|
اقتباس:
هلا وغلا مهرة رواسي شرفتي ونورتي انتي وجودك بحد ذاته ابداع أسعدني مرورك بحق |
يا شوق يدفعني على شوفك الشوق الى متى والبعد بيني و بينك غصبٍ على المخلوق يا حب مخلوق يقول زي ما اقول يا شوق وينك غلاك ياما ساقني يالغلا سوق على أمل تلمس يديني يدينك نديم القوافي محمد العواد |
تدري بمجال الحب وش معنى الافلاس شخصٍ تشوفه عكس ما هو يشوفك وتدري وش اعظم جرح يوجع من الناس شكواك للّي ما يقدّر ظروفك واكبر قهر يا صار بحروفك احساس لانسان ما يفهم معاني حروفك نديم القوافي |
يا زين .. قصدي لا .. يامنبع الزين حرام ما تسوى بدونك حياتي انا معك ياصارت العين بالعين ينوب عن منطق كلامي سكاتي نديم القوافي |
طحت في حب الهنوف اللي هواها طاح فيه كل من تلّت خفوقه من محاديب الضلوع خشف ريمٍ بالوصايف ما يشابه له شبيه فيه للقمرى ضياها وفيه للنجمه سطوع يوم صدّر صك قلبي وصار قلبي ملك يديه غاب عنّي غيبة اللي ما لغيباته رجوع نديم القوافي |
دام قلبـي يالغـلا مـدمـن عليـك ؟!! لا تـجــازيـن المـحـبّــه بـالـغـيـاب.. نديم القوافي |
ياضيّ فجرٍ فجّة النور ضاوي بالليل قمرىٰ ليل والصبح غيمه هواك هزّ أوراق غصن الهواوي وداعب عناقيد المشاعر نسيمه نديم القوافي |
يا حبيبي لي على صدّك عتاب غير طيبك ما يبرهن طيبتك وعند من عذّبت قلبه بالغياب نقطة الضعف الوحيده غيبتك نديم القوافي |
الحق ما كل المخاليق تبغاه ما كل من شاف الحقيقه قبلها ومن لارضي بالحق لاتحقق رضاه والكلمه اللي تزعله منْك قلها فرقاه عيد وراحتك يوم فرقاه مكسبْـك من بعض الاوادم زعلها نديم القوافي |
|
اقتباس:
صباح المسك والعود والعنبر هلا بالملكه حياك منوووره |
صح لسانك
كنت هنا مهره.رواسي |
أخي الغالي
أسعدني كثيرا تواجدي بين ثنايا روضتك الغناء التي تعطرت بعبق شذا احرفك الرقيقه مدونه جميله وحروف رائعه لروحك الطيبه قوافل الجوري |
المهرة الأصيلة
مجيد الجنابي تشرفت بكم حياكم الله |
لــي ديــرةٍ دونـــه مــســافـــات و اتـعــاب=ودّعــت قــلــبــي عــنــد اهـلـهــا وداعــه فـي غـربـتـي عـانـيـت مـن بـعد الاحـبـاب=مــع غــيــرهــم قــانــع بــغـيـر الـقـنـاعــه كـنّــي غــريــب الـــدار بـديــار الاجــنــاب=جـالـي و هـو مـطـلـوب عـنـد الـجـمـاعــه يـاللـي غـيـابـي عنْـك لـظـروف و اسـبـاب=لا تـعـتـبـرهــا قل وصل وقــطـــاعـــه يـا شــوق حــتـــى لــو بـدر منّـي غـيـاب=أنـــتـــي مــــعــــاي ((( 24 ))) ســـاعـــه عـلـيــك لــو صــكّـت لـعــدوانــي احــزاب=عــاركـتـهـم عـركــة ضــواري ســبــاعـــه روحــي تــروح فــداك يــا ضــاف الاهــداب=اسـوقـهـا لـشـوفـتْـك ســوق البـضــاعــه محمد العواد |
وين انت ياللي كل ماغبت وابطيت=يضيق خلقي ويتعكّـر مزاجي ان غبت ضقت وبعد غيبتْك يا جيت=صرفت لاوجاع الغياب العلاجي قلي بقلبي يالغلا ويش سويت=هو ليه ما يضحك لغيرك حجاجي ما تدري اني كل ما شفتك اقفيت=يولّع بصدري فتيل السراجي |
(( يا غـايـبـــه )) يا غايبه لو غاب زولك عن الشوف=ما غاب طيفك عن خيالي دقيقه كتبت لك من صادق احساسي حروف=وبخاطري من ضيقة الخِلْق ضيقه الكل منا يالغلا مر بظروف=ذقنا من الصدمات مُرّ الحقيقه واقع مآسي غدر الايام معروف=ماللحزن غير التناسي طريقه تعال انا وياك نروي ضما الجوف=ونزرع من الورد المعتّق حديقه تعال انا لشوفك ولقياك ملهوف=تعال بُعدك ياحبيبي ما اطيقه بين الامل والشوق والياس والخوف=النفس في بحر المشاعر غريقه يا مرهفه نفسي ترا مالها شفوف=في غيرك وغيرك عساه بحريقه نديم القوافي |
يا حبيبي لي على صدّك عتاب=غير طيبك ما يبرهن طيبتك عند من عذّبت قلبه بالغياب=نقطة الضعف الوحيده غيبتك نديم القوافي |
الله الله ابداع
صح لسانك كنت هنا |
صح بدنك ياهلا وغلا شرفتي |
يابوي انا من ليلة الحادث ارثيك=محدٍ بحالي بعد فرقاك داري مرّت سنة يابوي مامرّ طاريك=وامي معك ماله من العام طاري العام يا اذّن كنت تفطر واقهويك=واليوم ما اشوف لوجودك مواري نديم القوافي |
كنت هناا
|
أهلاً وسهلا بكِ أينما كنتِ ومتى
يسعدني وجودك |
صح لسانك شاعرنا
مبدع بكل حالاتك ورحم الله والديك وجمعك بهم في جنات النعيم |
اقتباس:
صح بدنك يالجوهره الله يرضى عليك ويحقق أمانيك أسعدني مرورك بحق الله يسعدك |
هــلا هــلا يـــا زول حـــيّــــي ومــــيــــتـــــي هلا هلا بك يـا هـوى الـنـفـس ومـنـاي انا اليا شفتك لــفـيــتــي و جـــيــتــي انـسـى شقى و أحـزان وهـمـوم دنــيــاي نديم القوافي |
يالله يـا فارض على العبد طاعتْك ومـع طـاعـتك تـامـر بطاعة نبيّـك العبد لو صام الدهر دون رحمتْـك مـا فـاز كـود اللي تـضـلل بفيّـك انت الذي رحمتْك مدخال جنّتْك هي نـور من تنْـور ظلامه بضيّـك محمد العواد |
((( مد النظر ))) مِدّ النظر خلّك بعيد الهقاوي=كل البشر فيها عذاريب وعيوب ترا الشفّاوه هي عذاب الشفاوي=عِزّي لمن دوّر بالاجواد عذروب لا تزعل لغيبة كثير الحكاوي=يبي من ذنوبك على ذنوبه ذنوب ولاتصير في كل المواقف قصاوي=ترا التجاهل بعض الاحيان مطلوب ما يداوي الدلخ المغفّل مداوي=حتى لو الدكتور يصرفه له حبوب السيل يا شفته مع القاع داوي=يعطي مثال لهزربة كل زاروب تجنّب عيار الكلام السماوي=خلك حليم وحاور الناس باسلوب وان شفت طيبك مع رداك متساوي=ووصلت لقضب الحلق مع مقرن الثوب خلك عديمٍ صلف مثل النداوي=وحساب عمرك عند مولاك محسوب وعن كل خوّة ماتحشم المخاوي=اجعل غيابك غيبة الشمس بغروب اجهم على نيّتك يامرحت ناوي=والرزق عند مدّبر الرزق مكتوب العبد يا صكّت عليه البلاوي=يفرج له اللي فرّج احزان يعقوب محمد العواد نديم القوافي |
وضعي يابو عارف مهو وضعي العام=مستانس وعندي فراغ وفضاوه اليوم بالصدمات وصدوف الايام=الوقت عاملني بعنف و قساوه والواقع اللي يشبه اضغاث الاحلام=ما ذقت بايامي لعيشه حلاوه ضِحْك الزمن خدّاع وان طال ما دام=يصفي ويقلب عجّ عقب الصفاوه محمد العواد نديم القوافي يا محمد العواد والله ما تلام=واجهت من ميلات وقتك قساوه وحطمت بسلاح الصبر كل الارقام=تحطيم مفهوم الحظر للبداوه عز الله انك بالمهمّاة ضرغام=بينك وبين الضعف حرب وعداوه قاومت بايمانك صواديف الايام=وعند الشدايد للتوكل حلاوه يا شاعرٍ ترفض حضورك بالاعلام=لك في محيط الجزل ثقل وحفاوه ابو عارف مشفي الجرواني |
وين انت ياللي ما تمنيت غيرك=الا المنام اللي عقب غيبتك غاب وين انت يدفعني ضماي لغديرك=عندي على غيابك مشاريه وعتاب ليتك تشوف اليوم حالة عشيرك=اللي معك يتعب على بذل الاسباب متى مصيري يرتبط في مصيرك = متى تلمّ اقدارنا شمل الاحباب تجيب نسمات المودّه عبيرك=يا هبّ نسناسه من ديار الاجناب انا سجينك يا حبيبي واسيرك=سجني مؤبد والرجا بطلعتي خاب ومع كل هذا كثر الله خيرك=على الصواب اللي مثل عضّة الداب نديم القوافي |
ما تخلّي الدنيا من الخلق مخلوق الا تضيّق على روحه سعتها دنياك هذي طول ما خلتك فوق تخفيك في لمحة ثواني تحتها محمدالعواد نديم القوافي |
|
اقتباس:
أهلين ملوكه صباحك / مساءك سعادة وراحة بال |
ما تخلّي الدنيا من الخلق مخلوق=إلا تضيّق على روحه سعتها دنياك هذي طول ما خلّتك فوق=تخفيك في لمحة ثواني تحتها نديم القوافي اللهم ارحمنا وارحم موتانا يا أرحم الراحمين |
بين الحقيقه والخيال وبين تحقيق المحال=هذا شعوري يوم شفتك بعد ما أيّست منْك دهر القطاعه بينا لو احيته سحب الوصال=يبقى شقى وطعون غدرات الزمن سيستم زمنْك الخوف ماهو بُعد شرق المملكه عن الشمال=متى منعني بُعد دربي عنْك يوم ابعدت عنْك الخوف يا طاح النصيب وحالنا بِدّل بحال=وافلست منْك افلاس راس المال باسهم كل بنْك ياكم مرّه في زمانٍ ذكرياته كالخيال=أشّرت باصبع للفؤاد وقلت لك هذا وطنْك الصد عنّك ماعطيته حتى لو ربع احتمال=انت الحبيب اللي خفوقي بين خلق الله حضنْك يا شبْـه بدرٍ بان في صافي الليالي باكتمال=خذ هالقصيده من جديدي وغنّها على لحنْك نديم القوافي |
اعتقيني من عذابك يا عذاب=يكفي انك يا عذابي غايبه لا تزيدين المواجع بالعتاب=دام نفسي عن هواها تايبه أمنياتي بعد صدك والغياب=فيك صارت كل ابوها خايبه نديم القوافي |
(( يا صدود )) القصايد والمعاني والكلام=ما لهن لولا معاناتي وجود يا صدود العين عيت لا تنام=بعد ما شفت التجافي والصدود ليت رد الحب زي رد السلام=لا غياب ولا فراق ولا جحود الوفاء مع بعض خلق الله حرام=خاب من يخرج زكاته لليهود نديم القوافي |
الطير هذي فطرته ياكل الطير
بس الاوادم كيف تاكل بعضها؟! نديم القوافي |
اللي فتن عينك بنظرة عيونه=وحَـرَمْـك من لذّة منام المخدّة لجلك اذا ما باع ناسٍ يبونه=جزاء وفاك لخاين الحب صدّه من لا يصونك لا تفكّر تصونه=بعض البشر ما يستحقّ المودّه ومن عاش دونك منت ميّت بدونه=يروح روحة جدّ جدّك و جدّه ما تقبل النفس العزيزه مهونه=ومحدٍ على جال المذلّه يحدّه نديم القوافي |
. . . . . . . . يـا شـوق ويـنـك صـار قـلبي رهينك؟! غـبـتِ وعـذابـي يـعـلـم الله غـيـبـتْك . . يا شـوق لـولا الـشوق مـا قلت وينك مشاعر المشتاق ما عمرها جــتْك؟! . . مبـطـي وقلـبـي يا حـبـيـبـي سجينك ليـتـك دريـت ولا جـرحـتـه بـصـدتْك . . و مـا راح تدرك ويش بيني و بيـنك إلا بـنـظـره نفـس توقيـت نظــرتْك . . لا صـرت قـدامـي وعيــني بعيـنك ناظرت في نظرات عينـي محبتْك . . . بقلم/ نديم القوافي |
| الساعة الآن 09:17 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir