البارحه يالنوم وينك وويني=من العين وش طيرك ياجعلك القوم
مريتني قامت تخمخمك عيني=واركض على ساقتك واطيح واقوم
واثر سبب هجتك فرقا خديني=مضى على غيبة محياه كم يوم
ابو قوامٍ مثل عود الرديني=وكتف وردف والوسط ضامر ومفصوم
ريان عوده به طراوه وليني=وعين اشقرٍ شاف اشقرٍ يدرج الحوم
وخدٍ ورا الشيله شعاعه يبيني=ومثل البرد يفطر بهن من نوى الصوم
على افراقه بس اصفق بديني=يومٍ رحل فيه اريش العين مشئوم
دع ذا وراع الجيب خله يجيني=وفك الكلبشه من رجل شايب القوم
من امس مزعجنا بكثر الونيني=ويصيح دايم والسبب غير معلوم
وقبل الظهر عطنا على الجيب (زيني)=مرحوم يايومٍ لفا فيه مرحوم
حطه بزنزانه يشيله هجيني=بدع الصفا والا قديم من الألبوم