|
تسليه من الخفير يقوووول الشاعر
جربت في الدنيا تجاريب شايب وعرفت خلاني وميزت الأصحاب وعرفت طبع الناس مخطي وصايب ماني بخبلٍ تخدعه ضحكة الناب وجنبت اانا العالم وبعض القرايب البعض منهم قربهم عقرب وداب لو كان تعطيهم عيونك وهايب ماينفعونك جيدهم عند الأجناب ناسٍ يعادونك بليا سبايب حط الحواجز دونهم واغلق الباب بعض البشر قلبه من الحقد عايب لافيه طب وقلبه أسود من غراب عنده نجاحك من كبار المصايب وأذا سمع مدحك من الغير ينصاب لولا الحيا سالت دموعه سكايب مسكين من نار الحسد ماكل تراااب اللي يذمك كل ماصرت غايب وان جيت قدم لك تراحيب واعجاب كبه ترى مثله مع الناس خايب عادات ابو وجهين يكذب ويغتاب لو تغرقه بالطيب ماهو بطايب لاتنخدع في مثل شرواه لو طاب تبقى الحقيقه يا زمان العجايب الروس روس ولو يغارون الأذناب |
ارسل لي ابو فيصل ابيات يقول ان واحد مرسلها له يقول ارسلها لبو عبيد ههههههههههههههههههههههههه
الابيات سلم على ناصر عبيد الهواوي=حبه على خشمه وراسه وقل له انك بحكم العز مثل النداوي=حرٍ على روس الرجوم المطله ـوقلت وارسلتها لبو فيصل ليرسلها للمرسل ههههههههههههههههههههه وصل السلام من الوسيط العطاوي=بالواتس ابو فيصل بعث ما وصل له لاهنت يالمرسل عدتك اليلاوي=اعجبت بالمضمون دقه وجله يرفع مقامك من على الكون قاوي=من الخاطر اللي تو جبره حصل له فرحه ولو ماجات له بالمناوي=لو مرسله ما اعلم من اياة شله ذكر المحب لمن يحبه يساوي= ما ضم نجد وكل كبدٍ يبله ورديت مع راع اقلطو والهلاوي=من دون تكليف وله الشكر كله |
اهلا يابو سيف احسنت بالدخول فيه طمنتنا انك على قيد الحياه وهذا اسما الاماني لدينا
اهلا يالخيال وصح بدنك ولاهنت ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ ذكرت وطرت لي بعد ما هبت الهبوب=صدى ذكريات قبل ماهيب منسيه تمد العسل في كوب لي والصبِر في كوب= ماتامن لو اسعدك الضحى بالمسا السيه لبسنا ثياب الصبر بالصح والمقلوب=لصكات بقعا ماش مله وجنسيه ما اظن الخطا بعد الوفا والبطا مرغوب=اضراره كبيره معنويه وحسيه |
بين عظم الترقوه حنى الحجاب الحاجز=من يردك؟دش فيه وخذ منه مابدك عن حماية باحة ضلوعي ما اظني عاجز=مير ماضي لي يمين اني عنه ما اردك اسمع احداة المغربل وارتجاز الراجز=الشرايين ارقصت لك والوريد ايودك 150 موعد منك مابه ناجز=عن وفاك بموعدٍ واحيد ويش ايحدك |
السلام عليكم وأسعد الله أوقاتكم في حلكم وترحالكم ماشاء الله عليكم في جميع مشاركاتكم وقصائدكم لكم كل الإعجااااب وأحر الترحاب وصحت السنتكم وكل الشكر لمن سأل أو إفتقد .. والأمور كلها طيبة والحمد لله ، ما بين السفر والمقرّ ... وكل عام وأنتم بخير ،، |
تسليمة ومشاركة ..... ^^ سلام وأعُمه على كل مرباع = وأخص نادي ربعنا والربايع أهل الرواسي والقصايد والإبداع= وأهل التسالي والحكم والروايع ترحيبةٍ تبقى ويا مرحبا الساع = في مجلسٍ دارت عليه الذوايع بنٍ مع هيلٍ وشاهي ونعناع = وتمرٍ قصيمي من لذيذ الطلايع ون غبت وإلا جيت فالقلب ملتاع = إليا تذكّر شبّ فيه الولايع شعرٍ يوقّد هاجسي بالتولاّع = لا جرّ مواله وهاض السجايع في كل جرة حرف تهتزّ الأضلاع = والصدر ميدانه وفيه الوقايع يا كم نصحته بالخفا غير ما طاع = بلاه مستسلم ويأتيه طايع مدري على ذا الحال كيف العمر ضاع = أتجرّع اللوعات والوقت لايع في الحل والترحال في كل الأوضاع = ضاعت سنين العمر والبخت ضايع يا شيخ يا راعي الهوى بالهوى راع = العمر فرصة بين شاري وبايع وشرواك أنا شاريه ما ني ببياع = الحب سلعة روح ماهي بضايع ^^ ودمتم سالمين |
صح لسانك , ي مسلم ,, وبيض الله وجهك
|
السلام عليكم ورحمة الله وبركاته أسعد الله صباحكم جميعا بكل خير أبو عبيد ،أبو عامر صحت ألسنتكم وأدام الله إبداعاتكم ! أبو فيصل يسعد مساك يالقرم! العواد لاهنت على حضورك ومسموح والتقدير لك. شاعرتنا ريم يسعد مساءك ولاتطولين الغياب! خيال تواجد جميل لاهنت،،، حمد الحربي لاهنت على الحضور والتواصل يارائع! الجوهرة يسعد مساءك يالراعدية،لاوالله ماصلحته مافضيت من الاختبارات ألا أمس الخميس! تحية للجميع ،أسأل الله أن يبلغنا وإياكم هذا الشهر الفضيل ويوفقنا وإياكم للصيام والقيام! |
| الساعة الآن 04:17 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir