شبكة رواسي نجد الأدبية - هنا .. سجن القوافي !!

شبكة رواسي نجد الأدبية (https://www.r111n.com/index.php)

- سجن رواسي نجد لشعراء الابداع والجزاله (https://www.r111n.com/forumdisplay.php?f=154)

- - هنا .. سجن القوافي !! (https://www.r111n.com/showthread.php?t=29193)

الفكر يالعاصمي عمسا=مذهول ينحاس لانشته
اذكر ويطري علي وانسا=كثرة طواريه مدوشته

صح الله ألسنتكم جميع ,
ألسجين عساكم لقيتوه
تسليه , يقول العاصمي هزاع

لاصرت في صحتك والحال مستور ,, يغنيـك عـن بعـض الرفـاقـه رفـاقـه
منتـب علـى طـرد المقفيـن مجبـور ,, امــا الـوصـل ولا بــلاش الـعـلاقـه
وحذراك مـن خـوة سفيـهٍ ومغـرور ,, يصيـر لـك فـي كـل الاحـوال عاقـه
عانيت في الدنيا وشفت الرحى ادور ,, ولقيتـهـا تـطـحـن ابـحــد الحـمـاقـه
إللـي كتبـت ابـهـا قـوافـي ومنـثـور ,, وعينـتـهـا تـغــدر ومـــرات بـاقــه
باقـات وردٍ وكثـر الـوقـت بـحـدور ,, وترخي عليك المخطيـه فـي رواقـه

اقتباس:

المشاركة الأصلية كتبت بواسطة هزاع العاصمي (المشاركة 559531)

طلعه على الجناح يابو عبيد الدعوه امزوح اوناسه هههههه

الشايب ظنتي امسا = لدت عجوزه وهاوشته
عنوانه السجن والمرسا=والقوم تضحك وونسته
الحكي مابينهم همسا = وليله هذي مخاصمته

جاء كلام الجد مزح مافيه هههههه

يا صاحبي مرضا عليك استحاله=لجلك دور راحتي وافهمك زين
سكنت قلبي وعنك ماهوب داله=يافرحة الدنيا على الوصل باقين
بعدك يسبب لي من الهم حاله=وانا على مثلك بصدري براكين
حكمت قلبي من يمين الشماله=لأمن زهمته قاللي ياولد وين
خلك مع خلٍ رسمك بخياله = وإن غبت سالت دمعته فوق خدين
هذاك شفك يوم قلبك عناله=اصيلةٍ تطفي لضا لوعة سنين
قلت العفو ياصاحبي بالعداله=حنا على مايشتهي كامل الزين
الرفق والمعروف منك جماله= ياوردةٍ فاحت بوسط البساتين

بالتوفيق
عساها تشفع عن البيتين الاوله ههههه

صح لسانك ~

اقتباس:

المشاركة الأصلية كتبت بواسطة ناصر الهواوي (المشاركة 559216)

ياطيب العازمي كل ما قلنا اختفا بان=كما الروقي ليا جاء يهدد في مغيبه
وانا اعجب من تشابه طبايعهم هالاثنان=واثرهم كلهم ينتمون لحزب خيبه
لو الاثنين ضاقو فانا مانيب زعلان=لكن ليش الزعل للرعد علوا نصيبه
من اعتا روق/شعار بالميدان شجعان=ورعدكم من دخلتوه يمنى بالغليبه
وانا والشاعره لانزلنا يوم ميدان=نعز العاصفه والمعادي له مصيبه

ههههه صح لسانك يامجرم هاك

نعَرْفك يالهواوي تغني جزل الألحان=ونوب ترج دلتك وتعوّد سريبه
ولاتقدر تواجه رعدنا ياكحيلان=وكل اللي معك تمرةٍ في وسط عَيبه
ياحزب العاصفه لاش نار ولاش دخان=ولاهميتنا وأنت جيب اللي تجيبه
حزيب العاصفه كلهم عجزٍ وشيبان=مغير صياح ونياح والختمه قريبه
لكن حزب الرعد فوقكم والمزن هتان=ويوم الحرب نقدر نشكل لك كتيبه

الله يسعد صباحكم وصحت ألسنتكم مشاركات رائعة

والسجين منهو؟

اقتباس:

المشاركة الأصلية كتبت بواسطة ناصر الهواوي (المشاركة 559390)

صباح الخير ياهالربع والربايع صباح الخير
الجوهره ماعليش العتب على النظر وانتي غاليه لكن الكبر شين هههههههههههههههههههههه
راع البل صح بدنك مافهمت الابيات موجهه لك وشلون بخلتبها عليك
ابو محمد هلا بك وحاضر ياريس وصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــــــــ

ياخفير السجن قبل الظهر هات الروقي=واسجنه/ طاح الحيا والعود راع نياقي
تهمته مبدع وشاعر صح/راقي ذوقي=ابدوي لكن اسلوبه بالتعامل راقي
خاطره من ما اتضح في منطقه مطروقي=طرقة شراعٍ طواه من الزعل سواقي
فيه من خالٍ على خد الخونده شوقي=وتدهر من سلهمات رموشها الاشواقي
راعدي من الرعيل اللي يصنف فوقي=انتسب للحزب الاثول في قرار الحاقي
ما يبي لي ريس القمه هنا ملفوقي=قال بك ضاق السجن يالعاصفي وش باقي
جايز انه ما اعجبه شعري ولا منطوقي=هكذا فهمت مطلوب الرفيق او هاقي

ايه هالحين عرفت السجين وأثره من حزبنا بعد ههههه

ابشر بالتسالي يالأمير

وصح لسانك يالهوواي

اقتباس:

المشاركة الأصلية كتبت بواسطة صالح العازمي (المشاركة 559564)

ههههه صح لسانك يامجرم هاك

هههه صح لسانك يابو جوري ماشاء الله انتبه للحزب أنا أرجع لكم إن شاء الله في 4/4
مريت أسلم عليكم وصحت ألسنتكم جميعا عز الله حضور جميل والله يجمعكم على العز والطاعة
وتحية خاصة للسجين الراعدي محمد الروقي وأتحفنا بإبداعاتك كما كنت قبل أيام يارائع هههه