ياشوق وينك صار قلبي رهينك قلبي تعذّب والسبب طول غيبتْك ياشوق لولا الشوق ماقلت وينك جتني مشاعر شوق ياليتها جتْك لو تدري اني بالمحبّه سجينك والله ماتجزى غرامي بصدّتْك وماراح تدرك ويش بيني وبينك الا بنظره نفس توقيت نظرتْك ياصرت قدامي وعيني بعينك قريت في نظرات عيني محبّتْك محمد العواد |
ياغاية احلامي وكل امنياتي ياروح روحي ياهوى القلب والروح تدللي تفداك حتى حياتي اميرتي دايم له القلب مفتوح محمد |
يا بنت لا تـزيـديـن همّي عليّـــا
لو المحبّه دَيَن طالبتك بدَيَن أنتي سكنتي وسط قلبي هنيّــا وانا الحقيقه ماعرف مسكني وين محمد العواد |
بلله جنب لا تلوم الصقاقير وان كان قلبك رآيفن بي مروفه تشوف عيني بالعنا والمشاوير ملذّةٍ ماكل عينٍ تشوفه اربع وفيهن ماحسبت المخاسير والنفس ماهي عن حديهن عيوفه هذا (الخلا) و(الصيد) و(الجيب) و(الطير) ماعيفهن لو كان فيهن كلوفه محمد العواد |
أنا على الفطره مثل باقي الناس
انسان متواضع واحب البساطه ورزقي على مجري هوا كل نسناس بيني وبين الله صلاتي وساطه والعبد ماله غير تقواه مقياس تزيد مع رب العباد ارتباطه محمد العواد |
عيني تمـنّـى شوفة جبال حايل عنها رحلت ولاني اليوم حوله ولشوف اهل صديان مالي وسايل الله .... يا ماضي زمان الطفوله يا وقتنا مالك علينا جمايل خليت نفسي عن هواها...امعزوله عن الحسا متى نشدّ الرحايل لديار شمر عزوتي والحموله ومن دون قاصر في جميع القبايل لامجادنا تاريخ حكم و بطوله وانا عقالي وين ما رحت مايل اليوم من يوم السناعيس دوله محمد العواد |
الله الله صح لسانك..
ونعم بيك وبقيبلتك.. كُنت هنا واعجبني م كتبت.. دُمت بخير. |
هلا وغلا
حياك ربي يالشامخة "ونعم بالجميع" يسعدني وجودك وتواصل مرورك كوني بالقرب |
عزي لمن ناره المعاناه تصلاه مثلي يابو باتع ظروفه عنيده لولا القنص والطير مع حب مدعاه ما انحّي الموتر ديارٍ بعيده |
الغايب اللي طال وابطى غيابه يطري ببالي كل ماشفت لي جيب (( ألا رحمة الله على والدي ووالدتي )) |
إهداء متواضع وبسيط وسابق عهد مني للشاعر المفضل لدي الشاعر العذب والكبير مشفي الجرواني الشمري فهو لدي بمثابة الأب والعم ابو عارف أطال الله في عمره مع ردّه علي مِـنْ حَـطّ بتـويتـر لبو عارف حساب عسـى الـولـي يـاقـاه فتـرة غيــابه شَــّرفـت والجمهـور حَيّاك باعجـاب يـا شــاعــرن نـوّر تـويـتر حســابه شِعـرك مثل نـارن على راس مـرقاب فـي ليلـتن مســراه مســرى ذيــابه كـل المعايا شهـود مـع كـل الاجناب الاجنـبي واللّـي مـن ادنـى القـرابه غرّدت خمس ابيات لو ماله اسباب بس شاعرن يِـبْدِي بشاعر اعجابه #محمدالعواد -------- يا محـمد العــواد يـا اعــز الاصــحاب اللـي مثل شـرواك الفـن هـلابه مثــــلك مقــدّر بـين ربــعه والأجــناب نال احترام الناس باول شبابه معـــوّدك عــــواد فـــي فتــحة البـاب ورثــت مِــنْه المرجــله والحـبابه شاعر بوصف الطير وطوال الارقاب تروي ضما عطشان فن الكتابه شعـرك تجاوز مرحلـة حـــد الاعـجاب رفعـت عن سـهل المعـاني جنابه #مشفي_الجرواني |
اللي فتن عينك بنظرة عيونه وحرمْـك من لـذّة منام المخدّة لجلك اذا ما باع ناسٍ يبونه؟ جزاء وفاك لخاين الحب صدّه من لا يصونك لا تفكر تصونه بعض البشر ما يستحقّ المودّه ومن عاش دونك منت ميّت بدونه يروح روحة جدّ جدّك و جدّه ما تقبل النفس العزيزه مهونه ومحدٍ على جال المذلّه يحدّه محمد العواد |
مـن باب حفظ الغلا لاتغيب وطنِّـش حبيبي كلام الناس اللّـي يقــول المحبــه عيـــب تلقاه دلـخ وعـديم احساس محمد العواد ههههههههه |
جيت الديار اللي لها القلب يشتاق أحبها من حب شخصٍ سكنها حبّه بجوفي ساكنٍ وسط الاعماق نفسي وانا ماشفت زوله فتنها مسااااافر |
صح لسانك ..
توصل بالسلامة. |
صح بدنك عسى ربي يخليك وصلت يالشامخه |
الحمدلله ع سلامتك أجل.
|
الله يسلمك ويسعد حياتك نورّت ياللي دوم تلقى بحضورك ترحيب مع صدق احترام ومودّه محمد العواد |
ودّي ولكن حال من دون ودّي حظٍ معك عيّا يجيني على الكيف طبعك به لطبعي عناد وتحدّي وبرد الشتا قلّي متى وافق الصيف؟!! محمد العواد |
ارتاح لك يانور عيني واحبّك وانا مدامك حولي اليوم مسرور يشهد على ماقلت ربي وربّك في كل ديرة وين ما رحت لك نور محمد العواد |
يا هيه يا اللي سقتني بالهوى سوق ترفّق بحال الهواوي و حيله ارفق عليّ و عامل القـلب برفوق حالي عقب ما انهــدّ حيلي هزيله غصب ٍ على المخلوق يا حب مخلوق يشتاق له يا ام العيون الكحيله ونفسي على شوفتْك من دافع الشوق تجيك مثل خيول نجد الاصيله تجيك ياللي طلّتك كلهـا ذوق غطّت على نور و لميس و جميله محمد العواد |
يازين قلّي وش تبي بالمخاليق وش لك بناسٍ رمش عينك قردْها ذوقتني من مر فرقاك تذويق هدّيت حيل النفس وافخت جلدْها تقفي وحبك ساطيٍ بالمعاليق سطوة (شياهين البحر) في هددْها محمد العواد |
يابنت انا كلمتْك (ضاعت سنينك) عايشتها بين انهيار و ثباتي ان كان شفتي عين مضنون عينك ما شفتها من راح عنّي فواتي طال الغياب وخفت بيني وبينك يموت من شحّ السحاب النباتي محمد العواد |
الـديـره اللـي جـيـتـها قبـل يـومـين .. مع اللاسف ((( يافلان ))) فارقتها اليوم !! دارٍ لـنـا فيـهـا قبـل عـشـرة سنــين .. ماضي و صار بوقتنا شبه معدوم !! محمد العواد |
بالسلامه محمد
كنت هنا بين حروفك . |
مساءالخيرات...
صح لسانك ابيات جميله راق لي م كتبت.. توصل بالسلامه يارب.. وطمنى عنك اذا وصلت:). |
اقتباس:
الله يسلمك يالملكه حياك ربي |
اقتباس:
مساء النووور هلا وغلا بالشامخه ياهلا بالعالميه صح بدنك ياذوق والله يسلمك وابشرك اني وصلت |
هلافيك والله ...
صج الحمدلله ع سلامتكم.. يبشرك ربي الجنه. |
الله يسلمك عسى ربي يخليك ويرحم والديك ويرضى عليك تحياتي لطيب أصلك وروحك العَطِره حفظك الله |
لاتستغلّ احساس من عنده احساس ترا العبث باحساس غيرك جريمه ونفسك مع اللي باع لعيونك الناس لاتصير من مبدا المروّه عقيمه نديم القوافي |
انا كذا بالحب فاهم وحسّاس وعندي اساليبي لكشف الخيانه واليوم يوم اشركت مع حبي الناس عفت الغرام وعفت ماضي زمانه نديم القوافي |
ترا الوناسة والطرب والسعاده!! فرقا الديار وزحمة الناس بالسوق مع صحبة اهل العرف واهل الركاده ماهي خفافٍ تقلع بشور مطفوق في خايعن قفرن يذعذع براده يازين مع شمس الضحى مرتع النوق نديم القوافي |
من لا يصونك لا تفكّر تصونه بعض البشر مايستحقّ المودّه ومن عاش دونك منت ميّت بدونه يروح روحة جدّ جدّك وجدّه ما تقبل النفس العزيزه مهونه ومحدٍ على جال المذلّه يحدّه نديم القوافي |
اعظم وجع بالحب لاصرت تشتاق للي تحب و منت قادر تشوفه |
اشوف لي ناسٍ بها نوع وسواس يشره على مدحه بليّا جمايل ولاشك حب المدح ومنافخ الراس يعطي على نقص الرجوله دلايل نديم القوافي |
الله الله ي محمد العواد مدونه رائعه وابيات روعه ~ صح لسانك واعتلا شانك ~
ودي وتقديري لك ~ |
اقتباس:
ياهلا والله بغزلان هذا من ذوقك ياذوق ودي وامتناني وتقديري لك |
مساءالخيرات..صح لسانك شاعرنا المميز محمد...
مدونتك جميله اسمتعت بوجودي.. بين متصفحك..اتمنى لك السعاده.. دومت متميز. |
اقتباس:
مساء النور والسرور والورد المنثووور ياهلا وغلا بالشامخه حياك ربي من القلب ذوقي على ذوقك ياذوق يسعدني وجودك كوني بالقرب ودي لكِ وامتناني مع جزيل الاحترام والتقدير |
الساعة الآن 02:21 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir