تخيل لك مزنن به رعود وبروق=والعودالاخضر مقتفيه الصرامي
دنياك ماخلت من الناس مخلوق=كم واحدن قالو يامال الرحامي
ان كان قلبك من هوى البيض محروق=عليك يالدنيا كثير السلامي
حنّا نعرف ان الطلب داخل السوق=على الذي من فوق جنزه حزامي
البنت تبغّا واحدن مزّه وذوق=وانته وصل عمرك لسبعين عامي
وش شرهك يالعود في لابس الطوق=منت بهوى اللي يلبسن اللثامي
طعني وخلك يالهواوي ورا النوق=من طخفه لمنيه لفيضة جهامي

ايو الله اتابعك بخلاص وموده=ولن رحت وان جيت مشتاق لك بزياده
ياخذني الشوق يمك نعنبو جده=ومشاعري كلها يمتك منقاده
يابو جبينٍ يشادي للقمر خده=نكبتني مثل هكتر لاهل طرواده
لاكن هالايام وش عندك على الصده=مستغربٍ صدتك ماهي على العاده

يالحظة الصمت بعض الناس ماوده=انه يطول على صمته ويعتاده
وانا شعتني بيوت السجن من مده=وهجوسي اليوم للأبداع وراده
من شان حبك البيوت اللي على اده=حضرت له بالجزال اللي على اده
يامحمد الحب مايخلو من الشده=لابد حلوه يعود ياولد ساده
وان كان قلبك همومه دايم تحده=لاتتعبه بالفراق الشين وجهاده
اليا زعل صاحبك ياصاحبي رده=واليا سهى عنك ب اسمه صوت وناده