|
الغنامي
صح الله لسانك ودام الابداع |
لادقّ في صدري من الشوق هوجاس دقيت هاجـــوس القصـايد / بصدّري ! وارخيت شعور القصايد بالأحساس وخليّت من لا يعرف الحب / يدري ..! |
يابدويه..... قالت الله لا يهينك انت خابرني بدويه ماأحب اللي يمسس غترته ويزبّط عقاله انا ودي ببدويِ يمشي بدمه حميّه لاتعزوى بالقبيله كلهم صاروا عياله البدو غالين عندي لو حصل منهم خطيّه الولد فيهم يساوي شيخ ِ بجاهه وماله قلت انا انعم واكرم ماكذبتي يااجوديّه سجّل التاريخ عنهم البطوله والجماله لكن الله لايهينك لاتناسين البقيّه الحضر رجالهم ياوسع صدره وطول باله في المواقف انشديني مايتخلى عن خويه لافزع ماعاد يدري من وراه ومن قباله وضيفهم يبشر بعزه والوفا المقدريه كل واحد يسبق الثاني ولاندري بحاله قالت اكبر عيب فيني يالحضر النرجسيه مااظن احد بيغرني بطبعه او جماله انا احب اللي زهابه حاجتين وبندقيه يفتخر بالذود ويسرح كل يومِ عن حلاله وان لفاه الضيف شاف الفرق شاف الناس حيه . إبدوي ِ صوت نجره اطرب الطرقي وعناله قلت انا ليه اختلقتي فرق وسويتي قضيه الكبر لله والمؤمن ضعيفِ براس ماله يا بدويه الجروح اللي من اسبابك نديه والخفوق اللي تحرّى جيتك يا ما جراله والعيون اللي تمنى شوفتك صارت شقيه والفراق اللي بليا ذنبِ يذبحني لحاله قالت الله لا يعاقبني انا بنتِ بريه من السوالف كلها والحب وين اللي وفاله ياولد لاتحسب اني جاهله ولا غبيّه الهوى ماهو كذا والحب انا مابي مجاله انا اخوي إن قال اخو فلانه عرفت اني بدويه تجتمع رووس العرب له من يمينه وشماله وسلامتكم وصح لسان قايلها منقووووله |
ما كنت ممن يدخل العشق قلبه
ولكن من يبصر جفونك يعشق |
آشب نار الفكر وأزيدهـا نـار وآحمس عليها هاجسي وإنشغالي وأدق حالي كنهـا بـن وبهـار صفيتها واركزتها فـي خيالـي واليّا استوت دلة نصيبي والأقدار آبا اتقهوى قسمتي مـن دلالـي |
ورا القصيد الي منول على البال =مع ضيق صدري رافض لا يجيني يالله يامعبود ياعالم الحال =ياعالم سر الضلوع الدفيني تفك ضيق زاد ومع الصبر طال=ونك على حمل الثقايل تعيني |
تعال أحتاج أسولفلك عن الأيام وأشكيلك وأفض غيم الحزن وأنثر حنين الشوق بقبالك تعال وحط في قلبي هموم الفرقى وأشيلك لأن القلب ماهو قلب إذا في نبضه ما شالك وقف دمعي من عيوني أبي من عينك أبكيلك أخاف أبكي من عيوني وأبعثر جية وصالك |
قالو علامك قلت مابي علاما =من عقب كانو عن خوافي يدرون يابوك من دنيا عليك السلاما=منون يادنيا الصواديف ممنون |
صباح الخيروالدنيا تدور وهالفلك دوار
وجعله كل ماطال الزمان يحقق احلامك حبيب كل ماجاني يغني له حمام الدار وانا اردد مع انغام الحمامة عاشت ايامك |
ياحي يامقفي على عزفة الناي = ترا الكلام بلاش والقول مغري لكن تبطي عظم ماجاك شرواي= انكان ماتدري انا طيب ادري تدري اعرفك سبت الجرح ودواي=ودري غلاك مطوق كل صدري تبعت لين ازريت وحترت فالراي = وليا عطيتك راي بنهان قدري يااضاحك{ن} بوجيه الاجناب بلاوي= ان قلت اغار اقبل من القلب عذري |
كم هي صعبة تلك الليالي التي أحاول أن أصل فيها إليك أصل إلى شرايينك إلى قلبك كم هي شاقة تلك الليالي كم هي صعبة تلك اللحظات التي أبحث فيها عن صدرك ليضم رأسي حبيبي الشوق إليك يقتلني دائماً أنت في أفكاري وفي ليلي ونهاري صورتك محفورة بين جفوني وهي نور عيوني عيناك ..... تنادي لعيناي يداك ..... تحتضن يداي همساتك .. تطرب أُذناي |
سلام كيف الحال وشلونك اليوم=لعل مابك باس وبخير يازين دامك سعيد ابيه ترا منت ملزوم= افرح وسجلني بكشف المقفين ابا اقضي العمر الشقي سهر وهموم=ون مر طيفك قلت من وين لاوين |
صح لسانك ياولد روق رائع لاعدمناك
|
اخاف ابوح بسـر قلبي و شكواي و تصير نفسي بين ربعي ذليله اضحك ودايم بسمتي تسكن شفاي و من شافني قال محدن مثيله و انا بجـوفي هـم و النار بحـشاي و الجرح ينزف و الليالي طويله |
سلم ذوووقك
|
من ذوقك الراقي ياولد روق , ’ قال السراب وقلت ظامي لسـرابه قال الهلاك وقلت لعيون الاحباب يا لايمي في حب متـرف شـبابه الموت حق ولاتبـرق بالاسباب كانه ذبحني صـاحبي من عـذابه ماابي لدمي يا هل اللـوم طلاب الـجادل اللي فيه زيـن ومهابه يفز له قلبٍ .. وتخضع له أرقاب في حجر عينة لي غديـر وسحابه وفي وسط قلبي له تناهيت وعتاب إن قلت أحبه يكفي القلب مـابه وان قلت أنا مابيه .. باصير كذاب |
8
8 والله اني لعلم عليك انك شاعره ان ماجبتي بيوت لك هههههههههههههه |
هههههههه الروقي الشعر لهله انا مجرد متذوقه
ويكفيني استمتع بقصايد شعراء رواسي |
يامحمد يااصيل =مقامك عالي وغالي
كل بنات رواسي =تبيك ويش اسوي انا في حالي النجلاء تقول بنت العم وفتفوفة =موزة ونا تاركني من الاحزان اعاني يا تلم نفسك يا راح اشتكيك للعالي هههههههههههه شورايك في شعر |
هههههههههههههههههه
الله يسعد قلبك يا احلام ورب العرش ضحكت من قلبي وقلبي تعباااان ربي يسعدك |
هههههههه صح لسانك ياحلومه
والله انك خطيره يابنت المغرب |
ربي ايشافيك يالغالي ويخليك
|
روحي عني مناك ي المغربيه .. ترا بنت الجنوب فيها الدلع الغنجريه
واللي خلق الكون واللي فيه .. غير دلعنا عيالنا حايسين مو ليه في طبخي ماتوصلون ليه .. خبز التنور والعصيده والعريكه وترا انا بنت الجنوب الاجوديه .. في دلع ها الكون عربجيه ههههههههههههههههههه ع بالكم انتم بس شعار هاه شوفي انا كيف اطيح عيون السيح من فوق السماء ههههههههههههههه |
جعل ربي منك مايحرم عيوني = ياجميله منك حملت الجمايل ياوفيه فيك ماخابت ضنوني= ياسند عزم عجز والحض مايل والله اني لو بغيرك خيروني=لحلف انه مثل مخلوقك قلايل من يلوم الي بشرواك احسدوني=يرفعون الروس لمهار الاصايل |
خلني بين الثريـا و السحاب
و الهجوس اللي خفوقي ضمها اسرج ركابي و أنادي للسراب و أحتمل كبر الطعون و همها |
اقتباس:
الله الله صح الله لسانك ياولد روق اعجز وانا اقول روعه |
لاعدمتك حضورك نوماس ورفعة راس
|
بعض الشوارع لاهدت .. مرت بها الذكرى سراب
تأخذ خطاوينا وله ../ وتردنا كسرى قلوب ! |
غـردي لــه يا طيور الورق عــني
زخـرفيها بــالـمـدوح ولـحـنيـــها جادلن لا جيت ابوصفها وغــني ابتلشت بوصفها من وين اجيها كل شي في هواء بالي فـتني من حلاها ما لقيت الشين فيها |
:heart::heart::heart::heart:
|
اقطف لك الورد وانت بعيد واشمه ،
واتذكرك في : سواليفك وبجنونك !! واجمع كلامي وتطري اغنية شمه لاجيت ابكلمك ( نستني عيونك ) !! |
اقتباس:
الله الله صح الله لسانك يالفراج رائع لاتحرمنا جمال مشاعرك العذبه |
اسـهــر واعــانــي والـخـلايــق يـنـامــون مــن سـبـة الـلــي فـــي غـرامــه بـلانــي يــتــل قـلــبــي دون رفـــــق ٍ ولاهـــــون مـــــزع مـعـالـيــق الـخــفــوق وطـــوانـــي لاشفت زوله طحت قمت اطلب العون وان صابـنـي فــي سـهـم حـبــه رمـانــي قـــرم وُفـــي فـيــه الـوسـامــه ومــزيــون اصــلــه عــريــب بــكــل شــــيِ دهــانـــي |
لا ضوى ليلي ونامت عيون الغافلين .. طار نوم العين وإدموعها في موقها .. مشكلة بعض الهموم الخفيه ماتبين .. لين يأتيها ظلام المساء ويسوقها .. ولا بغيت النوم حزة منام الهاجعين .. جرت النفس الحزينه لحن طاروقها |
كبيره منك في حقي ولا ادري كيف ارقعها= ونا الي في طوال الشامخات النوب ميكاري طلبتك ثم طلبتك في حشاء مغليك سنعها =ونا ماني بذاكرها ولا جايلها طاري ابا ادفنها بصدري عنك ونته لا تطلعها = تراني من قديم الوقت لجروح العنا ضاري ولكن دوك كلمة ياعساك اليوم تسمعها=على قلبي سرا لليل العنا والهم سماري ابا اسر ي مع جروح الوقت يامشكاي وقنعها =عساها تحترك من قلبي الي عندك ال غاري |
صف النوايا واذكر اللہ ترتاح .. واللي تشوفه قابلہ بـ ابتسامة .. خلك وسيع الصدر طيب ومزاح .. ترى الزمن ما يستحق الملامه .. |
الوله والشوق؟ وحـروف الغـرام!
تنتثر في دفتري.. لامـن طريـت.. يا حبيبي ليـه؟ تشّقينـي حـرام.. يشهد الله غير حبك.. مـا بغيـت.. جيت كلّي شوق.. واحساس وهيام.. جيتلك لو كان.. في بعدي نسيـت. |
احس انه تغير كل شي كنت احبه في= الا ياوين هاك الضحكه الي كنت اداعبها ليا جيت ابحث القصه ودور كل شي لي = فقدت الكل والي كنت بالقيفان الاعبها انا والله ماني سي لكن الزمان السي= لليال الوقت ترعبني ونا الي كنت مرعبها |
جولي انتقاء راقي ياراقيه
|
الروقي
صح الله لسانك يارائع ودامت مشاعرك العذبه |
| الساعة الآن 10:09 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir