من الطفش والضيق نكتب قصايد=وعلى رحيل لما كتبناه تنسيق
اخت ولها بالطيب سبق وعوايد=عسى لها في كل خطوه توافيق
من بعد ذا ويش انت يالهجس رايد=ما اشبعك من عامين كثر الطواريق
منها حورنيه ومنها فرايد=صارن غبوقٍ لك وهن فكة الريق


‏

الدار يوم اخلت تصفر بها الريح=قد اوحشت يصوي على اطرافها البوم
فيها غراب البين مبسوط ويصيح=لجت بتكة صدر مع ضيق وهموم
وعودت انا لخبار نجوى وتسابيح=مع الحدث قومٍ تخادع لها قوم
محمد العرب في صعده ايقوم ويطيح=وللي محرره امس يسترجع اليوم
يارب نصرك للرجال الطحاطيح=وتردهم والخصم خاسي ومهزوم

‏

لو ماهو بودي لازم اصوغ كم بويت=من المبرمات المبهمات الحورنيه
يغني بها اللي مركبه بالسفر ونيت=نصف هنقلين لطرقته قاطع النيه
بعد ما طرا له صاحبه حرَّم المبيت=اما عنده او يمرح بدارٍ خلاويه
يسولف على نفسه يقول انتظرني جيت=ياحيه يمني نفسه بشي ياحيه
وسمع صوت قال ارجع ماحنا كما هقيت=نفسك يالمغثر بالتمني رهاويه
ابينا وشيت ويوم شينا وراك ابيت=لكن رح وحسن وضعك وعاود الجيه

هالايام وش ذيرك يالورق ما شفناك=لك ما اوحيت صوت ولا تحليت لك صوره
اقول احترامٍ لي رحل من هنا لهناك=تكلف وتعب ورحلة الورق ماجوره
واثاريك تلعب فوق حبلين يالنماك=مع اهل المخادع والمكر ماخذٍ دوره
من ابو نيتين اصبر يابو نيه لما جاك=لا يفرح شموتك كل ما بان بك خوره
ترا الدا الجزع والصبر لو كان مُر دواك=حقيقه لمن له عقل من قبل مخبوره
للايام دوره تشبه لدورة الافلاك=بروده وجوٍ معتدل زين وحروره
ولا تحسب ان بك ميزةٍ ماهي لذولاك=كماهم يجي لك يوم ما طارت طيوره

‏