مسا الخير ما ادري ياصباح الرضا يالحاضرين=راع السجن واللي زايرينه ومن مره ممر
مريته وانا في خاطري تسليه لجل السجين=ولا يجلبون الناس عاده على خيبر تمر
لكن العيون البارحه ساهره من شان عين=تعد النجوم اللي غطا نورها نور القمر
على مين ابا اشكي مين واللي يعرف العلم مين=لكن اتحداني للتشكوي لواهيب الجمر
نوب اتشب من بين المحاني ونوبٍ تستكين=وانا طامرٍ سر الغلا تحت ملتها طمر

وش فيك صامت هكذا ياولد روق=ونفس السؤال اكرره لبن برقا
نبي سواليف وروايات واطروق=فرحه بلمة شمل واحزان فرقا
لاقدر الله/بس ذا الدرب مطروق=عليه كم جابت من النوح ورقا
ما قط احد منكم تمشى مع السوق=ومن النظر جابت به العيد طرقا

وين الهجوس اللي تغذّا مني=ميعاد حضرتها متى ما أغنّي
تقطف من عذوق الجزال اجزلها=وتكيّف العمسان مثل البنّي
يقعد بها راسه وياصل حتنه=واليا خطف رمح المطني .. طنّي
مسجون وانا طلق من فضل الله=ماني بقايل : ليه من ساجني؟
لجل اتمتع في شوارد سامي=يوم اعتلى روس النوايف كنّي
أكفخ على حد الثريا وازمي=طيرٍ سمح راعيه فيه وحنّي
كفّيت ياسامي وعلمك غانم=انت اول اللي سلوته تاصلنّي

المشاركة الأصلية كتبت بواسطة بندر الغنامي (المشاركة 375530) مجاراه للمجرم سامي وين الهجوس اللي تغذّا مني=ميعاد حضرتها متى ما أغنّي تقطف من عذوق الجزال اجزلها=وتكيّف العمسان مثل البنّي يقعد بها راسه وياصل حتنه=واليا خطف رمح المطني .. طنّي مسجون وانا طلق من فضل الله=ماني بقايل : ليه من ساجني؟ لجل اتمتع في شوارد سامي=يوم اعتلى روس النوايف كنّي أكفخ على حد الثريا وازمي=طيرٍ سمح راعيه فيه وحنّي كفّيت ياسامي وعلمك غانم=انت اول اللي سلوته تاصلنّي