|
هلا بالجمييع
ومسآكم ورد وفل وياسمين يسلمك ربي رحوله وماعليك زود حبيبتي هلا بك هزاع العاصمي منوور السجن ابدعت في اختيارك للابيات الرائعه يعطيك العافيه ودمت ودام حضورك |
من الذآئقه
وين صوتك في مسا الذكرى ووين أيامك إنفتق جرحٍ عجزت آضمدّه وأكنّه أدري أن طيوفي الولهى تجي قدّامك تذكريني بس حزني مادريتي عنّه كان حلمي أرسم الواقع بدرب أحلامك كان حلمي أقلب الدنيا بعينك جنّه كان فرحي لاجذب قلبي جميع الآمك كان عمري فدوتك ولك الفضل والمنّه كنت لا ابتسمت شفاك وطاح ستر لثامك قلت ياحي الزمان اللي ضحك لي سنه كنت أهيم بشوفتك وأرقب شعور هيامك وأثر مابه عاشقٍ يصدق بعمره ظنه راح بك وقتك وللمجهول ساق أقدامك وانتهى عمرٍ خذانا ما خذينا منّه وصرت لاهبّت علي من الشمال أنسامك أمتلا صدري حنين ، وجر قلبي ونه . . - الشاعر/ مرزوق الروقي . |
السلام عليكم وصباحكم ومساكم سعاده وصحه وامن وامان
ان من البيان لسحرا/هلابك يالعاصمي ارحبي يارحيل اهلا يالمهره جبر الله كسره وعافاه وجعله صالحا بارا بوالديه وعافاك الله على هالتسالي الممتعه اهلا يالجوهره وتسلمين/تسالي رائعه اهلا بشاعرة نجد وصح الله لسانك الملكه هلابك ــــــــــــــــــــــــــــــــــــــــــــــــــ ـــــــــــــــــــــــــــ مادام باب السجن مربوط في سيم=ولا داج وسطه من اسبوعين دواج ولا احد يجيب الناشد ان قال ماهيم=ما كنه الا ينشد ستارة سواج انا نيابه عنه ابا ارسل على ريم=اللي تصافق دونها زجر الامواج غابت ولا جا عن خبرها تعاليم=وقفل على سر المغيبه بمزلاج عن نشدتي لا يشطحن المفاهيم=مافي سؤالي عن زميلاتنا احراج هي مبدعه شعر وعلي الملازيم=قيفانها للذائقه زاد وعلاج |
اقتباس:
صح لسانك يابو عبيد |
تسليه من الخفير
مواقف طريفه لإبن جدلان الله يرحمه هذا الشاعر سعد بن جدلان وموقفه المضحك الأول . (ياحليلك يامهنا) كان فيه واحد من جماعة أبن جدلان أسمه ( مهنا) يقرض الشعر وكانو معزومين في أمسيه وكان ( مهنا) وهم يمشون بالسياره رايحين صوب مكان الأمسيه يسمع (أبن جدلان ) قصيده. يوم كمل (مهنا) القصيده قال : هاه وش رايك يا أبن جدلان في القصيده!!!! قال (أبن جدلان) : تبي نصيحتي!!! قال(مهنا) : أكيد أبي أسمع نصيحتك!!! قال أبن (جدلان): قصيدتك هذي مهيب قصيده!!! ونصيحتي لايسمعها أحد غيري!!! يوم أنتهت الأمسيه جاو شعار واجد يسمعون (أبن جدلان)قصايدهم !! وكان (أبن جدلان) يسمع من بعضهم مجامله !!! في الأخير جاء واحد وقال قصيده ضيقت صدر (ابن جدلان) يوم خلص راعي القصيده. قال: هاه وش رايك يابو محمد!! ناضر فيه أبن جدلان وقال: (ياحليلك يامهنا) ويقصد ( ابن جدلان) أن قصيدة ( مهنا) أرحم من بعض القصايد اللي سمعها. الموقف الثاني جاء يوم من الأيام وصله رجل لمشوار وسيارته ددسن قديمه من ايام العصر الحجري يوم وصله وجاء بن جدلان يبي ينزل قال له الرجل : يابن جدلان أنا سويت فيك معروف وو صلتك مشوارك أبيك تمدح سيارتي فأضطر الشاعر / بن جدلان أن يوافق لأنه يبي يرد الجميل فقال : يا راكب اللي دركسونه دركسون === ومكينتـه تحـت كبوتـه مكينـه وسويكه سويك والطبلون طبلـون === ويسـاره يسـار ويمينـه يمينـه يمشي على الهون لا مشوه بالهون === وإن كنهـم شاحطينـه شاحطينـه --------------------------------------------------- والسالفه الثالثه يقولون كان معه مرسيدس من الاولات وقابله في الخط سيارات مرسيدس من التاليات اللي مقصوص خشمها من قدام وقال يوم شافها تعدته هو وموتره: وخري يالفنس عن سمح الاقبالي === لعنبوا ذاالوجـه وجـه الفلبينـي ماضهرتي غير في جيلنا التالـي ==== في غلا المعزا ورخص البعاريني] السالفه الرابعه كان أبن ( جدلان ) معزوم عند تاجر معروف في البر . وكان هذا الرجال يحب (السلق) عنده في بيته أكثر من 6 سلق. يوم حضروا كل الضيوف قال أبن جدلان للمعزب : انا عندي قصيده فيك ودي أقولها. قال المعزب: تفضل يأبن جدلان: يوم خلصت القصيده!! حب المعزب يمزح مع أبن جدلان قال له: ماودك تقول قصيده في السلقه!! قال له أبن جدلان: القصيده كانت في السلقه. بس يوم شفتك قلت أنت ولا السلقه!!! السالفه الخامسه. كان فيه واحد يعرفه ( ابن جدلان ) معرفه سطحيه. قابله ( أبن جدلان ) مره من المرات وقاله: (كيف حال الشايب) قاله: (ياخوي الشايب متوفي العام وانت قد عزيتني فيه) قال أبن جدلان: (أثره بعد على موته اللي أنا خابر) واخيراً اختمها بهذين البيتين( لأبو محمد) أنا أحسب إن الشباب يعود بالقوّة -------------------------أبغي مع أهل الهوى أجدد علاقاتي فضحني الشيب و الحلاق و الفوّه -------------------------------يا لحيتي لحيتـاه و يـا شنباتـي منقووووول |
ويقول ابن جدلان الله يرحمه
الشــــدايد يـــــا جميـــله بالازمات اختبار,,,, ينــعــرف فيـها الضلال الطويل من القصير كل مــــاذكر حالتك بين غـــــار وبين نـــار ,,,, راحـــت الــدنيـــا بعيني عبــــوسٍ قمطرير تحسـبــن حبــك محــاه التشدد والحصار,,,, التشـــدد في المحبـــه هو الشر الشرير شغلهم ضـــدي وضــدك يعمـّـر لك وقــار ,,,, في ضميــــرٍ مــاسكـن فيـه قدامك عشير زارعٍ لك بخشـــةٍ مــن الزرار الى الزرار,,,, نبتـهـا ملمســـك والعـــود الازرق والعــبير شد حيـــلك لا يصيبــك فشل وإلا إنهيار,,,,, لا تصغــر قيمتـــك وانـت في عينـــي كبير لذة صبـــــار الهــوا مثـــل لــذة الانتصار ,,,,, لا تصدق من يقـــــول الحســـد مافيه خير لا تغيـــرب مـــاجرا مـن قنـــا مثلك يغار ,,,, كـــل شي ينشفـــا فيـــه ميصـــاله عسير الذهـــب دونــه حـراسه وبيبــاٍنن كبــار,,,,, والدرر مــن دونها هيبـــة البـــحر الغــــزير غير لاتيّــس و تكتـب على نفسـك قرار ,,,,, يدفعك ســــوء التصرف على بئس المصير لولا شحــي فيـك جيتك أجاهر من نهار ,,,,, غيــــر ما يصـــلح مقــــام بـــلا راي بــصير فرصتـي ويقت حـــرارٍ على مــاكر حرار ,,,,, مــا يــعــــود فـــالمحل الربيــب إلا البـعير والله ان امـــوت ما جـاك من عندي بوار ,,,, خــل في قلبـــك ثقــه والثقــه كنز الضمير خذ كلام اللي يشـــوفك بعيـــن الاعتبار,,,,, واحــــدٍ مــــالك بقلبــه ولا عقــله خــشير والمحبه مدرسة شي ثبوت وشي فرار ,,,, وانت درسي مع هل الحب الاول والاخير |
اقتباس:
وصح لسانك ملايين العاصمي رحوله الجوهره ربي يسلمكم ولايريكم باس النجلاء تبلغكم السلام وتسال عنكم كلمتها امس ابشركم بخير وبس تعافى ترجع لكم ان شاء الله |
الحضور الآن
(انا)و22زاير هههههههههههههههههههههههههههههههه حياك يالخيال يوم السجن عود لسرد الحكاوي=استودع الله دينكم والأمانات لوني على صبرٍ عنه غير قاوي=لكن ما ظني يجي منه مافات خابت بطلقين اليدين الهقاوي=وفاقن بنات المنتدا كل هقوات مبدا قرار ولا اتخذته واراوي=وقمر شهر شعبان له بضع ليلات |
| الساعة الآن 04:26 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir