تسليه للسجين
والجمييع

رحم الله شآعرهااا
مسآعد الرشيدي

ليلك نثر عطره على شاطي النيـل
وانا ضواني ليـل نجـد وسريتـه

يامطوّل الغيبات ياماطـول الليـل
توّي دريـت انّـه سـواد وجفيتـه

أثر النجوم اكثر من الجدي وسهيـل
نجـمٍ كتـب همّي .. ونجـمٍ محيتـه

ياصاحبي عطشان..عطشان لك حيل
مظمـي وهمّـال السهـر ماقويتـه

رد السـلام لمترفـات المنـاديـل
كحل العيون ودمعك اللـي نسيتـه

الدرب ميـت والخطـاوي مقاتيـل
وان لاح طيفك مت فيـه وحييتـه

الله على الضحكه نهار المواصيـل
هاك النهار اللـي بعمـري فديتـه

قبل اتقهوى مـن كسـالا مظاليـل
قبل السلام وقبـل جانـي وجيتـه

ضم الحشا واكسر جمود التفاصيـل
ماعندي اغلى من خفـوقٍ كويتـه

لمصافحك كف وقصيد وهلاهيـل
امـا زبنـك القلـب والاّ خذيـتـه

لويغري القمـرا ذبـول القناديـل
بعـت النهـار لجيتـك واشتريتـه

يوم انتثر عطرك على شاطي النيل
انا ضوانـي ليـل نجـد وسريــــــته

صح لسآنك شآعرنااا
والله يزين حالك وأياامك
ودام حضورك وابدااعك

صباحكم مطر و اجواء جميلة

هلا والله وغلا بجوجو تو مانور المنتدى
الحمد لله على السلامة وآخر الغيبات يارب.


ابو عبيد صح لساانك
خيال صح ذوقك

وهذي القهوة للسجين وزواره (:
https://b.top4top.net/p_977oex3j0.jpeg

ابو عبيد انا حزب لحالي (؛ هههههههههههههههههههههههههههه



عليه السلام ان هبّ من صوبب داره نود
سلامٍ من الحرمانن ، والوجد ، واللوعه


،،

هوى العصر ماعوّد على الدالهين بخير
عطاهم من النسناس ما يخلف اليمّه


،،


اتركوني في متاهات الخيال الجرهديه
لين اسوي صلح بين الممكنه والمستحيله

(:

الله يسعدكم ويسعد صباحكم
تعرض والدي الغالي لجلطه والحمدلله تجاوزها بفضل الله ومازال يرقد بالمشفى دعواتكم له .

اسأل الله ان لايريكم مكروه بأنفسكم ولا بعزيز عليكم

هلا ياريم ولعلها نهاية الشر ان شاء الله
نسأل الله له الشفاء العاجل وان يعيد له العافيه التامه
وان يرزقه اليقين لان ثلاثة ارباع العافيه هي العافيه النفسيه
فمتى طابت نفسية الانسان هان عليه الكثير
دائما ضعي يدك على راسه
وسمي الله ثلاث
ثم قولي سبع مرات
اعيذك بقدرة الله وعزته من شر ما تجد وتحاذر
فقد وجدت بها فائده عظيمه
ــــــــــــــــــــــــــــــــــــــــــــــــــ ـــــــــــــــــــ
اهلا يالجوهره وتسلمين على الابيات بل القصيده التي اجاد فيه الرشيدي رحمه الله
وذائقتك الراقيه
اما القهوه تقهوينا منها ولاهنا احد اكرمك مولاك
ــــــــــــــــــــــــــــــــــــــــــــــــــ ــــــــــــــــــــ
نعم يارحيل انت احزاب وحضورك وتفاعلك يكفي عن كثيرين لاهنتي ودمتي وسلمتي