بصراحه انك ياغمام مكسب لحزيب الرعد وصح بدنك ولسانك
ــــــــــــــــــــــــــــــــــــــــــــــــــ ـــــــــــــــــــــــــــــ
احيتكم غمام ومجدب الروض يحييه الغمام=وانا اظنها مع حزبكم يوم جات مغمغمه
على الحزب لو ما احيت مواته يقولون السلام=املت فيه امل فيما تبعثر وسوت لملمه

ههههههه
هلا بك الهواوي وصح لسآنك شاعرنااا
وصح كلامك من ناحية ابداع غمام وجزالتها
بصراحه مفآجأة الموسم غمام ما شاء الله عليها
الله لا يظرهاا وما غلطنا لما ظميناها لحزبناااا
صح لسآنهاا مليوون ولا يكفوون ويعطيها العآآفيه

صدقتي غمآم
صح لسآنك
هذا الرعد فوق فوق
فوق العلالي والبروق

ههههههههههههههه صح لسانك يالهواوي
والله انك صادق حظهم يكسر الصخر بغمام ماشاء الله عليها الله يحفظها ولاهو حزب فاشل الرعد ههههههههههه

هههههههه مهووره
باسم الله عليها منكم اذكرو الله لا تحسدونهاا
حصني نفسك غمآم بالأذكار الله يحفظك

الله يسعد لي مساكم جميعا وصراحة من دخل سجن الرواسي ما يمله وصحت السنتكم وتساليكم


كيبورديه تسليه ...........

ترى ما يوازي جونا فالسعودية
سوى جو موقع راسية نجد الإبداعي

الابيات مطنوخه ولو هي كيبورديه
وبرق المعاني فالسما دوم لماعي

وشيله حماسيه ونوبٍ غراميه
توسع خفوقٍ من عنا الوقت ملتاعي

ولا جيت للأحزاب ميه على ميه
وانا اماري بحزبي وله دوم مطواعي

نبي غارةٍ من شرق وأخرى جنوبيه
صداها يجي له صوت من بين الاضلاعي

ليا جر صوته ناصر عبيد عصريه
يجي مع لحون جملة اخوان من طاعي

مساء نسايم الشتاء والأجواء الجميلة (:
شلونكم جميعاً وصحت السنتكم
السجين الحين مين هههههههههههههع



رحيل وينها قولوا لها تغير الصوره الافتراضيه
لريم الفلا من يومها وريم مكسله
^ مقتبسة
ابشر يالهواوي ههههههههههههههههههههه

نسمة هبوب الشتاء من لطفها غير.
نسناسها منعش وللنفس راحه (؛

،،

يالله بغيثٍ يفلج الصدر ويزود
من جود مدك ياعظيم العطايا

دهمٍ مراديفٍ مقاديمهـا سود
وردونها من زود فضلك ملايا

تبرق وترعد بااذنك سهود ومهود
تسوقها رحمه و خير و هدايا


تسلية خفيفه (: