|
اقتباس:
لن عاش راسي وكافاه الولي سو المقادير=ابيد من حال مابيني وبين الزين اباده ولا نويت استمع لو يجتمع عذال ومشير=فاللي بقلبي لهم حق الولايه والسياده من شانهم ماحسبنا للكلافه والمخاسير=لو تسهر العين من زود الوله ولا نكاده ماينزع حبهم لو ينزع شوكان والنير=مشيدٍ حبهم بين الضلوع العوج اشاده يشرفني اكمال هذا النص الفخم اعذرني على القصور يابو عبيد |
الله الله
صح لسانكـ يابو عبيد وصح لسانكـ يابو بندر ابداع الله لا يضركم |
/
ي سلام الهواوي وَ ابو بندر صحت السنتكما ودام ابداعكما واحساسكما الممتع بورك في حروفٍ أنتما اصحابهـــــــــا / لقلبيكما السَّعَـــد |
صحت السنتكم
شعراءنا ربي يسعدكم ويوفقكم مبدعين ورائعين |
صح لسانك يابو بندر ولاتكفي صح لسانك ولاهان راسك وبيض الله وجهك يالغالي
ابو فيصل صح بدنك وبيض الله وجهك شيخة الغيد صح بدنك انتي شيخة الغيد اليوم وا لا ابو الاسود الدؤلي ههههههههههههههههههههه الوايليه هلا فيك وصح بدنك اخاف استمر وتطفشون مني مثل ما طفشتكم بالسجن ههههههههههههههههههههههههههههههههههههههه |
اقتباس:
خذها مني وانا اختك وربي ماطفشتنا وربي انك تاج روسنا والي خلق الخلق انك مزين السجن والمكان كله يشهد على ربي اني مااجاملك ولا زليت عليك بحرف بس انه السجن اشوفه ماهو مثل الاول ومحد يلتزم مع حزبه الوحيدين الملتزمين هو حزبك وحزب المدمر وبس وهالشي هو الي ضايقني صراحه ودي بالزين لكن مامشت الامور على كيف اختك ماني قد اني امشي مع عالم طريقهم غير وانا طريقي غير انا ابي ناس تتحرك وتهتم للشي الي هم فيه لكن تجري الرياح بما لاتشتهي السفن والقصيده الي نزلتها اخر شي واخذت على خاطرك منها وانا اختك تراها ذائقه وبس وربي مامنها اي قصد ابد ابد لاتزعل ياابو عبيد تراك غالي عند اختك كثير عسى ربي مايحرمنا من تواجدك وطيبة قلبك ونقاوة روحك |
والله ما اخذت بخاطري يابنت الرجال لاولله بس انا ليا اشتغلت بموقع فيه اخذ وعطا الظاهر ان اجي كلي وفيه من يتضايق وانا ما دريت
والكلام ليس موجه لك بس جاء في سياق ردي عليك انتي اخت وزميله حرف وغاليه على الجميع ههههههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ |
الله يسعدك ويحفظك يارب
غالي والله ياابو عبيد لاخلا ولاعدم تقديري لك دوووم |
اكمل بيوت اللي مدخدخ من النوم=ولاوده احد يكمله غير غشام قبل امس وامس وليلته تقل منجوم=اغط ساعه واربع سياع ما انام ياطير ياللي بالسما تدرج الحوم=لو تسمح احلق معك مابه الزام انا بشوفة ناقش الكف ملزوم=وحبيت انا استفزع بحضرتك مادام يناسب لرفة جناحينك اليوم=صافي سوى ناعم ذعاذيع الانسام |
اقتباس:
/ صح اللسان وسلم البنان يابو عبيد ..ولاهان منطوقك ننتظر شاعرنا غشـــام ليكمل الإبداع بـ إبداع / |
ابو عبيد ، ابو بندر
صحت الالسن انتم اصل الابداع ولا يستغرب الابداع من اهله . |
اهلا ياشيخه وصح بدنك
اهلا يارحيل وصح بدنك والله محييكن وسلمتن ودمتن |
الله الله
صحت السنتكم جميعٍ |
قالو من امس انشوف عندك هواجيس=ووجهك عبوس اليوم وين البشاشه؟ استهد باللي يرزقك وادحر بليس=وان كان ما ماشاك هالوقت ماشه مامن ورا ذكر السنين المراميس=الا التوترللفكر واندهاشه هموم وآهات وونين وعواميس=وسكر وضغط وبالمفاصل هشاشه وتحل من بعد اليقين الوساويس=ويصبح خيالك للكوابيس شاشه قلت اسكتوا ماعاد بالعلم تدليس=قلب الرجابه مخلب الياس ناشه |
اقتباس:
ثم نكس امال اللقــا فيه تنكــيس=والموت شافه قبل موته وعاشه انشهد انه جاد نوم الكوابـــيس=وانشهد ان الحال بان ارتباشه وانشهد اني منه فلسْت تفليس=والصدر جادت ضيقته وانكماشه ياللي تواسيني خفتْك الكواليس=اللي ورا هاجوس فكري وجاشه مير ابتعد عني همومي كواديس=ويني ووين اهل الفرح والبشاشه صح لسانك يالامير واشهد ان الابيات جزله من شاعر جزل تبارك الرحمن ولهذا السبب حاولت تكملتها والمعذره لو كان بالتكمله قصور تقبل تحياتي وتقديري |
اهلا بكل من مر من هنا وصحت ابدانكم وعقولكم وبارك الله فيكم وبيض وجيهكم
صح الله لسانك يالحربي حتى ترضى لاهنت وبيض الله وجهك يامرحبا باهل الفخر والنواميس= بريح المعتق لانطف من غراشه بحمد ولد من تتعب الخيل والعيس= من طاشه الشرقي لغربي طاشه في هالتتمه حمس الهجس تحميس=وفي حرها زادت على حر جاشه نعم وغير اللي تنبيت به ليس=به شيٍ آخر خذ من الصدق كاشه |
عن ويش يالورقا تسالين عن ويش=لغاك هذا ترجميه إل/ لغانا صحيح انا وياك ياحلوة الريش=بالمزرعه وانتي من اغلى قصرانا تصرفك ذا له كذا يوم به طيش=وانا كذلك ما اعرف وش بلانا انتي يجوز لغيبة اللي تناغيش=اللي على عذب القصيد اتحدانا وانا بجوي من كذا يوم تشويش=الله على زين المسار يهدانا لكثر الطواري وسط راسي نغاميش=تحوس فكري بين آنن وآانا باسبابها تضحك عليِّ الدراويش=اللي على شين الحكا ما توانا |
اقتباس:
صح بدنك يالهواوي وبيض الله وجهك وماعليك زود واسمح لي بالرد على هالكرم بالمدح ولاهنت يالامير بك البقا يافارقٍ بالمقاييس=ياللي سبق بالطيب والجود حاشه يانسل بيضان الفعول الفواعيس=اللابه اللي كل ابوها بشاشه امنفسين الكرب والضيق تنفيس=مثل انبلاج النور بعد الغباشه في نهجهم مافيه غشٍ وتدسيس=نياتهم بيضا بياض القماشه ونستنا يانسلهم حق تونيس=بابيات جن جزلات ماهن قشاشه |
تسلم ياحمد والله ما ودي اطولها لان جزالتها انتهت لكن الظاهر انا نبا نستاذن معدت هالمتصفح واخليه لي ولك للمساجلات الربع كلهم اتركوها ما اعرف السبب هههههههههههههههههههههههههههه
مبدع ياحمد ومتمكن الله لا يضرك وبيض الله وجهك ــــــــــــــــــــــــــــــــــــــــــــــــــ ـــــــــــــــــــــــــــــــــ ما ادري وش الفرق مابين التوحوح واهة الضيق=وكثر التنهت وجرات الونين وتك الاخلاق حتى تحملت من ذات الرزانه فوق ما اطيق=اللي عليِّ احكمت سجن مؤبد مع عمل شاق ونه قبل تسرق الرمد النعاس وعندما افيق= واقساهن اللي تجي وقت المسا ماهيب تنطاق اطيافها بالمنام وذكرها هو فكة الريق=ينوب عن ما يصير مقبلات او نوع ترياق مسامحه لو هي اتلفق لي الاعذار تلفيق=بكره وتفرج اراه اخير لي من طاري فراق |
اقتباس:
اقتباس:
الله الله ابو عبيد صح لسانك يالجزل هذي مفروض انها في تاج القصيد ماهي هنا ياليت تنقلها يابو عبيد هناك ولك جزيل الشكر |
/
الله الله الهواوي و الحربي صحت ألسنتكمـــا ودام إبداعكمـــا مجاراة رائعـــة إمتاع وخالقي / |
السلام عليكم ورحمة الله وبركاته
اولا. صحت الالسن جميع شعرائنا المبدعين يشرفنا حضوركم وتواجدكم الرائع ثانياً هذا الموضوع اسمه موضوع اكمل النص التالي يعني انا انزل 4 ابيات فقط واطلب من شاعر معين اكمالها بنفس التسلسل ونفس المعنى ويبتدي من حيث انتهيت انا وفي 4 ابيات فقط ليكون النص بعدد 8 ابيات ثالثا. هناك قسم كامل لمجاريات شعراء رواسي نجد وهذا القسم الغرض منه المجاريات بالقصايد الطويله واللتي فيها الشاعر موجها لشاعر اخر من رواسي انا بنزل لكم رابط القسم واتمنى اشوف المجاريات هناك هذا الرابط http://www.r111n.com/f146.html واعتذر على الاطاله والملاحظات فكل القصد هو اسعادكم وتوفير الراحه لكم رواسي نجد الادبيه منكم واليكم |
اقتباس:
تسلم يابو عبيد ووجهك ابيض ولاهنت الربع فيهم خير وبركه لكن العتب على النظر ماكل من يمر يلاحظ الموضوع اما عن الابيات تبارك الخلاق مبدع كعادتك ماشاء الله تبارك الرحمن تحيتي وتقديري |
اقتباس:
وابشر ياطويل العمر والمعذره منك ومن صاحبة الموضوع ولاهنت على التذكير |
هو حنا لقينا احد هنا والا هناك؟؟؟؟؟؟؟؟؟؟ههههههههههههههههههههههههههههههههههه
ابشر ياريس لاهنت ياحمد |
موضوعنا اكمل ما كتبنا سرى الليل=باربع بيوت اتصير في كل الاحوال اللي فتح بابه وجابه هماليل=واللي يتابع قاطع السير رجال ياشيخ ياكثر العنا والغرابيل=بيتٍ يزود يغرم الكاتب ريال امر وصدر ماعاد للامر تعديل=الله يعاونا على طولة البال |
صح لسان الجميع
شاعرنا المبدع الهواوي والشاعر القدير حمد الحربي اعذروني عن الانقطاع وشكراً لتفاعلكم الجميل |
اهلا ياهماليل فتحتي الباب واعطيتي المفاتيح عبد الله هههههههههههههههههههههههه
تنتاب فكري يا(.......)هواجيس=ماعاد اميز مرسها من جديدها وجوي عقب ماصار ماعاده انيس=افل ماضي ذكرياتي واعيدها حبل الوصل باقدام شين الجفا ديس=مريت باوضاعٍ ولاكنت اريدها من حين صدقتي علوم الاباليس=واللي بقالي من حظوظي قريدها اللي غدومثل الابر والدبابيس= الله يجمد دمها في وريدها |
يامعدة الموضوع لو دونه عملتي لي حجب=كان استمر ولا تعطل والندا لاقى مجيب قد قلت في صفحه مضت هذا هو اللازم يجب=علمي نتاج التجربه مفروض كلٍ يستجيب نعم هو امرٍ فيه للواعي تماثيل وعجب=وان قلتي المعني غريب اقول اجل وايضا عجيب |
لااحد يتمه بكره ارجع واتمه= ماقد بديته كان باقي بقيه البارحه من ضيقتي رحت يمه=وحصيلي المشوار روحه وجيه ثوب التواصل نافضٍ منه كمه=ونفسي تحمل نفس نفسي زريه |
^ ابشر ياطويل العمر هههههههههه
صح لسانك وبيض الله وجهك ودمت مبدع يابوعبيد |
ابو عبيد نبي التتمه الله لايهينك
|
صح السنتكم ياشعرائنا
مبدعين وجزلين لاهنتوا على الحضور والابداع تقديري لك |
حاضر يالخال لكن البطاريه خلصت والكهربه عندنا طافيه من المغرب لي عوده
|
اقتباس:
وكان الله بعونكم بانتظار ابداعك كل التحيه والتقدير |
اهلا ياحمد قد تركتها لعدم وجود احد وتميتها لطلبك يالغالي وصح بدنك
اهلا يالمهره والابداع تواجدك وصح بدنك لااحد يتمه بكره ارجع واتمه= ماقد بديته كان باقي بقيه ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــالبارحه من ضيقتي رحت يمه=وحصيلي المشوار روحه وجيه ثوب التواصل نافضٍ منه كمه=ونفسي تحمل نفس نفسي زريه هو ياحمد للقلب خاله وعمه=وهو غايته من كل ميته وحيه وهو ياحمد بين المزايين قمه=وهو جنة غناء ونارٍ وريه وهو ياحمد بلسم فوادي وسمه=بليةٍ ياويها من بليه جب يانسيم النود رياه اشمه=افزع بريحه لاتطول عليه هذا ياشاعر حرب بعض التتمه=لو ما تهيت معي ميه بميه قاف الغزل مالله اممسيك بالخير=منك انت قل لي ويش حصل خويك منك انت وخوانك غدينا هوامير=لو ارصدتنا اصفار لا رحم حيك ازبنك لارفرف بصدري لهم طير=وتخلف نويي يخلف الله نويك |
اقتباس:
ماشاء الله تبارك الرحمن ولا عليك زود يابو عبيد وسجلني من احد محبين قيفانك لا عدمناك ولا عدمنا هالابداع يابوعبيد |
قاف الغزل مالله اممسيك بالخير=منك انت قل لي ويش حصل خويك منك انت وخوانك غدينا هوامير=لو ارصدتنا اصفار لا رحم حيك ازبنك لارفرف بصدري لهم طير=وتخلف نويي يخلف الله نويك اخفيك عنهم حاسبٍ للمخاسير=وانته تفلاتك عليهم غذيك كنت احسبنَّا بالبلاوي مخاشير=واثرك بصف الزين مافيه زيك ماغير جدت بجهدنا والمشاوير=وعن واجد النكبات وفى شويك ماعاد فيها ياصحيبي معاذير =نورك طفى ياهيه من بعد ضيك خونت بالخوه بلا اياة تقدير=وش ترتجي بانن خفيات غيك |
لا هنتم والله يعطيكم العافية
|
صح لسان المبدعين
ناصر الهواوي حمد الحربي لا عدمنا الحضور الأجمل |
| الساعة الآن 01:44 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir