المشاركة الأصلية كتبت بواسطة ولد روق (المشاركة 378570) صح بدنك ي الطير صح بدنك غزلان السجين اللي هنا حالته حاله طاح بين العود ناصر والخميني لاطلع مسجون حطوني بداله والقضيه ظلم والقاضي لعيني ينتصف لي ربنا جلّى جلاله من يدور حق عند الظالميني لو نشدته ويش لونه كيف حاله طاحت الدمعه على خد السجيني مابقا الا يرمي بحضنك عقاله وينخي لمحلف وينخا الطيبني ياسمي الريم ماحولك كفاله ليه يابنت العرب ماتكفليني

المشاركة الأصلية كتبت بواسطة المهره الاصيله (المشاركة 378614) هذي كفاله لولد روق ودخول خالد العبيريد السجن بعض العرب حبه يوردك الجنون ولا يوصف له غلاه احكاك له مايقنعه وصف الغلا لو وش يكون لو كل حرفٍ بالحرير يحاك له الموت جاك وهو تقلبه الضنون ولا لك الا الصبر....وش وداك له ان قلت ضايق..قال : هونها تهون مايدري ان ضيقتك له وبكاك له تقعد تحبه وانت ساكت ومغبون يمكن بيوم يقال له ما اوفاك له وكانك مشكك هو يمون .. او ما يمون تخيّل ان عفت الصبر فرقاك له غلاه من فوق الغلا ماهو بدون وحكاه سمعك يجبرك بارخاك له

مرحبا ياللي تلغثم بالعمامه=مالعا قمري وماناحت حمامه
تنطلق بك من ضريه للمنامه=والمسار لحضرتك مفروش زلي
من غلاك وحشمتك جيت وسجنتك=مارميت بسهم فيك ولاطعنتك
ولا عليك ادعي ولاوالله لعنتك=ليش ضايق ليش نزعل يالهلالي
بالسجن ما جاك يالروقي كلافه=الذبايح والحلاوي والكنافه
والسوالف بالبريد وبالمشافه=وكلما ترمي هدفك اقول هلي
يالسنافي لا يجي جوك ضبابي=لاتهتل بي وجعل بليس هابي
ولا يغرك لو تلطفت بجواب=يافداك النذل انا ما جيت كلي