ليا قلت سج البال ناحت حمامة دوح=وانا ما اعرف الورقا وش اللي ينوحها
وانا مافطنت لما تنبه له الممدوح=واثره للزواحف مستفيق وجوارحها
وانا بي عشم للحظه اللي ترد الروح=على شان عن ما يختلج فيِّ اصارحها
عدينا نطاق الصبر والسد لأرض البوح=اتطارحني احلى ذكرياتي واطارحه
نوب اصيرعنتر ثم اشوح الرخامه شوح=واجعلها عباة ليا حضر واتوشحها

ياليت لي يامهجتي ريش واجناح=واكفخ بجنحاني وحوم بسماها
البارحه دمعي على وجنتي طاح=ماهملجت عيني وسبلت ماها
يابوعيون سود واخدود تفاح=ارفق بروحي لا تخيب رجاها
القلب له عامين شاقي ولا ارتاح=ودارت على راسي دوالب رحاها
واليوم ابي لي ثلب واحزام واسلاح=وبيت الشعر وارخال معها ضناها
وديره بها الحميظ والبختري فاح=ودلال مربوبه قديم طلاها
واحط جنب السرح منزال امراح=والمجرفه والسمن واشعل لضاها

ياسهيل عانك دريت انك هنيا سجين=مافات مات المهم انك سجين ودريت
تعال خلك هنا وارجم بليس اللعين=قدام لا اكتفك واجيبك بظهر الونيت
وهذي كبيره بحقك وانت رجلٍ فطين=انسان واعي ومتعلم ورجل إيتكيت
والطيب يخمها لاجات يمه سمين=قدام لاياكل العلقه كذا كمبليت