من اولٍ للسجين نبرك الحاشي=وله نعدي بالحلى والشاي والدله
يوم ان زنده بصوان الشعر ياشي=ويفتح مغاليق ضيق الصدر ويدله
واليوم من نسجنه يمكر وغشاشي=ما نقدر نصدقه لوهو حلف بالله
ما ودنا بالرجوع نباري الماشي=قدمه بخطوات نقدا الدرب وندله
الفكر بافكاره من امس المسا طاشي=هجمة كراع الجراد ان جات منهله
شي نعرفه قديم وغيرهن ناشي=الراس في فروته منهن كما المله
ما ادري بكل العرب هذا المرض فاشي=او هو خصوصي يصيب من البشر قلِه
وشخصت مابي سبب خدٍ كما الشاشي=وسودٍ هدبهن على وجناته امضله
وردٍ يصيِّح جزع من حين يناشي=بالرمش/والكتف فوقه قذلةٍ هله
يا انت وصلك وراه اليوم متلاشي=عنه اتعاما بياليته ولعله