شبكة رواسي نجد الأدبية - هنا .. سجن القوافي !!

شبكة رواسي نجد الأدبية (https://www.r111n.com/index.php)

- سجن رواسي نجد لشعراء الابداع والجزاله (https://www.r111n.com/forumdisplay.php?f=154)

- - هنا .. سجن القوافي !! (https://www.r111n.com/showthread.php?t=29193)

تسليه للسجين
بفارقك لو كان ماخترت فرقاك
بفارقك وانا فرجوا وصالك

البعد لو به خير ماكان خلاك
تقطع من عيون المحب أتصالك
ماكثرك فالصده وفا لوصل ماشواك
الكبر لله لايغرك جمالك

تسليه للسجين والزوار
حاولت نسيانك وعيت لنساك
لاجيت ابنسى ذيب صدري عوالك
لو أنك بترجع كثر ماتمناك
ماكان ذا حالي ولا ذا بحالك
كثر الجفا وآنا استغفر الله اشراك
حبك كفربي لعن ابو من صفالك
خذاك مني البعد ماعاد بقاك
لاكن على قول المثل مش حالك

تدري وش اللي يقتل الشوق ياذاك

لاني بولد عمك ولا بولد خالك
الشوق برد ودافي الوصل لقياك
وثلج الجفا خرب طريق اللقالك
علمتني حبك وعلمني انساك
لوكان من دنياي مابه بدالك
تبغي تضيق خاطري جعله فداك
ماهوب انا اللي يعاتبك في حلالك
طلبتني قلبي وأنا قلتلك جاك
والحين سو فخافقي مابدالك

صح بدنك .. ولسانك ي ابو عبيد

وجمل الله حالك .. وابيض وجه

وصحت الالسنه ي شعراء رواسي جميعا ..

لاهنتو لاهنتو

مساء الخيرات ~
وصحت السنتكم واذواقكم جميعاااا يالرواسي ~
ودي وتقديري ~

صباحكم مسك ~
والسجين لِسَّه بهالسجن يحوس الله يفرجها عليه ههههههههه~

تسليه مع كوب لبن عشان تنام زين هههههه~

اه من قلب ن عيا عن حبك يحيد ~
يبيك ويشفق على جيتك دوم ..

مايشوف غيرك وعلى همسك يريد ~
تلتفت يمه وتزيح عنه الهموم ..

بقلمي ~
ودي وتقديري ~

صباح الخير لكل اعضاء رواسي ..
تحية اعجاب وتقدير لكل شعراء السجن وللاذواق الانيقه هنا
بس حبيت اصبح عليكم واهديكم هذي القصيده ...

وربي يسعد صباحكم وكل اوقاتكم .

هلا وسهلا [صباح النور ] من نورك=ما [أحلى صباحي] م دامك من يصبحني
كثير قالو [صباح الخير] ب حضورك=بس أنت منك [صباح الخير] تذبحني
شباكك اللي [يغني فيه] عصفورك =فرحوا بقعدتك مثل [م تفرحني]
مسرحك يشتاق في [طلتك وظهورك]=[عطني يدك] واسدل الستره وصارحني
يامبدع بدلع [ارفق بجمهورك] =[بسمتك بذات] تجمعني وتطرحني
سبقتني بالزياره [قبل م ازورك]=بغيت [ أداعب عيونك] قبل تلمحني
أكتبني .. أكتبني العاشق اللي [زين سطورك]=أيه بالله أستاهلك من غير لا مدحني
أنا الوحيد [اللذي يرضى ] على جورك=[وأزعل وأصالحك] قبل أنك تصالحني
[الصبح مفتون] في شوفتك وعطورك=والورد مجنون قال [ العطر يجرحني]
[والجو بارد] وجيت وجا هنا دورك=بردان وأرجوك قلي [ بايش تنصحني]
أدفى على[ضمتك ولا على شعورك]=المشكله [ذي على هذيك تذبحني]
اخاف من شوقي [اطلعك عن طورك] =[وتهب خصلاتك السودآ ]وتلفحني
[وأنا لوأطيع شعورك] وأرضي غرورك=[يمكن تمر الليالي ] ماتسامحني .

الشاعر .. سعيد بن مانع .

صباحكم ورد جوري وكادي ونفل وخزامى وشيح
ابو بندر ماتفرق لك او لغيرك مثل ما راقت لك راقت لي ههههههههههههههههههههه
ارحب ياسامي ولاهنت وبيض الله وجهك
ارحب تراحيب المطر يارؤى فاقدينك لكن من حضر ما غاب
ارحبي يالمهره وتسلمين على هالحضور الراقي والانتقاءات الفاخره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
لي عوده ان شاء الله