|
الطير حوران نبارك لك الحريه
ابو بندر كفاله من الوزن الثقيل والبديل اثقل لكن لو خليتها بعد الترحيب لو المهربات هههههههههههههههههههههه خيال مطير هلابك ريف صح لسانتس على الابداع وشاعرة نجد تستاهل النجلاء هلابك ــــــــــــــــــــــــــــــــــــــــــــــــــ ـــ السجن توه زان والشعر لي زان=والهجس ما ظنيت حاجه تعوقه من بعد هاظه بالفرايد كحيلان=فرعت به واطلقت فتلة سبوقه ل أسيرة المحبس ولطلاق حوران=شعيل بحمول الشعر جيت اسوقه شليخ سمر وجمر ودلال رسلان=فنجالهن يجلى عمس من يذوقه وتمر الحسا واربع ذبايح من الضان=عن اللحم حال الشحم في طروقه لولا الطمع من نجد في عذب قيفان=كان لخفير السجن نرسل لحوقه للي نبي ممدين والعلم نيشان=وماذاقته يالقرم بكره تذوقه |
اقتباس:
تسلمين وتبقين ريوف,وصح لسانك
ومساك نور يعم ناس الرواسي=وعطر ومطر وابيات عذبات وزْهور ترحيبتك تروي الغصون اليباسي=وردي عليها فوقه اللول منثور معكم ولو حكم المقادير قاسي=نعود مهما تلف الايام وتدور وشكري وتقديري وصادق حْساسي=لك شاعرتنا عد ماشعشع النور |
شاعرة نجد صح لسانك الربابه على جناح الطياره وفوق الغمام تبي واحد يقراها وهو ما ينعس بصراحه رائعه رائعه
والله اني ودي استمر لكن اليوم ما قيلت ولي عوده ان شاء الله |
اقتباس:
والسجن حطو فيه فلٍ وريحان=واستقبلو ضيفه عزيزه خلوقه من نجد حطت لسمها خيرعنوان=والشعر غاصت به واجادت طروقه راسي على قيفانها جد ضرمان=واشفق على قافٍ عليه تسوقه لاغردت في صبح ولا مسيان=تبل قلبٍ يابساتٍ عروقه من قل وصل من الحبيب وحرمان=وعينٍ لذيذ النوم عيت تذوقه غيابها ماله مبرر وبرهان=وكن العهد عقب انوثق تاتبوقه وليا بغيتو زبدة الهرج نيشان=ماعاد لي في فقد الاحباب طوقه صح لسانك شاعرنا,,,
ماهكذا يستقبل القرم,ضيفان=وين الكرم,هو عندكم طاح سوقه؟ مهما فرشت السجن من غال الاثمان=يبقى سجن ليله مْساوي شروقه لكن رضيت وماقضيته علي كان=بزنزانتي شمعة هواي مْحروقه تعال واسمع لاضوى الليل قيفان=يصوغها فكري بفنّه وذوقه من خاطرٍ مهما صفَى الوقت عمسان=سماه مظلم لو تكاشف بروقه واما الغياب اسباب,من غير هجران=سفرة اجازه والعهد له حْقوقه توضيح والترويح مابين الاوطان=جْنان,لو قلب العناا زااد شوقه وتسلم وماتفقد من الناس خلان=يامن جزيلات المثايل تشوقه |
الله الله عليكم
الهواوي صح لسانك واعتلا شانك مجاراه من الوزن الثقيل شاعرة نجد صح لسانك ويحق لك العتاب ولاكن ضيافتنا بنجيبها لك في السجن ههههههه النجلاء صح بدنك وصح وجودك الرائع صحت ابدانكم جميع وصحت الالسن |
النجلاء,محمد الغنامي,طير حوران
تستاهلون الطيب,لاهنتوا وتسلم طير حوران والمرحب باقي,’’ |
اقتباس:
صح لسانك شاعرنا وداام حضورك الفااخر ولاهنت على هـ الكرم الحاتمي =وماذاقته يالقرم بكره تذوقه,عن قصيده:smile: تقديري,’’,’’ |
شاعرة نجد
مطلوب منك قصيده مشاركه في مجلة رواسي وياليت،تكون جديده ع المشاهدين |
| الساعة الآن 06:04 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir