من متى والبشت مسكوب ياعايض جزاء=يالسنافي نظرتك فيه نظرات الامير
من لبسته والقوافي يساق إلها العزا=ما قرينا لك هنا لا قليل ولا كثير
ولد روق صويحبك فالسجن ذاق الوزا=لاصبوحٍ له تجيبه ولا حتى مضير
مار لد إله النظر والشياطين اتخزا=وكان ماضي منك حلف اذكر الله واستخير

المشاركة الأصلية كتبت بواسطة غزلان (المشاركة 372028) . صح لسانك ي الهواوي ودام بوحك الراقي ~ تسليه للسجين مع مشاوي وورق عنب وعصير كوكتيل بصراحه عجبتني ابيات سامي وجاريتها وعساها تعجبكم ~ ساكن ن قلبي إنت وللعشق إتجره ~ ولا يخطر في بآلك أبد إني أعوفك.. دآيم ن خاطري شوفتك إتسره .. يشدني للوصل حرصك على وخوفك.. إيه أبيك بدنيتي وأنا بحيآتي حره.. ولاأبي هالعالم تدري عنك وتشوفك .. وسلامتكم جميعاً ~ ودي وتقديري للجميع ..

العود عايض والهواوي كفيله =اخوه فالاسلام ومن الرضاعه
يشكي على هاذا وَذَا يشتكيله=وكلن يدور عند الاخر شفاعه
عوادتن معاد فيهم عقيله=بـ اول زمنهم لاحقتهم مجاعه
لا شاف نك ام الرموش الظليله =معاد عنده يالنشاما مناعه
امسا يمثل دور مجنون ليله=وقام يتصنع للمشاعر صناعه
وانا عن الزلات رجلي ثقيله =مالي ومال اهل الغنج والمياعه
الطيب لي مبدا ولا ارضا بديله =واغلا كنوز النفس كنز القناعه