يامرحبا بالبيت واللي بدا البيت=ترحيبً اكثر من هروج الانامي

ناصر بدا يشكي عليّه يبالفيت=مستغربً شكوى رفيع المقامي ؟

وانا مع الشكوى مشيت وتعنيت=وابيك تنصت لي وتسمع كلامي

مادام محبوبك بدا يطفي الليت ؟=ليت الطريق اللي بدا به ظلامي

ومادام في حقه يابو عبيد م اخطيت=خله وحبه .. مايبا .. الاهتمامي

كبّه ولا تلْحق على روحته ليت ؟=طرد المقفّي عيب والنقد حامي

العز عز النفس لوّك تشقويت=بتحصّل المنتوج بالروح نامي

بعطي نصيحه لا نهضت وتوضيت=تحلف بصدق الحلف ماهو كلامي

باللي خلق ملة محمد هل البيت=ماينتبع من راح لو هو غرامي

المشاركة الأصلية كتبت بواسطة ناصر الهواوي (المشاركة 368701) السلام عليكم ورحمة الله ومساكم سعيد والله اني مادريت اني مبطي عنكم لين شفت الاوراق اللي دونت من بعدي اسف واعتذر الصارم/العذب/ سامي/ حبيس/ المهره/ النجلا / غزلان / ومن هنا ممن لم اذكره رائعين ومبدعين وممتعين لاهانت روسكم وبيض الله وجهيكم من المسجون علموني لاني ابا اراجع ما سبق ولي عوده بعد ساعه ان شاء الله ــــــــــــــــــــــــــــــــــــــــــــــــــ ــــــــــــــــــــــــــ

المشاركة الأصلية كتبت بواسطة ناصر الهواوي (المشاركة 368708) اشكرك ياغزلان على هالمشاعر الاخويه الطيبه لاهنتي ودمتي وسلمتي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ نعم تعبت من انتظارك ومليت=ولو مل من هو ينتظر مايلامي أي والله انت ابطيت وابطيت وابطيت=وعليك ابا اعلم فتى الجود سامي عن صبري ازرا الصبر يصبر وانا ازيت=حتى عيوني منك عافت منامي امحق غلا بالله قل ويش خليت=ان كان ذا حبك عليك السلامي وقفت في ذاك النبا يوم مريت=وذكرت مجلسنا وبردت عظامي وهزتني الذكرى وطحت وتراكيت=على خشم جيبي ولا ادري علامي وصغرت في نفسي وذبت وتلاشيت=اثر الجفا مجرم وقلبك حرامي

المشاركة الأصلية كتبت بواسطة ناصر الهواوي (المشاركة 368709) غايبٍ يومين ما ادري وش علوم الصارم=وعقب منضوح القوافي ودنا بعلومه االغلا يابو هلا نوٍ مسيله عارم=لاوطا له تل قلب اقفى معه برجومه ونوم عينن تستخيله مستحيل وحارم=وشاهيته من الطعام ولذته محرومه جفنه من السهر محمَّر ومريض ووارم=يصبح يفرَّك عيونه كنها ملطومه

المشاركة الأصلية كتبت بواسطة غزلان (المشاركة 368719) الله الله عليك وصح الله لسانك ~ والصارم مادري وينه اليوم ماشفناه ~ تباطيت عن روآسي وأقفيت يالصآرم ~ من يدل عنوان بيته ويخبرنا بعلومه .. السجن ماهوب بيتك ولا انت فيه هآرم ~ بيح لنا الخوآفي وشاركنا بهمومه .. بقلمي ~ ودي وتقديري ~

المشاركة الأصلية كتبت بواسطة ناصر الهواوي (المشاركة 368709) غايبٍ يومين ما ادري وش علوم الصارم=وعقب منضوح القوافي ودنا بعلومه االغلا يابو هلا نوٍ مسيله عارم=لاوطا له تل قلب اقفى معه برجومه ونوم عينن تستخيله مستحيل وحارم=وشاهيته من الطعام ولذته محرومه جفنه من السهر محمَّر ومريض ووارم=يصبح يفرَّك عيونه كنها ملطومه

مرحبا عداد من جانا لحجه حارم=يوم عزم واخلص النيه رما بهدومه
مادخلنا شك ياسيف بيدنا صارم=سيف يعرفه المعادي ضربته محسومه
الوفا من طبعكم مثل اللهيب الضارم=يوم ولع في هشيم العود جمر ثومه
مانت من طيب السنافي يالسنافي حارم=يذبح الكبش السمين اليا لفا بقدومه