|
قلطت في قلبي تربع وانثبر = محد بواصل في غرامك غيرتي مدام دمي صار لأبياتك حبر = محد مشفر لك ربع تشفيرتي |
بز دمي من عروقي بز بز = بز مطعون الهوى من خنجرك ياوليف حز شوقي حز حز = حز شوق اللي بعينه ينظرك |
حلاة وصلك زودت حلو ذكراك = وطيفك يكفي لو بعد ماأشوفك كم ليلة زان الهوى وقت ماالقاك = وكم ليلة سكرتها من وصوفك |
شوقي على شوفتك ماكنه ألا = شوق الضرير مشاهد الكون كله وقدرك معي في مرحلة ليس إلا = واحد يموت إذا إنحرم شوف خله |
أبلغ القول
عالم دنيه من يخاويها دني = فيها الرجال أزوال والرفقه زوال تتعب ولا تلقابها حر هني = وإليا لقيته ينقلب في كل حال |
من بنى له صرح عالي من غرام = مايبيع الحب لو منه إنعدم ومن بنى له قدر عالي بأحترام = مايكب الطيب لو فيه إنصدم ومن عشق بالكذب والمقصد مرام = لو كبر عشقه بتاليه إنهدم ومن يغش العاشق بواحد جرام = ماله إلا تالي العشره ندم قلتها في بيت واحد والسلام = يالنقاش اللي على الصدر إحتدم مايطيب الطيب في ضنوة حرام = ولايطيب العشق في معدوم دم |
كل صدمه في مضامين الرفاقه = كنها كيه من يدين الرفيق وكل هرجه تنكتب لهو وطفاقه = كنها خطوه وتبعد لك صديق وكل عز يستوي من غير فاقه = مايسر ولو يطول به الطريق |
ماقلتلك ترا الرفاقه كايده = وإن الرفاقه عزها حفض الرفيق وماقلتلك من دون عزه وش تحصل فايده = غير التعب ونهايه وشبت حريق هذا أنا لك قلتها والزايده = إن الدروب أحيان ملقاها طريق |
يالعنود اللي غيابك رغم أنف = رغم أنف العشق والله مانسيت كيف انا أنسى والجفا والعشق صلف = والحنين مبيدي مهما إتقيت |
حنا كذا عشنا وحنا كذا نشيب = حرار قوم ولانعرف الخدايع مانمنع الطيب عن مواصل الطيب = عاداتنا الرفقه وحلو الطبايع ولا نلحق الخيب ولو ضنه يخيب = هذي مبادينا بليا ضوايع نعطي ولو حدر عطانا مع شعيب = ولا قد حسبنا حسبة للطمايع نفقد بشر والواقع أصل وتجاريب = والوقت ينبي عن خفي الصنايع نمشي ولا أحد (ن) له علينا مطاليب = ومن فضل ربي حافضين الودايع حنا كذا عشنا زمان التعاجيب = حرار قوم ماعرفنا الهزايع |
يتسع بؤبؤ عيون الأدمي = لاصدف غرو يبيه ويشتهيه ويعمى ولو هو وزانه حاتمي = مايشوفه لو يلد العين فيه |
ضعف المخيخ يسبب أزمه للنخاع المستطيل = يشوش التفكير ويسبب روايح فايحه ينتج غباوه وإتباع لمعتقد أصله هزيل = ويسن سنه للغرور بعز بنفس طايحه وأقل شي أأكده دايم يثرثر بالحصيل = كنه جمع له زبدة قبل أمس كانت سايحه يعني كذا في مذهبه لو قلت أقل من القليل = انه مساؤ عز فالدنيا ركابه رايحه |
أطرق هواجيسي لحالي لحالي = مالي ومال الرفقه اللي بلا طيب ولو اتجرع مرها قلت حالي = حتى لو أني حادر لي مع شعيب بعض الرفاقه يشتريها ريالي = وبعض الرفاقه فلسفة وقت ويغيب اكتب لهم واللي طرالي طرالي = الله يلعن مبدعين الألاعيب |
هنا وبعيدآ كل البعد عن الشعر عن الخاطره وعن جميع العناوين أنطوي على نفسي لعل الإنطواء يكون الدواء من عشق الداء فأنا المفتقد وانا المحب وانا الهاوي المهتم الهايم كم أشتاق إلى ملهمتي وكم أشتاق إلى عشقي ولكن أنا هو أنا أحب القرب أحب اللهفة والحب عندما أرافق أسأل لا أهمل عندما تنتهي بي مرحلة عشق جنونيه أحاول الجهد وأشحذ الهمه وأبتعد عن مالايريدني سوا بسؤالي سوا بأهتمامي وخوفي نعم أنا هو انا يازمن ضاع فيك الإنصاف وتبدل العشق إلى أنصاف بل فتافيت أحيان تحيا وأحيان تميت في قلب لعشقه يستميت كنت هنا ببداية الذكرى وسأبتعد بالذكرى عن ماينكر وجودي ويحاول جحودي |
الحبيب إن طال هجره ينسى = ينسى عشقه ولهفة عاشقه لو يرددها أحبك في صباح وفي مسى = عاشق يعشق عشيق يرافقه هنا إعتراف صغير رأيت ورأيت وسمعت في أهوال العاشقين كلمات وتمتمات ولغات وشعر جنون وخواطر ولهفة وشوق ولكن لم أرى من يدفن العشق في أضلعه حتى لايراه أحد غيره رأيت من يريد أن يلهو بروح ويتودد لروح ويستنزف روح أخرى فله ولي وللجميع حب بلا كرامة ولاقيمه يساويك بالبهيمه |
الغلا عشق وتواصل وأمنيه = وإحتفاض وحفض محبوب وحبيب مع خلاصة روح دايم مفنيه = مفنيه للبعد في وصل القريب يعني الزبده ولاده مضنيه = لا أنولد للجرح مرهم مع طبيب |
أسدلي ليل المحبه ولعي = ولعي شمعة حنينك للحبيب وإن غرقتي فالمحبه طلعي = طلعي شي نسي وصفه طبيب والله إني في حراك مولعي = ولعه نضرة غريب مع غريب |
طق أصبعك طق أصبعي يالله مشينا نتقهوى
يامولعي بالدس في قلبي إندس = وأرمس بهمسات الغلا لاتجافي حس وتحسس عاشق مابعد حس = إلا بعشقك باح سد وخوافي فصلة مخ
يامتلفآ روحآ لشوقك قد عنت = مالذنب إلا في الغرام مجازُ في وصل روح لروحك قد دنت = موتآ فأن الموت فيك مفازُ بلسمة روح
هذي يدي بسم المحبه وتمتد = تمتد لك وتشيل في كفها روح لا لا يجي سهم الغلا منك مرتد = وأعيش بك يامتلف الروح مجروح |
بين الثقة واللاثقه شيئ بسيط فحينما يكون المرء كبيرآ بأخلاقه وقناعاته فهو الثقه بعينها وحينما يختلف فأن الصدمة ستكون أعضم فلازلت الواثق ولازلت المتأمل بالخير
ماكذبت إن قلت لك مصدر ثقه = وأفتخر بك في حضورك والغياب بس بين الحب والصد ورقه = مثل لحضه تفرق الفرح وعذاب إن قطعتيها بخيانه وطفقه = مابقى في داخلي لجلك عتاب أنت الثقه وانت الذكرى الجميله فلاتزعزعها |
لم يتبقى سوى القليل فقد مللت فذات يوم سأعلن , , , , , , , , , , , , , , الرحيل |
هل تعلم متى تمتلك الكرامه وقيمة النفس ,, ,, ,, ,, ,, ,, ,, ,, ,, ,, حينما تستطيع الإنتصار على رغباتك وما يهين ذاتك |
إذا لم أحتفض بالعشق دهرآ = فما جدوى غرامي مع حنيني لأن العمر للمعشوق مهرآ = لقلب واحد يعني ضنيني أعترف إني أكاااااااد أطق |
يقولون دعها تضيق فستعرف مع الضيق من هو الرفيق
ضيق الزمن مايكشف إلا صديقك =يكشف لك الوافي ويكشف لعوبه
|
يقولون الرفيق أو الصديق دائمآ مايكون قلبآ وقالبآ معك ولكن إلى اليوم أجده قلبآ لا قالبآ |
يكفي تغيب تروح لاتوجع الروح = أرجع ترا روحي لقت فيك راحه راحة غلا راحة هوا راحة وضوح = راحة فؤاد منك يشكي جراحه |
والله إن إتيان حبك مشكله = دامك إشكال تضيع إبه الحلول دام عشقك في حياتي معضله = ثق ثقه لو زنت تعني لي ذبول |
إن مالقيت اللي يخاويني بوفاه = ولا تركتك يالردى لأهل الردى وإن مالقيت اللي يجملني بغلاه = ولا تركت العشق لو طال المدى |
إن كان في عشقي تتالت ذنوبك = وأزريت لا توفي غرامي مقامه بستغفر الله عن غرامك وأتوبك = وأرحل ولا تنشد غرامي علامه |
ماأعتزت من طيبي ولاني بمعتاز = غير الكريم اللي يقدر خويه ولا أنحزت لكني عن العالم أنحاز = في عشق ماوالله يوجد حليه |
يتضور لك حنيني والهيام = جوع عشق شبعته حالي غلاك ياكبير القدر ياعالي المقام = في غرامك سعد منهو إلتقاك |
إعيــــ وإجهاد ـاء حينما ترتقي بشيئ فيأتي من يهدمه إلى متى
متى يروى الحنين ويرتوي من ريقها راعيه = متى شمل المحب يتم مع خله ويهنابه
مخــ الذكــرى ــاوي |
فضفضه
آآآآآه من صدر يأَوههـ الحنين = وآآآآآه من عمر بغيبتك أحتضر وآآآه من ضلع حسبة إنه متين = أنعوج من دك قلبي والقهر كل ماتطري عسى ربي يعين = أنتحيت وذقت لي موت حمر كيف لو شوفك تهيا يالضنين = كان كلي عقب صدتك أندمر تقسيمة غلا
الصد كافر والجفا أحيان بوذي = والبعد فنكوشي عن اللي يحبك قد صاح لك في داخلي قلب موذي = عشقه يصيح وحاجته دوم طبك مخـاوي الذكرى |
معذرةً ,, يا ,, أنت ,, لم أهتم يومآ بما تقول ,, ولن أهتم ,, فأنت من قوم قالو ولم يفعلو |
[IMG]http://www.l44l.com/upfiles9/O6r39454.jpg[/IMG] |
أرتفع عن هرج بلاس وكذوب = وأحتشم بالطيب والعزه سوى ماأواطن ضحكة السن اللعوب = وإن لقيته هجرتي عنه الدوى ولا أخون العهد لو كله عيوب = ولا أرتوي من عد غيري به روى قلتها والقصد ماهو بمحجوب = من سمع غاوي تركته في غوى |
أفلقيني لو علمتي ما الحنين = ولو عرفتي يوم معنى للسهر وعلميني لو بكيتي من أنين = لو فقدتي عشق وأبكاك القهر لن معنى الحب إحساس دفين = مايجيبه حرف واهي أو مهر الغلا الصادق شبيه الأكسجين = وإحتياجه فالعمر يوم ودهر مخاوي الذكرى |
ثلث ليلي معك في ضم ونعيم = وثلث بعد فراقك أشواق وأرق مخــاوي الذكـرى ياحبيب في وصالـه أستهيم = شف حروف الشوق يشكيها الورق دام لك عشق فخفاقي مقيم = لا تلم قلبآ من الشوق أحترق |
ههههههه لاشيئ سوى أني لم أعتقد قول أنا وأنا وأتعدد بمحاسن الصفات
العمر أحسه وقف في لحضة فراقك = والهم فيني ملكني وانهك طموحي أقفيتي عني وراحت روح مشتاقك = ولحد من الناس عقبك حس في روحي وأعانق الوجد فاقد لحضة عناقك = وأسلي النفس وأعيي غالي جروحي مخاوي الذكرى |
شيعت ميت دمعته دم تبكيك = قلب توفى والسبب من غرامه أحيه من جرح ذبح عمر مغليك = يعز جرحك وإلتهى عن حطامه يكفيك مات وكل وقته بطاريك = واراه جرحك عن تتمت مرامه للحديث بقيه مخاوي الذكرى |
الصبر جميل , , ولكنه , , سيصل منتهاه ذات يوم |
| الساعة الآن 08:59 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir