يابو بندر عساك بخير وشلونك وكيف الحال=عليك ابشتكي من ضيم قلب ً بيح اسراره
انا مثلك مولع في هوى اللي يلبسن الشال=لكن الحظ الاقشر والليال السود غداره
تعرف ان الحلا فتنه واعرف ان الهوى قتال=واعرف ان الزمن دوار والايام دواره
صبرت سنين وشهور وليالي لين صبري طال=انشّد عنه وادور مع المرسول لاخباره
بعد ماكنت اشاهد صورته في شاشة الجوال=جلست اجاري ابو عبيد في بوحه وف اشعاره
لاتستغرب ليا طاحت دموع العين من رجال=اكيد ان الزمان الشين بركّ له على زاره

يامحمد ارفق على غشام مافيه حيل=اظناه حب الهنوف وهده افراقها
من بعد عيد رمضان وهو يحط ويشيل=معطى عن الزاد حبة توت ما ذاقها
شفاه يباس ما يعرف يفك الصميل=وركايبه من وهن للعد ماساقها
لوهو كماك او كما عايض يبات ويقيل =على روايا عدودٍ عذب دفاقها
ماكان مات الغليم عصر ما ادري بليل=واضفت عليه الليالي مظلم رواقها