياب
الغالي اللي تحبه لا تبعد عنه العمر فاني و لا كل الليالي شباب اليوم ما فيه شي بامكاننا نضمنه العشق خمرٍ تذوبه الشفايا العذاب داخل شرايين من في سكرته مدمنه الشوق مايذبحه ياكود كثر العتاب والشك والله لتدفع لاغزاك ثمنه فيه مجال احد يكمل ولا اكمل ؟ .. |
الله على الابداع والجزاله
صح الله لسانك ياريم الفلا وصح الله لسانك يابو بندر وصح لسان أبو فيصل |
الفراج ابو بندر ريم صحت السنتكم
انا كنت متوقع ان المكان هذا تم هجره كتبت لين قال الكيبورد حل عني الله يعافيك ولاعلم ولا خبر الله واكبر على حماسكم وين غاب=يوم اشحذ الهجس والسير ان تلكا ادهنه ماشاب قافي هو اللي شاب ريش الغراب=على الطشوت المكفى للمطر دندنه دع ذا وشف ويش سوت فيك ذات النقاب=ياقلب خِلك وماسواه ذا ديدنه لاتقرض ابهام سبابتك في راس ناب=ان جاك قل مرحبا وان راح ذك ابدنه |
مطلع قصيده او بداية معاناة=او سم هالابيات قل انشراحي ياهجس ابا اعطيك المبرر ولي هات=دام العطا والاخذ شيٍ متاحي منهم لفاني علم ما به مراواة=من كفي الفنجال بالغصب طاحي امحق عذر ضمن عزا قلب ووصاة=وامحق غلا جل العمر فيه راحي |
يا صاحبي غبت واثر فيني غيابك=وانا بليا غيابك حالتي حاله كل شي منّك فهو منّك وبـ اسبابك=يا همّ قلبي ولوعاته وغرباله الشوق ليته مثل ما جابني جابك=قلبي بـ حبّك يعيش الواقع لحاله أموت بك عشق مثل الورد واحيابك=ومزنك تشفّق صحاري الشوق همّاله أكملي ياهماليل |
صح لسانك شاعرنا محمد العوّاد " تكملة النّص " ياصاحـبي غـبـت واثـر فيـني غيـابك وانــا بـلـيــا غـيــابــك حـالـتـي حالـه كـل شـي منّـك فهـو منّـك وبـاسبابـك يـــا هـــمّ قـلـبــي ولـوعـاتــه وغـربـالــه الشـوق ليتـه مـثـل مــا جابـنـي جـابـك قلـبـي بـحـبّـك يعـيـش الـواقـع لـحـالـه أموت بـك عشـق مثـل الـورد واحيابـك ومزنك تشفّق صحاري الشوق همّاله يـــاكود عقب البطا والصّد واضرابك تلفـــــي على صاحبك مثل الفرح هاله ديــــــمٍ تبل الخفوق ويطرب احبابــــك ديــــــمٍ يبش الهجيـــر بلحظـــة وصاله واعـــاتبك واتلــذذ حيـــل بعتـــابـــــك واشــــره على البعد والّلي طاح بغلاله وتعيشنــــي قصـــــةٍ وأعيــــش بكتابك قصّــــة أسيــــرٍ رمـاه الشوق في جاله |
"واعاتبك واتلذذ حيل بعتابك" يا سلام يا سلام صح لسانك هماليل أبدعتي وشرفتي |
صح الله السان كل شاعر وشاعره ابدعتم وامتعتم دام الشعر لكم هامه ولهامة الشعر دمتم استفز ابداعكم هاجسي وادلا بدلوه لعله يلقاء من يكمله من جميله الا أجمله...
تعبت من الوله وينك شقيت ولا دريتيبي زرعت احلا ورود الحب على كفي وناديتك تعالي ضجت اوجاعي وجرحك زاد تعذيبي تري لولا الغلا والشووق وربي ماترجيتك انا ادري ماطغت قسوتك الا من كثر طيبي كئني من كثر طيبي على قسوتك حديتك على كل حال يا قلبي عرفتك ونكشف عيبي ولا به عذر يشفعلي سوى اني بس حبيتك |
اقتباس:
صح اللسان و سلم البنان وجميل مرورك هنا كالغيم تحيا به الأرض اللي يبّسها الغياب و خصوصا هالقسم الجميل احييك على تواجدك الرائع ولي عوده باذن الله |
| الساعة الآن 01:44 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir