|
ارحب ياولد روق ووش جاب الزعل ماله طاري يالذيب الا انا استانس على هيك مصادمات ليه النفوس دون محالها يالقرم
لا تذخر شي تقدر تقوله الا قله يالقرم وعمك جمل والنجلاء من باب المزح والايثاره فقط قالت ما قالت ــــــــــــــــــــــــــــــــــــــــــــــــــ ـــــــ اهلا بخالد العبيريد في سجن الابداع اما ليه سجناك؟ فمن حبنا لك ورغبة بابداعاتك وطلبا لمشاركاتك الرائعه اما وش تسوي ارتك بالزنزانه وارفع عقيرتك وسمعنا من ما لديك ولا تستعجل ثلاثة ايام بلياليها واستقبل ما ياتيك من تسالي وضيافه بعد ذالك اذا اردت الحريه كفاله بكم بيت واختر لك بديل واسجنه ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ ياولد روق وسع الصدر مرغوب فيه=والزعل (ماسحينه)من قواميسنا انت من لابةٍ من ينتخيها تجيه=تجتمع عيسهم لرضاه مع عيسنا ارغب بما يجيني منك وافرح وابيه=تفرح النفس بمزوحك واحاسيسنا ياولد روق مايوجد لخلي شبيه=نوره بليل يغني عن فوانيسنا من سعى بيني وبينه حسيبي عليه=آمن آمن عسى تفنى جواسيسنا |
الله الله
صحت الالسن ياشعار رواسي المبدعين ابو عبيد صح لساانك مليون ولا يسدون يالجزل ولد روق صح لسانك واعتلا شانك يالمبدع العبيريد خالد . مرحبا مليون في سجن الابداع حياك الله وننتظر ابداعك |
اقتباس:
صح لسانك ملايين مبدع الله لايضرك احترامي لك |
تسالي للسجين والزوار
والعذاب اللي يذوب بعين من يفقد خليله عندي أكبر من عذاب العين لوتفقد نظرها والحبيب اللي صدوده مثل مداته جزيله صدعني..واعرفه لاصدعن حاجة هجرها ّّّّّّّّّّ كل عاذل ردني عنك يالطرف الكحيل** ياعسى الله يقلعه يا عسى الله يقلعه يامعرض قلب الاحباب للدرب الطويل** السعه لا بارك الله بالضيق السعه ّّّّّّّّ اشتكيته للرفوف وللبراويز الهزيله **وانذعرت من النياح اللي سمعته في صورها رحت اسولف للجبال الصم عن قصة رحيله*** ماتركت متونها الا ينحت الدمع بصخرها |
تسليه للسجين
ليه تطعني وانا ميت بليا ؟..ماكفاك اللي حصلي قبل ساعه ؟.. كن بين همومي وبينك حميا ..جيتكم واحد وجيتوني جماعه !.. انت منا والمصايب من هنيا ..كلكم ضدي ترى ماهي شجاعه |
اهلا يابو بندر ما نرضى؟؟؟؟
ارحبي يالمهرة حضور فاخر ومدات جزله لاهنتي وين التفاعل منك يالطير حوران=يالحر ونسنا ولو في قصيده وبسابن عبيريد البطل خلف قضبان=من ربعكم ما جبت له لو عصيده لو كان حقه حومل من اسمن الضان=ومن السوالف ما يحب ويريده وفنجال بريه وسحه مع دهان=يحوف حمستها غلامٍ يجيده من البارحه برعود والوبل هتان=عسى الولي من جود مده يزيده والقلب به هاجوس والفكر حيران=وغزوٍ لطفقات الهموم العنيده لها براسي من صباح امس ميدان=ارداهم اللي في يمينه جريده |
صحت السنتكم جميع
ابو عبيد صح لسانك ولي رجعه بالرد ان شاء الله مشاركه بسيطه سجن القوافي مسفهل بسجينه اطلق عنان السابقه يالعبيريد الشعر الاوّل يمتع الناس زينه شرد الفرايد كنهاشرّد الصيد نبى انتوّحا فالعلوم الثمينه اسلم وشرواك الرجال الصناديد |
اقتباس:
ماغيب لوحيت الندا يابن سيحان جيت بفريده واستلمهافريده يابو عبيد ضيوفنا فالهاسمان امجردين ايماننا من الزهيده وراك خميت الاجاويد عجلان كنك تقول الدار مابه فقيده حوّل عليك من اصدق المزن ودان تبى المزيد ونظرتك للبعيده خلك لوّن الهم طاويك فرحان اسعد حياتك فالحياه السعيده لو رحت للمسجد وفي يدك قران الهم مايدخل مجال العقيده العد عانه يروي ال كل ضميان طب وتخيّر فالحبال الجويده ماتسمعه بذنك تشوفه بالاعيان زبدة كلامي والعلوم الاكيده هرجة شباب اعقولها عقول شيبان منها استفيد ومنك هي مستفيده وعفاك |
| الساعة الآن 03:31 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir